Silla University

Нийтэлсэн: |
Танилцуулга

Silla University (신라 대학교) нь Өмнөд Солонгосын Пусан хотод байрладаг хувийн их сургууль юм. БНСУ-ын Боловсролын яамнаас албан ёсоор хүлээн зөвшөөрсөн Силла их сургууль нь хамтарсан сургалтын дээд боловсролын байгууллага бөгөөд албан ёсоор хүлээн зөвшөөрөгдсөн дээд боловсролын зэрэг олгох хөтөлбөрийг санал болгодог. Түүнчлэн тус сургууль нь олон улсын ажил мэргэжил, хамтын ажиллагаа, солилцоог дэмжих зорилгоор Силла Их Сургууль нь 28 орны 175 их дээд сургуультай  хамтарч ажилладаг байна.

Их сургуулийн түүх:

Young-Taek Park-ийн үүсгэн байгуулсан Parkyoung боловсролын сан нь 1954 онд одоогийн Силла их сургуулийн үндэс болсон Пусан дахь эмэгтэйчүүдийн өсвөрийн коллежийг нээжээ. Ха-Гон Парк нь Янг-Тэк Паркийн ажлыг үргэлжлүүлж, бага коллежийг Пусаны эмэгтэйчүүдийн коллеж нэртэй дөрвөн жилийн коллеж болгон хөгжүүлсэн бөгөөд зорилго нь улс орныг удирдаж, хүн төрөлхтөнд хувь нэмрээ оруулж чадах дэвшилтэт эмэгтэй удирдагчдыг хөгжүүлэх явдал байв. 1997 онд тус сургуулийн нэрийг Силла их сургууль болгон өөрчилж, 21-р зууны мэдлэгт суурилсан мэдээллийн нийгмийг ашиглахад бэлэн, бүтээлч чадварлаг хүмүүсийг төлөвшүүлэхэд чиглэв.

Силла их сургуулийн эрхэм зорилго бол үнэнийг баримталж чаддаг, мэдлэгээ бүтээлчээр дээшлүүлж, шинэ соёлыг бий болгож, хүн төрөлхтнийг хайрлаж, нийгэмд үйлчилдэг, улсын ирээдүйг удирдан чиглүүлж чаддаг чадварлаг хүмүүсийг төлөвшүүлэхэд оршино. Цаашилбал, үүсгэн байгуулагчийн үзэл баримтлал, боловсролыг сурталчлах замаар хүн төрөлхтний харилцан хөгжил цэцэглэлтэд хувь нэмрээ оруулах боловсон хүчинг бэлтгэх юм.

Кампус:

Их сургуулийн 1,800,000㎡ оюутны хотхон нь цэвэр агаарт уулын бэлд байрладаг бөгөөд тэнгисийн гайхалтай үзэмжийг тусгаж, суралцах таатай орчинг бүрдүүлдэг. Силла их сургуулийн оюутны хотхон нь бүх Солонгос улсын хамгийн үзэсгэлэнтэй их сургуулийн хотхонуудын жагсаалтын эхний 10-т багтдаг байна.

Силла их сургуулийн хамгийн ойр метроны буудал бол Сасанг өртөө юм. Оюутнууд сургуулийн явуулын автобусаар үнэгүй зорчиж 7 минутын дотор л очих боломжтой. Силла кампусыг тойрсон Сасанг нь төрөл бүрийн дэлгүүр, зоогийн газартай ба зугаа цэнгээний олон төрлийн үйл ажиллагаа явуулдаг. Аялал жуулчлалын хамгийн том үзмэрүүд болон Бусаны бүх томоохон газруудад нийтийн тээврээр Сасанг өртөөнөөс хялбархан хүрч болно. Түүнчлэн тус оюутны хотхон нь Гимхай олон улсын нисэх онгоцны буудлаас галт тэргээр ердөө 5 минут явах зайд байрладаг аж.

Пусан хот:

3.6 сая орчим оршин суугчтай хөл хөдөлгөөн ихтэй Пусан хот нь Солонгосын хойгийн зүүн өмнөд хэсэгт байрладаг. Пусан хотын хэмжээ нь 767.35 км бөгөөд энэ нь Солонгосын хойгийн нийт нутгийн 0.8% юм. Пусаны байгалийн орчин нь уул, гол, далай тэнгисийн зохицлын төгс жишээ болдог. Газарзүйн хувьд гайхалтай наран шарлагын газар, үзэсгэлэнт хадан цохио бүхий далайн эрэг, явган аялал, ер бусын үзэмжийгсанал болгох уулс, хот дотор тархсан халуун рашаан зэргийг агуулна. Пусан нь дөрвөн улиралтай ба хэт халуун, хэт хүйтэн бус уур амьсгалтай.

Пусан бол Солонгосын хоёр дахь том хот юм. Гүн боомт, зөөлөн далайн түрлэг нь тус улсын хамгийн том контейнер тээвэрлэх боомт болон дэлхийн тав дахь том боомт болон өргөжих боломжийг олгосон. Хотын байгалийн хишиг, баялаг түүхийн ачаар Пусан хот нь дэлхийн аялал жуулчлал, соёлын хот гэсэн нэр хүндтэй болсон байна.

ИХ СУРГУУЛИЙГ СОНГОХ ШАЛТГААН

Баян түүх, уламжлалтай нэр хүндтэй их сургууль

1954 онд өмнөд нутгийн Бусан хотод байгуулагдсан Силла их сургууль нь олон жилийн түүх, уламжлалаараа бахархдаг. Боловсролын жижиг коллежоос эхлээд Силла их сургууль нь 10 коллеж, 6 бакалаврын дараах түвшний сургуультай, 60 гаруй мэргэжлийн сургалт явуулдаг, 10,000 орчим оюутантай, дөрвөн жилийн хугацаатай их сургууль болон өргөжжээ.

Үндэсний хэмжээнд өрсөлдөх чадвартай Солонгос хэлний хөтөлбөр

2012 онд Силла их сургуулийн Солонгос хэлний сургуулийг БНСУ-ын Боловсролын яамнаас сонгон шалгаруулснаар БНСУ-ын Засгийн газрын тэтгэлэгт хөтөлбөр (KGSP) -ийн тэтгэлэгт тэнцэгсдийг хүлээн авах үндэсний хэмжээний 12 хэлний сургуулийн нэг болжээ. Түүнээс гадна дэлхийн өнцөг булан бүрээс ирсэн бусад олон оюутнууд тус их сургуулийн Солонгос хэлний хөтөлбөрт хамрагддаг.

Гадаадын оюутнуудад зориулсан тэтгэлэг ба санхүүжилт

Силла их сургуулийн гол зорилго нь хамгийн шилдэг, ухаалаг оюутан залуусыг өөртөө татах явдал байсаар ирсэн. Тиймээс гадаад оюутнуудад өөр өөрсдийн суралцах чиглэлээр янз бүрийн урамшуулал олгодог. Үүний дагуу тус сургууль нь шилдэг оюутнуудыг сургалтын төлбөрийг 50 ~ 100% бууруулж урамшуулах, оюутны TOPIK онооны тэтгэлэг, манлайллын тэтгэлэг, амьдралын түвшнээс хамаарсан тэтгэлэг болон бусад тэтгэлгийг төрөөс болон бусад хувийн байгууллагуудаас олгох тэтгэлэгийн системтэй.

Шилдэг оюутны хотхон ба боловсролын орчин

Силла их сургуулийн кампусыг Солонгосын коллежийн сониноос БНСУ-ын хамгийн үзэсгэлэнтэй хотхонуудын жагсаалтын эхний аравт багтаасан бөгөөд 1-р зэрэглэлийн лекцийн өрөөний мэдээллийн системтэй хэмээн Жун-анг сониноос сонгосон байна. Улс орны өнцөг булан бүрээс ирсэн шилдэг профессоруудын ачаар тус их сургуулийг Солонгосын их дээд сургуулийн боловсролын бага хурлаас олон чиглэлээр маш сайн үр дүнтэй нийтлэл хэвлүүлдэг, олон улсын түвшинд өрсөлдөх чадвартай гэдгээ баталсан их сургууль гэж хүлээн зөвшөөрсөн.

Олон улсын хандлагаараа тэргүүлэгч их сургууль

Силла их сургууль нь Солонгос улсдаа хүчтэй хүлээн зөвшөөрөгдсөн төдийгүй гадаад орнуудаас мөн ихээхэн анхаарлыг авдаг. Силла их сургууль нь дэлхийн өнцөг булан бүрт үйл ажиллагаа явуулдаг их сургуулиудтай хүчтэй харилцаа холбоо тогтоох чиглэлээр ажиллаж ирсэн бөгөөд одоогийн байдлаар дэлхийн 28 орны 175 гадаадын их дээд сургуультай олон улсын солилцооны хөтөлбөр хэрэгжүүлж байна.

Оюутнуудын олон улсад ажил эрхлэх түвшнээр тэргүүлэгч

Даяаршил ба гадаадад ажил эрхлэлтийг сурталчлах, дэмжих зорилгын дагуу Силла Их Сургууль нь Бусан хотын захиргаа, БНСУ-ын засгийн газартай уялдуулан оюутнуудаа өнөөдрийн олон улсын хөдөлмөрийн зах зээлд өрсөлдөхөд шаардлагатай хэрэгслээр хангах зорилгоор ажлын байрны сургалт, гадаадад дадлагажуулах ажлыг зохион байгуулдаг. Эдгээр хүчин чармайлтын үр дүнд их сургуулийн төгсөгчид гадаадад ажлын байраар хангагдсан үзүүлэлтээрээ улсдаа хамгийн өндөр байдгаар тус их сургууль бахархдаг байна.

Kyoto University of Advanced Science

Нийтэлсэн: |
Танилцуулга

Киотогийн дэвшилтэт шинжлэх ухааны их сургууль буюу (KUAS) нь Японы засгийн газраар магадлан итгэмжлэгдсэн 4 жилийн сургалттай хувийн их сургууль билээ. 50 гаруй жилийн түүхтэй тус их сургууль нь Япон улсын боловсролын өлгий болсон Киото хотод байдаг. KUAS нь төгсөгч оюутнуудаа бүх төрлийн мэдлэгтэй, ялангуяа компьютер, механик, цахилгаан, мехатроник технологийн чиглэлээр мэргэшсэн боловсон хүчин болгон бэлтгэхээр зорьж байгаа аж.

Кампус

Үзүмаса хотхон нь Баруун Киотод харьцангуй тайван газар байрладаг ба хотын төвөөс бүх улиралд богино дугуйн аялал хийх зайд байрладаг ба мөн метро, автобусаар явах боломжтой. Үзүмаса хотхон нь 4 том барилгаас бүрдэнэ. Инженерчлэлийн барилга нь тус хөтөлбөрт тусгайлсан зориулан барьсан хамгийн шинэ барилга юм. Тус барилга нь 2019 оны эцэс гэхэд ашиглалтад орсон. Тус барилгыг жинхэнэ орчин үеийн сургуулийн талаархи алсын хараагаар сургалт, судалгааны ажилд шаардлагатай бүх машин, төхөөрөмжүүдээр хангаж тэдгээрийн зохилдлогоог барилгын төлөвлөлттэй уялдуулан байрлуулж барьсан байна. Түүнчлэн тус барилгыг ил тод байдлаар зохион бүтээсэн бөгөөд оюутнуудынхаа төсөл, профессоруудын судалгааны ажлыг харуулсан музейг хамт байгуулсан байна. Компаниуд үйлдвэрүүдтэйгээ зэргэлдээ ажилчдынхаа дотуур байр барьдаг уламжлалтай байдаг бол KUAS нь инженерчлэлийн барилгад оюутнуудад зориулан 80 орчим өрөө байрлуулсан байна.

Камэока кампусаас Үзүмаса хотхон хүртэл 30 минутын хугацаанд хүрэх боломжтой бөгөөд оюутнуудад зориулсан тогтмол автобус үйлчилдэг. Уулын эргэн тойронд томоохон зай эзэлдэг тус хотхон нь хотын хөл хөдөлгөөнөөс холдох төгс орчин юм. Тус кампус нь 16 барилга байгууламжтай бөгөөд 232,000 хавтгай дөрвөлжин метр талбай бүхий олон спортын талбай, (бейсбол, хөл бөмбөг, гольф), биеийн тамирын заал, биологийн чиглэлээр үйл ажиллагаа явуулдаг салбар сургуулиудаас бүрддэг. Инженерчлэлийн оюутнууд оюутны хотхонд биеийн тамирын хичээлийнхээ хүрээнд тус кампусын талбайг ашигладаг байна.

Байгууламжууд

KUAS нь 460,000 номын цуглуулгатай 2 номын сантай ба номын сангууд нь ганцаарчилсан болон багаар ажиллах танхимуудаар хангадаг. Түүнчлэн кампус дээр биеийн тамирын заал, иогын танхим, спорт заал, зэрэг байгууламжууд байрлахаас гадна оюутнуудад зориулсан хоолны танхим байдаг.

KUAS-ийг сонгох шалтгаан

Бүх хичээл англи хэл дээр явагдах хөтөлбөрүүд

Цоо шинэ инженерчлэлийн хөтөлбөрүүдийг санал болгож буй KUAS-ийн бүх хичээлүүд англи хэл дээр явагдана.

 

Онц сайн, практик хөтөлбөрүүд

KUAS-ийн инженерчлэлийн хөтөлбөрүүд нь оюутныг бодит амьдрал дээр амжилттай явахад шаардлагатай багаар ажиллах, дадлагажуулах хичээлүүдийг багтаасан олон талт инженерчлэлийн хөтөлбөрүүд юм.

 

Япон хэлний эрчимжүүлсэн сургалт

KUAS нь бүх олон улсын оюутнуудад зориулж өөрсдийн ирээдүйн карьер боломжуудыг нэмэгдүүлэхэд тустай эрчимжүүлсэн япон хэлний сургалтыг явуулдаг.

 

Карьер боломжууд

KUAS нь өөрсдийн хамтран ажилладаг олон төрлийн аж үйлдвэрүүдээрээ дамжуулан оюутнууддаа Япон улсад эсвэл дэлхий дахинаа ажил мэргэжлийн боломжуудыг санал болгодог.

  1. KUAS нь 2019 онд 50 жилийн ойгоо сургуулийн нэрээ шинэчлэн тэмдэглэж байгаа
  2. KUAS нь 2020 онд шинээр Инженерчлэлийн факултеттэй шинэхэн хичээлийн байртайгаар нээж байгаа
  3. Японы цорын ганц бүх хичээл нь Англи хэл дээр явагддаг Инженерчлэлийн факултеттэй
  4. Инженерчлэлийн факултетын зорилго: Нийт оюутнуудын 50%-ийг гадаадын оюутан, 50%-ийг эмэгтэй оюутан болгох
  5. KUAS нь 2 оюутны хотхонтой. Баруун Киотод байх Үзүмүса кампус, Камэока хотод байрлах Камэока кампус
  6. 2 оюутны хотхоны нийт хэмжээ нь Токио дахь Диснейландын талбайн хагастай тэнцүү
  7. Оюутан – Багшын харьцаа 17:1. Нийт багш нарын 35% нь олон улсаас ирсэн
Киото дахь оюутны амьдрал ямар вэ?
  1. 10,000+ олон улсын оюутантай жинхэнэ олон улсын хот
  2. Киото хот дахь 10 хүн тутмын 1 нь их сургуулийн оюутан байдаг.

Киото хот нь…

  1. Аж үйлдвэржсэнИнженерчлэлийн салбарын хамгийн орчин үеийн технологийг агуулсан хот
  2. Шинийг санаачлагч12 Нобелийн шагналтан төрсөн
  3. ҮзэсгэлэнтэйЖилийн 4 улиралд харж болох үзэсгэлэнт газартай
  4. Уламжлалт -1,200 жилийн түүхтэй уламжлалт хот
Англи хэлний шалгуур
Англи хэлний шалгалт Зөвшөөрөгдөх хамгийн доод оноо
TOEFL (iBT) – 80
IELTS Нийт оноо 6.0
PTE 50
Төлбөр

Төлбөр

Эхний жил Жилийн
Эсэлтийн хураамж 200,000 еэн буюу 1,819 ам.доллар
Сургуулийн төлбөр Сургалтын төлбөр 650,000 еэн буюу 5,910 ам.доллар
Сургуулийн байгууламжуудын төлбөр 350,000 еэн буюу 3,182 ам.доллар
Ослын даатгал (2 жил) 8,970 еэн буюу 82 ам.доллар
Нийт 1,208,970 еэн буюу 10,991 ам.доллар

Sejong University

Нийтэлсэн: |
Танилцуулга

Сэжон их сургууль (세종 대학교, 世宗 大 學校) нь Өмнөд Солонгосын Сөүл хотод байрладаг хувийн их сургууль юм. Сэжон их сургуулийн түүх нь 1940 онд Кён Сун Хүмүүнлэгийн хүрээлэн байгуулагдсан үеэс эхлэлтэй. 1978 онд тус академийг Чежун гүрний дөрөв дэх хаан, Хангүл солонгос цагаан толгойг хариуцаж байсан их удирдагч Сэжоны гэгээн дурсгалд зориулж Сежон их сургууль гэж нэрлэжээ.

Сэжон их сургууль нь зочлох ухаан, аялал жуулчлалын менежмент, бүжиг, хөдөлгөөнт дүрс, хэмнэлт гимнастик зэрэг салбаруудын сургалтаараа алдартай.  Тус сургуулийн Урлагийн ба биеийн тамирын коллеж, зочлох ухаан ба аялал жуулчлалын менежментийн коллеж нь тус улсад жагсаалтаараа тэргүүлэх байр эзэлдэг байна.

Сэжон их сургууль нь 11 коллежоос бүрдэх бөгөөд 12000 бакалаврын түвшний оюутан, 2400 бакалаврын дараах түвшний оюутан, 1700 олон улсын оюутантай. Инженерийн коллежийн оюутнууд 1996 онд 40 байснаас 2017 онд 1,207 болж өссөн нь Сэжон их сургуулийг коллежуудаа дахин шинэчилж инженерийн коллежид төвлөрөхөд хүргэсэн байна. “Хамгийн шилдэг факултет хамгийн шилдэг оюутнуудыг бэлтгэдэг” гэх итгэл үнэмшилийн дагуу Сэжон их сургууль нь 2020 он гэхэд Азийн шилдэг 50 их сургуулийн нэг болохоор зорьж энэ зорилгодоо хүрэх бэлтгэл ажилаа амжилттай гүйцэтгэж байгаа аж.

Сургуулийн салбарууд:

Сэжон их сургууль нь Либерал урлагийн коллеж, Нийгмийн шинжлэх ухааны коллеж, Бизнесийн удирдлагын коллеж, Хүрээлэн буй орчин, аялал жуулчлалын менежментийн коллеж, Байгалийн шинжлэх ухааны коллеж, Амьдралын шинжлэх ухааны коллеж, Электроник ба мэдээллийн инженерийн коллеж, Инженерийн коллеж, Урлаг ба биеийн тамирын коллеж, Ерөнхий боловсролын факультет, долоон дээд сургуультай.

  • Сэжон дээд сургууль
  • Бизнесийн дээд сургууль
  • Төрийн бодлогын дээд сургууль
  • Боловсролын дээд сургууль
  • Аялал жуулчлалын дээд сургууль
  • Салбар хоорондын урлагийн дээд сургууль
  • Аж үйлдвэрийн дээд сургууль
Оюутны хотхон

Сэжон их сургуулийн ногоон байгууламжаар хүрээлэгдсэн 118,262 м2 талбай бүхий оюутны хотхон нь Өмнөд Солонгосын нийслэл Хан голын хойд хэсэгт Сөүлийн зүүн хойд хэсэгт байрлах Гуанжин-Гу, Гунжа-дүн 98-т оршидог. Сөүлийн Хүүхдийн Гранд Паркын чанх урд байрлах оюутны хотхон нь Сэжон хувийн бага сургуулийн барилга, Оюутны төв зэрэг 23 барилгаас бүрдэнэ. Тус оюутны хотхон нь Солонгосын уламжлалт хэв маягаар баригдсан, үзэсгэлэнтэй оюутны хотхон юм. Тус оюутны хотхон-руу метро, автобус зэрэг нийтийн тээврээр зорчих боломжтой.

Сэжон их сургуулийн музей

Оюутны хотхоны  зүүн хэсэгт байрлах Сэжон их сургуулийн музейд тус их сургуулийн үүсгэн байгуулагчдын цуглуулсан олдвор, эртний эдлэлийн цуглуулга агуулагддаг. Эдгээр цуглуулгыг эрдэм шинжилгээний ажилд зориулан их сургуульд хандивласан байна. Музейн түүх 1959 оноос эхлэлтэй. Музейн цуглуулгад хааны эдлэл, хувцас, хувийн гоёл чимэглэл, унжлага, солонгос уламжлалт бэхийн зураг, уран бичлэг, ваар зэрэг зүйлс багтдаг.

Сэжон их сургуулийн номын сан

1947 онд байгуулагдсан тус номын сан нь 2000 онд 12 давхар байр болж шинэчлэгдсэн бөгөөд 840,000 ном, 1500 сэтгүүл захиалга, 20,000 цахим сэтгүүл, 23,000 цахим номтой. Тус номын сан нь  3200 хүний суудал бүхий ганцаарчилсан уншлагын танхим болон багаар ажиллах хэсэгтэй ба ДХБ-ын Солонгос дахь анхны номын сан юм.

James Cook University Singapore

Нийтэлсэн: |

James Cook University Singapore нь Австралийн Таунсвиллд байдаг Жемс Күүк их сургуулийн нэг салбар юм. Уг кампус нь 2003 онд байгуулагдсан. James Cook University Singapore-н санал болгодог бүх хичээл Австралийн хичээлийн хөтөлбөрийн дагуу явагддаг бөгөөд оюутнууд Жемис Күүк их сургуулиас олгодог мэргэжлийн диплом, гэрчилгээтэй төгсдөг.

Өнөөгийн байдлаар JCU Singapore нь Pathway хөтөлбөрөөс гадна, бизнес, боловсрол, сэтгэл судлал, байгаль орчны шинжлэх ухаан, мэдээллийн технологи, аялал жуулчлал-зочилохуйн үйлчилгээний чиглэлийн курсүүдийг санал болгодог. Жилд 3 семитсерээр хичээллэдэг учир оюутнууд их сургуульд 2 жил сураад төгсөх боломжтой байдгаараа бусад их сургуулиудаас ялгаатай.

Салбар кампусын байр суурь

2016 оны 5-р сард Сингапур, Австрали 2 улсын засгийн газраас Сингапур-Австралийн чөлөөт худалдааны хэлэлцээрийг дахин шинэчлэн баталж хоёр орны боловсролын салбарын хамтын ажиллагааг өргөжүүлэх зорилгоор хэд хэдэн заалтуудыг нэмж оруулсан. Энэхүү гэрээний хүрээнд JCU Singapore-г 2016 оны 6-р сараас Жемс Күүк их сургуулийн салбар кампусаар үйл ажиллагаагаа явуулах болсон.

Кампус

JCU Singapore-н кампус нь Sims Drive-т байдаг. Уг кампус нь лекц, семинарын өрөө, номын сан, комьпютерийн лаборатори, спортын тоног төхөөрөмж гээд оюутанд хэрэгцээтэй сургалтын техник хэрэгслээр бүрэн тоноглогдсон.

Англи хэлний мэдлэгт тавигдах шаардлага

  • IELTS: 6.0

DIMENSIONS International College

Нийтэлсэн: |

DIMENSIONS International College нь 1980 онд байгуулагдсан, Сингапурт байдаг хувийн боловсролын байгууллага юм. Тус коллеж нь 3 кампус, дээд боловсролын сургууль, Зочилохуйн үйлчилгээний сургууль, хэлний сургууль, DIMENSIONS ахлах сургууль гэсэн 4 салбар сургуультайгаар үйл ажиллагаагаа явуулдаг. DIMENSIONS International College нь хагас болон бүтэн цагийн бакалаврын болон бакалаврын дараах төвшний хөтөлбөрүүдийг санал болгохын зэрэгцээ гэрчилгээ олгох курсүүдийг санал болгодог.

DIMENSIONS коллежийг сонгох шалтгаан

Сургалтын дадлага туршлага

Коллеж нь олон улсад магадлан итгэмжлэгдсэн байгууллагуудтай тогтоосон хамтын ажиллагааныхаа хүрээнд олон мэргэжлийн чиглэлийн курсүүдийг оюутнуудад санал болгодог бөгөөд коллежийн оюутнууд дараагийн шатны дээд боловсролын байгууллагад элсэн суралцахад шаардагдах шалгууруудыг бүрэн хангахуйц мэдлэгтэй болж төгсдөг. DIMENSIONS коллежид суралцсанаар мэргэшсэн, чадварлаг, туршлагатай багш нараар хичээл заалгахын зэрэгцээ сургуулиас гадуурх аливаа үйл ажиллагаа, төсөл хөтөлбөрүүдэд оролцон туршлага хуримтлуулах боломжтой.

Олон жилийн дадлага туршлага

Коллеж  нь 1980 онд үүсэн байгуулагдсан цагаасаа эхлэн орон нутгийн болон олон улсын оюутнуудад өөр өөр төвшний хөтөлбөрүүдийг санал болгон сургасаар ирсэн олон жилийн туршлагатай. Үйл ажиллагаагаа улам боловсронгуй болгон өргөжүүлэн хөгжсөөр байгаа шилдэг дээд боловсролын байгууллага юм.

Техник хэрэгсэл, сургалтын орчин

Коллеж нь бүрэн тоноглогдсон 89 анги танхим бүхий 3 кампустай. Оюутнуудын хувьд сурч боловсрох таатай орчин нөхцөл бүрэн бүрдсэн.

Curtin University, Singapore

Нийтэлсэн: |

Curtin University нь 1986 оноос эхлэн Сингапурт сургалтынхаа хөтөлбөрийг нэвтрүүлэх болсон бөгөөд Сингапуртай тогтоосон уг харилцаа, хамтын ажиллагаандаа дэвшил хийн 2008 онд Curtin Singapore кампусаа  байгуулсан. 20 сая долларын өртгөөр боссон уг кампус нь Сингапур хотын төв хэсэгт байрладаг. Curtin University Singapore кампус нь орчин үеийн сургалтын техник хэрэгсэл, тоног төхөөрөмжөөр бүрэн тоноглогдсон.

Curtin Singapore нь Навитас группийн салбар Куртин боловсролын төвийн удирдлага дор үйл ажиллагаагаа явуулдаг бөгөөд Навитас групптэй хамтран оюутнуудад чанартай үйлчилгээг үзүүлдэг.

Gwangju Health University

Нийтэлсэн: |

Гуанжу эрүүл мэндийн сургууль нь тусгай мэргэжлийн хөтөлбөрүүд, оюутнуудын сэтгэл ханамж, боловсролын чанараараа улсдаа хүлээн зөвшөөрөгддөг. Тус сургууль нь боловсролын яамны магадлан итгэмжлэлийг хүртсэн шилдэг сургууль бөгөөд  2013 оноос Солонгосын тусгай мэргэжлийн коллежоор үйл ажиллагаагаа үйл ажиллагаагаа явуулж байгаа. Мөн Гуанжугийн сургууль нь мэргэжлийн дээд боловсролын чанараараа хүлээн зөвшөөрөгддөг.

Гуанжугийн эрүүл мэндийн сургууль нь хүмүүнлэгийн ухаан, эрүүл мэндийн шинжлэх ухаан, нийгмийн шинжлэх ухааны чиглэлээр мэргэжилтэн бэлтгэдэг. Уг сургуульд нийгмийн халамж арьс арчилгаа, гоо сайхны 2 жилийн тусгай дунд боловсролоос эхлээд сувилахуйн чиглэлийн бакалаврын түвшний 4 жилийн хөтөлбөрөөр 4000 гаруй оюутан сургадаг. Гуанжугийн эрүүл мэндийн сургууль нь Хоман бүс нутагт орших Өмнөд Жеолла аймагт байрладаг.

Гуанжугийн эрүүл мэндийн сургуулийг сонгох 5 шалтгаан

  1. 3 төрлийн санхүүгийн дэмжлэг
  2. Мөнгөө хэмнэн тусгай мэргэжил эзэмшээд цааш бакалварын түвшинд үргэлжлүүлэн сурах боломж
  3. Бүтэн цагийн Англи хэлний ярианы клубууд
  4. Сургуулийн кампус дотроо оюутны байртай /өдөр, оройн хоол багтсан/
  5. Солонгос хэлний сургалтын төв

Гуанжу хот

Гуанжу хот нь Өмнөд Солонгосын дотоодын тээврийн төв гэдгээрээ алдартай алдаршсан бөгөөд энд Өмнөд Солонгосын өнцөг булан бүрт хүрч үйлчилдэг хамгийн том автобусны товчоо байдаг. Мөн Гуанжу муж нь таныг 90 минутын дотор Сөүл хотод хүргэх өндөр хурдны галт тэрэгний үйлчигээг нэвтрүүлснээр гадна Сөүл болон Жэжүгийн чиглэлд онгоц нисгэдэг нисэх онгоцны буудалтай.

ГУАНЖУГ сонгох 5 шалтгаан

  1. Бусад том хотуудтай харьцуулахад амьжиргааны өртөг бага
  2. Гайхамшигт хосгүй хоолнуудаараа алдартай
  3. Гадны оршин суугчид олонтой
  4. Жижиг хотод амьдарч байгаа мэт амар тайван мэдрэмж
  5. Өндөр хурдны гад тэрэгтний үйлчиглгээг нэвтрүүлсэн

BEIJING FOREIGN STUDY UNIVERSITY

Нийтэлсэн: |

Бээжин Олон Улсын Судлалын сургууль нь БНХАУ-ын боловсролын яамны харьяанд үйл ажиллагаагаа явуулдаг Хятадын улсын их сургуулиудын нэг юм. БНХАУ-ын анхны гадаад хэлний сургууль буюу “Дипломатуудын өлгий” гэж нэрлэгддэг BFSU нь одоогоор 101 орны хэлийг заадаг ба 1300 гаруй гадаад оюутнуудтай, 400 гаруй элчин сайд, 1000 ахлах дипломатуудыг бэлтгэн гаргасан байна.

Сургуулийн үндэс суурь 1941 онд Хятадын улс төрийн коллежийн Орос хэлний тэнхимээр эхэлж, 1954 онд нэрээ өөрчлөн Бээжингийн Гадаад Хэлний институт болж, 1959 онд Beijing Russian Institute-тэй нэгдсэн. Тус сургууль нь өнөөгийн нэрээ 1994 онд авч, өнгөрсөн 74 жилийн хугацаанд Орчуулагч, Бизнес эрхлэгч, Сэтгүүлч, Хуульч, Санхүүч гээд 90000 гаруй мэргэжилтэнг бэлтгэн гаргажээ. Хятадын хамгийн эртний хэлний их сургуулиудын тоонд зүй ёсоор багтдаг тус сургууль нь 101 Гадаад хэлний курс, Гадаад хэл-уран зохиол, Хятад хэл-уран зохиол, Сэтгүүл зүй-харилцаа холбоо, Улс төрийн шинжлэх ухаан, Хууль, Удирдлагын шинжлэх ухаан, Инженерчлэл, Бизнес зэрэг мэргэжлийн чиглэлээр Бакалавр,  Магистр, Докторын хөтөлбөрүүдийг санал болгодог.

Их сургуулийн бүрэлдэхүүн:

Англи хэл, олон улс судлалын сургууль 
Олон улсын сэтгүүл зүй, харилцаа холбооны сургууль
Олон улсын харилцаа, дипломат сургууль 
Хуулийн сургууль 
Орос хэл судлалын сургууль 
Олон улсын бизнесийн сургууль  
Комьпютерийн шинжлэх ухааны тэнхим
Европын хэл, соёлын сургууль
Ази, Африк орон судлалын сургууль
Хэлмэрчлэхүй, орчуулгын бакалаврын дараах түвшний сургууль
Маркисизмийн сургууль
Хятад хэл, уран зохиолын сургууль
Япон хэлний тэнхим 
Герман хэлний тэнхим
Франц хэлний тэнхим 
Испани, Португаль хэлний тэнхим
Араб орон судлалын сургууль 
Нарийвчилсан Англи хэлний сургууль
Биеийн тамирын тэнхим
Гадаад хэлний боловсрол олгох үндэсний судалгааны төв
Япон орон судлалын Бээжин дахь төв
Хятад орон судлалын олон улсын хүрээлэн
Урлагийн сургууль 
Дэлхийн түүх судлалын хүрээлэн 
Гадаад хэл судлалын хүрээлэн 
Олон улсын уран зохиол судлалын хүрээлэн 
Дэлхийн хэл, соёлын судалгааны хүрээлэн 
Күнзийн инститүт
Цахим боловсролын сургууль 

Их сургуулийн бүрэлдэхүүн:
8,973 оюутан
2,400+ Багш, ажилчид
1,326 олон улсын оюутан
97 бакалаврын хөтөлбөр
63 магистрын хөтөлбөр
18 докторын хөтөлбөр
Дэлхий даяар нийт 22 Күнзийн Инститүттэй
Дэлхийн 88 орны 400+ хамтрагч байгууллагатай
Олон Улсын Бизнесийн Сургууль

Олон улсын бизнесийн сургууль нь Beijing Foreign Studies University-ийн хамгийн залуу, хамгийн их оюутантай салбар сургуулиудын нэг юм. 2001 оноос эхлэн үйл ажиллагаагаа явуулах болсон тус сургууль нь бакалаврын болон бакалаврын дараах төвшний нийт 1500 гаруй оюутантай. Тус салбар Их сургууль нь Эдийн засаг, Бизнесийн удирдлага, Мэдээлэл технологийн чиглэлээр мэргэшсэн чадварлаг багш нараас бүрддэг бөгөөд багш нарын 90 хувь нь мэргэжлийнхээ чиглэлээр докторын зэрэг хамгаалсан, хамгаалахаар суралцаж буй эрдэмтэн, багш нар байдаг.

International Business School Intro
Их Сургуулийн Номын сан

BFSU-н номын сан нь голлон хэл, уран зохиол, соёлын холбогдолтой 1 264 000 хэвлэмэл ном зохиол, 482 000 гаруй цахим ном, 1174 тогтмол хэвлэлтэй бөгөөд номын сангийн эдгээр зохиол бүтээлүүд нь Хятад хэлээс гадна бусад орны хэд хэдэн хэл дээр байдаг. Номын сан нь 2000 суудал бүхий 18 уншлагын танхим, уулзалтын өрөө, лекцийн танхимтай.

Сургуулийн кампус

Сургууль нь Бээжин болон Фошан хотуудад хоёр Кампустай. Нийт 22 тэнхимтэй, 78 бакалавр, 44 магистр, 19 докторын хөтөлбөрийг санал болгодог. Нийт 8000 гаруй оюутантайгаас 1400 орчим нь олон улсын оюутнууд байдаг.