Simon Fraser University

Нийтэлсэн: |
Танилцуулга

1965 онд үүсгэн байгуулагдсан шинэлэг хөтөлбөрүүд болон эрч хүчтэй кампустай Британик Колумбиад байрлах Simon Fraser University нь улсын, судалгааны сургууль юм. Канад дахь их сургуулиудын үнэлгээг гаргадаг Maclean’s Comprehensive үнэлгээгээр шилдэг цогц их сургуулиар тодорсон юм.

Товч мэдээлэл:
30,000+ оюутан
6,500+ багш, ажилчид
128+ орны оюутнууд
Олон улсын оюутны хувь 30%
Багш, оюутны харьцаа 1:21
Эрэгтэй, эмэгтэй оюутны харьцаа 45:55
Кампус

Simon Fraser их сургууль нь 3 кампустай. Кампус тус бүр нь Дээд Ванкуверын өөр өөр хэсэгт байрладаг. Хамгийн анхны кампус нь Burnaby дахь Burnaby уулын дээр байрлана. Харин Ванкувер кампус нь тус хотын төвд байрладаг бол Surrey кампус нь Хотын Төвийн Худалдааны төвд байрладаг байна. Хотын төвд байрлах Ванкувер кампус нь жил ирэх тусам өргөжин тэлж байгаа аж. Бүх кампусд нийтийн тээврийн хүртээмжтэй үйлчилгээ байдаг. Автобус, метроны буудлуудтай ойрхон.

Burnaby оюутны хотхон:

Burnaby кампус нь Simon Fraser University болон Fraser International College-ын 1766 оюутанд үйлчлэх 6 оюутны дотуур байртай бөгөөд бүх дотуур байрнууд нь тус кампусын зүүн талд байрладаг.

  • The Towers- 2004 оны намар ашиглалтанд орсон. Оюутны байр болон зочид буудлын үйлчилгээ явуулдаг.
  • McTaggart-Cowan Hall- 1985 онд ашиглалтанд орсон уламжлалт хэв маягийн оюутны дотуур байр.
  • Shell House- 1967 1985 онд ашиглалтанд орсон уламжлалт хэв маягийн оюутны дотуур байр.
  • The Townhouse Complex- 1993 онд ашиглалтанд орсон. 3 давхар 99 өрөөтэй өрөө болгон 4 хүний багтаамжтай оюутны байр.
  • Hamilton Hall- 1993 онд баригдаж 2009 онд шинэчлэгдсэн, магистр болон түүнээс дээш зэрэг горилогчдод зориулсан студио хэв маягтай өрөөнүүдтэй.
  • Louis Riel House- 1969 онд ашиглалтанд орсон. Орон сууцны хэв маягтай, тавилгагүй дотуур байр юм. Гэр бүлтэй ахисан түвшний зэрэг горилогчдод зориулсан. Одоогоор ашиглалтнаас гарсан.
Номын сан

Тус их сургууль нь 3 номын сантай.

Bennet-ийн номын сан (Burnaby-д байрлах) – 8:00-23:45

Belzberg-ийн номын сан (Vancouver-д байрлах) – 9:00-19:30

Fraser-ын номын сан (Surrey-д байрлах) – 9:00-20:00

Тус гурван номын сангийн хамгийн том нь болох Беннеттийн номын сан нь SFU Бернабийн кампус дээр байрладаг бөгөөд 2 сая гаруй ном, 63,000 цахим сэтгүүл, 6,000 хэвлэлийг агуулдаг.

Судалгааны чиглэл

2017 онд Simon Fraser их сургууль нь судалгааны ажилд зориулсан 138,964 сая канад долларын хөрөнгө оруулалт авч чадсан. Судалгааны зорилгоор бусад их сургуулиудтай хамтран ажилладаг. Факултет тус бүр хөтөлбөрийн чиглэлээрээ судалгааны ажил хийдэг. Жишээ нь, Эрүүл мэндийн шинжлэх ухааны факултет нь 6 гол судалгааны чиглэлтэй. Үүнд:

-Big data: хувь хүний болон нийтийн эрүүл мэндийн төлөөх нийгэм ба технологийн хувь нэмэр, эрүүл мэндийн бодлогыг шинэчлэх зэргээр голчлон үйл ажиллагаа явуулдаг.

-Development Trajectories: Нийгэм, байгаль орчин, биологийн нөхцөл байдал, туршлага, бусад хүчин зүйлүүд нь амьдралын туршид хэрхэн харилцан үйлчлэхийг судлах зорилготой.

-Infectious Diseases буюу халдварт өвчин

-Сэтгэцийн эрүүл мэнд, мансууруулах бодисны хэрэглээ

-Эх дэлхийн эрүүл мэнд

-Эрүүл мэндийн бодлого, системийн судалгаа

Simon Fraser University-д суралцах шалтгаан
  • 84 судалгааны төвтэй
  • Факултетуудын судалгааны үр өгөөжийн хувьд Канад улсын шилдэг 2-т ордог.
  • Канадын анхны эмэгтэй захиралтай их сургууль. Эмэгтэйчүүдийн эрхийн төлөө тууштай ажилладаг.
  • SFU-ийн оюутнууд Ванкувер хотоор метрогоор зорчихдоо үнэгүй шилжин суух боломжтой.
  • Кампус дээрээ Starbucks, Tim Hortons, Jugo Juice зэрэг алдартай хоолны сүлжээ ресторан, кофе шопууд, бусад хэрэгцээтэй зүйлсийг бүгдийг агуулдаг.
Их сургуулийн талаарх нэмэлт мэдээллүүд:
  • Албан ёсны их сургуулиудын түвшинг гаргадаг QS world болон Times higher education сайтуудад дэлхийн шилдэг 250 сургуульд багтах шаардлагуудыг хангасан.
  • АНУ-ын магадлан итгэмжлэхийг авсан Канадын анхны судалгааны сургууль.
  • Rhodes-ын тэтгэлгийг 3 оюутан авч байсан.
  • Ясны хорт хавдартай боловч тэр бүхнийг даван туулж Найдварын марафоон зохион байгуулсан алдарт тамирчин Terry Fox энэхүү сургуулийг төгссөн бөгөөд 2001 онд түүнд Хүндэт Төгсөгч өргөмжлөл өгч түүний хөшөөг сургуулийн кампусд босгосон.
  • Олон тооны кампустай бөгөөд UniverCity гэх кампус нь хотын хэмжээтэй, экологийн нөхөрсөг кампусд тооцогдог. 200 акрын хэмжээтэй, оюутнууд тохитой тухлаг амьдрах бүх нөхцөлийг бүрдүүлсэн орчинтой юм
  • 150 гаруй хөтөлбөрөөр оюутан элсүүлдэг. Тэдний ихэнх хувь нь бүрэн цагийнх байдаг бөгөөд хос мэргэжлээр суралцах боломжтой.

Thompson Rivers University

Нийтэлсэн: |
Танилцуулга

Thompson Rivers их сургууль (товчилсон нэр TRU) нь 1970 онд байгуулагдсан улсын сурган хүмүүжүүлэх мөн судалгааны их сургууль юм. Канад улсын Британик Колумбиагийн Камлүүпс хотод байрладаг. TRU нь Хойд болон Өмнөд Thompson гол нийлдэг байршил болох Камлүүпсд байдаг учир тус 2 голын нэрээр нэрлэгдсэн ажээ. Мөн TRU нь TRU World хэлтсээрээ дамжуулан олон улсын байгууллагуудтай хамтран ажилладаг. Thompson Rivers их сургууль нь кампус дээр хичээллэх 140 гаруй хөтөлбөр, онлайнаар алсын зайнаас хичээллэх 60 гаруй хөтөлбөртэй. Тус алсын зайны хөтөлбөрүүд нь Нээлттэй Сургалтын хэлтэсд харьяалагддаг бөгөөд худалдааны зуучлал, мэргэшлийн үнэмлэх, диплом, баклаврын зэрэг, магистрын зэрэг, хуулийн зэрэг нарыг олгодог байна.

Сургуулийн онцлог
  • Дэлхийн 89 гаруй орны 3000 гадаад оюутантай.
  • Англи хэлний сургалт, их сургуульд элсэхэд бэлдэх хөтөлбөрүүдтэй. Их сургуулийн кредит шилжүүлэх боломжтой.
  • Канадын хамгийн нарлаг хотуудын нэгт байрладаг.
  • Guangdong Institute of Arts and Sciences of China; University of Waterloo Canada их сургуулиудтай нөхөрсөг харилцаатай.
  • Канадын шилдэг 50 их сургуулийн нэг.
  • 000 гаруй оюутантай.
  • Кампус дээр явагдах 140 хөтөлбөр, онлайн 60 хөтөлбөртэй.
  • 1000 оюутны орон сууцтай.
Номын сан

TRU их сургууль 400,000 ном, 60,000 сэтгүүл, олон тооны цахим эх сурвалжтай хэд хэдэн номын сантай.

Гол номын сан 8:00-17:00

Суралцах хөтөлбөрийн номын сан 13:00-16:00

Williams Lake номын сан 8:30-16:30 хүртэл ажилладаг.

Кампус

Thompson Rivers их сургууль нь гол ба дагуул 2 кампустай.

-Гол кампус нь Хойд Өмнөд Thompson голын байгалийн үзэсгэлэн харагдах хотын баруун өмнөд зүгийн McGill замын дагуу оршдог. Тус кампус нь 40 акр цэцэрлэгт хүрээлэнтэй бөгөөд ногоон байгууламжаараа Британик Колумбиад хамгийн томдоо ордог.  Оюутны хотхонд 880 суралцагч амьдрах боломжтой.

Дагуул кампус нь  Williams Lake-д байдаг.

Кампусын орчинг дээшлүүлэх, экологийн тогтвортой байдлыг нэмэгдүүлэх нь TRU-ийн 2014-2019 оны зорилтуудын нэг юм.

Хөтөлбөрүүд

Кампус дээр хичээллэх 140 гаруй, онлайн алсын зайнаас суралцах 500 гаруй хөтөлбөртэй.

  • Магистрын зэрэг
  • Төгсөлтийн дараах сертификат олгох сургалт
  • Баклаврын зэрэг
  • Баклаврын дараах диплом олгох сургалт
  • Сертификат, диплом олгох сургалт
  • Ерөнхий боловсролын сургалтын дараах хөтөлбөр
  • Англи хэлний хөтөлбөр
  • Богино хугацааны дадлагажуулах хөтөлбөр
  • Их сургуулийн кредит тооцолт
  • Их сургуульд элсэх бэлтгэл зэрэг хөтөлбөрүүдийг санал болгодог.
Салбар сургуулиуд:
  • Адал явдал, Хоолны урлаг, Аялал жуулчлалын салбар сургууль
  • Хүмүүнлэгийн ухааны салбар сургууль
  • Бизнесс ба эдийн засгийн салбар сургууль
  • Боловсрол нийгмийн ажлын салбар сургууль
  • Хуулийн салбар сургууль
  • Сувилахуйн ухааны сургууль
  • Шинжлэх ухааны салбар сургууль
  • Суралцагчийн хөгжлийн салбар сургууль
  • Худалдаа, технологийн салбар сургууль
Судалгааны чиглэл

Их сургуулийн бодлогоор 2014-2019 онуудад дараах чиглэлээр түлхүү судалгаа хийхээр төлөвлөсөн байна. Үүнд:

  • Боловсрол, Эрүүл мэнд, Олон талт байдал
  • Харилцаа ба Соёлын холбоо хамаарал
  • Тогтвортой хөгжил, Хүрээлэн буй орчин
  • Технологи
  • Абориген ойлголт

Niagara College Canada

Нийтэлсэн: |
Niagara College Canada / КАНАД Улсын Ниагара коллеж

Канадын Онтарио мужийн НИАГАРА-ийн дэлхийд танигдсан аялал жуулчлалын байгалийн үзэсгэлэнт  бүсийн төвөөс хэдхэн минутын зайд орших Ниагара коллеж нь 1967 онд байгуулагдсан бөгөөд Канад улсад 3, олон улсад 3 нийт 6 кампустай олон улсад танигдсан Канадын №1 судалгааны коллеж юм. Канад Улсын Онтарио мужид, үзэсгэлэнт Ниагара Хүрхрээний дэргэд байрладаг төв 2 кампус нь хоорондоо 30 минутын зайтай оршдог Велланд болон Ниагара-Он-Дэ-Лейк хотуудад сүндэрлэдэг бол 2021 оноос тус сургууль нь Канад улсын хамгийн том хот болох Торонтод өөрийн хамтарсан бизнесийн сургуулийн үйл ажиллагаагаа эхлүүлсэн. Канад улсаас гадна Өмнөд Солонгос, Хятад болон Саудын Арабад өөрсдийн гэсэн салбар сургуулиудтай.  Кампусууд нь онцгой амьдрах орчин, сурах боломж олгох сүүлийн үеийн тоног төхөөрөмжүүдтэй бөгөөд, дэлхийн түвшний судалгаа хийх орчин, дотно, найрсаг орчинтой анги танхимтай билээ. Ниагара коллежд, 15000 гаруй бүрэн цагаар суралцагчид 130 гаруй мэргэжилээр Баклаврын зэрэг, Магистрын зэрэг, төгсөлтийн гэрчилгээ, диплом, дагалдан суралцагчийн эрхийн бичиг авахаар суралцаж байна. Мөн бид 600 гаруй кредит, мэргэж үнэмлэх олгох, ерөнхий мэдлэг олгох хагас-цагаас суралцах 15,000 гаруй суралцагчийг жил болгон хүлээж авдаг юм. Манай программууд бодит туршлага олгодог ба оюутнуудыг амжилтанд хүргэх хүсэлтэй багш нар хичээл заадаг. Үүгээрээ боловсролын талбарт жинхэнэ чанартай туршлагыг олж авсаар байна.  Мөн тус коллеж нь Канадын Хоол ба Дарсны Институттай бөгөөд Канад улсын анхны бөгөөд цорын ганц хоол дарсны технологи хийх сургалттай болно.

Ниагара-он-дэ-Лейк дахь кампус

Ниагара-он-дэ-Лейк дахь кампус: Уг кампус нь Глендэйл өргөн чөлөө болон Хатан Хаан Елизабетын нэрэмжит гудамжийн дунд оршдог бөгөөд Торонто болон АНУ-руу зорчих тавцан болон Торонто орох тогтмол автобустай. 125 акр талбайтай бөгөөд Онторио нууртай ойролцоо юм. Кампусд оюутны сууц, номын дэлгүүр, эрүүл мэндийн төв, Бэнчмарк ресторан болон тус коллежийн салбарууд оршдог. Тус кампус нь 1998 онд байгуулагдсан байна.

Вэлланд дахь кампус

Вэлланд дахь кампус: Ниагара бүсийн зүрхэнд оршдог энэхүү кампус нь тогтвортой байдал, байгаль хамгааллын амлалт өгснөөрөө алдартай. Дэлхий аялал жуулчлалын төв бүсүүдийн нэг болох Ниагарагын хүрхрээнээс ердөө 25 минутын зайтай оршдог. Тус кампусд оюутны орон сууц, номын дэлгүүр, шүдний эмнэлэг, эрүүл мэндийн төв болон үсчин бэлтгэх бэлтгэлийн салон зэрэг байдаг. Тус кампус нь Ниагара коллеж анх байгуулагдахад нээгдсэн байна.

Whatever your dream, DREAM BIG
CANADA’S GLOBAL COLLEGE

2 Canadian campuses

5 international campuses

Projects and partnerships worldwide

90+ different  countries 

100+ programs at NC

3400+ International students

10000+ full-time students

 

 

ХӨТӨЛБӨРИЙН СОНГОЛТУУД

  • Сертификат – 1 жил
  • Диплом- 2 жил
  • Баклаврын зэрэг- 4 жил
  • Төгсөлтийн дараах программ- 1 жил
  • Ахисан түвшний диплом- 3 жил
  • Мэргэших үнэмлэх- сонголттой.
  • Үүнээс гадна хагас цагийн, сургалтын, хөтөлбөрийн, хоол дарсны технологийн институт зэрэг таны хүсэл сонирхолд нийцэх олон сонголтууд байгаа

НИАГАРА КОЛЛЕЖ НЬ:

Төгсөгчдийн 88% нь сургуулиа төгсөөд 6 сарын дотор ажилд ордог.

Канадын ТОП их сургуулиудтай хамтарсан хөтөлбөр хэрэгжүүлж богино хугацаанд давхар зэрэг эзэмших суурь болж өгдөг.

Ажил олгогчдын 91% Ниагара Коллежийн төгсөгчийг ажилд авах сонирхолтой байдаг.

400+ шилжин суралцах, давхар зэрэг эзэмших хөтөлбөрүүдийг санал болгодог.

Хамгийн хямд дотуур байр амьдрах боломжуудыг санал болгодог. Сарын амьжиргааны зардал $1000-т багтдаг.

Western University

Нийтэлсэн: |
Танилцуулга

Баруун Онтарио Их Сургууль (UWO), 2012 оноос Барууны Их сургууль хэмээн нэрлэгдэх болсон ба Вестерн нэрээр ихэвчлэн товчлогддог Лондон, Онтарио, Канадын улсын, судалгааны их сургууль юм. Тус их сургуулийг 1878 оны 3-р сарын 7-нд Онтарио мужийн Лондонгийн Баруун их сургууль хэмээн Хуроны Англикан сүмийн хамба лам Бишоп Исаак Хеллмутт байгуулсан. Тус сургуулийн эхний дөрвөн салбар сургууль нь Урлаг, Шашин, Хууль зүй, Анагаах ухааны салбар сургуулиуд байсан бөгөөд Лондоны Баруун Их сургууль нь 1908 онд шашны сургууль болжээ. 1919 оноос тус их сургууль нь хэд хэдэн шашны сургуулиудтай холбоо тогтоосон бөгөөд дэлхийн 2-р дайны дараах үед нэлээд их хөгжиж, хэд хэдэн коллежийг их сургуульдаа нэмсэн байна. Вестерн нь 24,000 гаруй оюутан, 306,000 төгсөгчидтэй. Тус сургуулийн төгсөгчдөөс Төрийн өндөр албан тушаалтнууд, эрдэмтэн судлаачид, бизнесийн удирдагчид, Нобелийн шагналтнууд, Родезийн тэтгэлэгт гишүүд, нэр хүндтэй төгсөгчид олон гарсан.

Номын сан

Их сургуулийн номын сангийн систем болох Вестерн номын сангууд нь 2015 оны 9-р сарын байдлаар 2.45 сая гаруй номтой зургаан номын сангаас бүрдсэн систем байх бөгөөд дан ганц номноос гадна олон тооны цахим ном, тогтмол хэвлэл, сонин, сэтгүүл мэдээллийн сан зэргийг тус номын сангууд нь агуулдаг. Энэхүү Вестерн номын сангийн системд багтсан номын сангууд нь Аллин ба Бетти Тейлорын номын сан, C. Б. Жонстоны номын сан, Д. Б. Велдон номын сан, Боловсролын номын сан, Жон ба Доца Битове гэр бүлийн хуулийн номын сан, Хөгжмийн номын сан зэрэг болно. Эллин ба Беттер Тейлорын номын сан нь инженерчлэл, эрүүл мэндийн шинжлэх ухаан, нүүр ам судлал, шинжлэх ухааны салбарын номнуудыг агуулдаг бол C. Б. Жонстоны номын сан нь голдуу бизнесийн салбарыг материалыг агуулдаг. D. B. Weldon номын сан нь Урлаг, хүмүүнлэг, мэдээлэл, хэвлэл мэдээлэл судлал, нийгмийн ухааны салбарын материалыг харин Д.Б.Велдон номын сан нь Их сургуулийн Архив, судалгааны цуглуулгыг агуулдаг.

Кампус

Баруун Онтарио Их Сургууль нь Квебек-Виндзорын коридорын баруун өмнөд хэсэгт Онтарио, Лондон хотод байдаг. Кампусын ихэнх хэсэг нь орон сууцны хорооллуудаар хүрээлэгдсэн бөгөөд кампусын зүүн хэсгийг Темза гол хуваадаг байна. Их сургуулийн ихэнх оюутны байр, заах байрыг багтаасан төв кампус нь ойролцоогоор 170.8 га буюу 422 акр газар юм.Оюутны байр нь кампусын талбайн хамгийн том хэсгийг эзэлдэг бөгөөд орон сууцны зориулалтаар ашиглагдаж барилгууд нь бүх барилгын талбайн 31 орчим хувийг эзэлдэг.

Судалгаа

Вестерн нь хөдөө аж ахуй ба амьжаргааны түвшин, соёлын дүн шинжилгээ, үнэт зүйлс, хүн ба  орчин, нийгмийн чиг хандлага, төрийн бодлого, эдийн засгийн үйл ажиллагаа гэсэн чиглэлүүдээр голлож судалгаа явуулдаг.

UNIVERSTY OF TORONTO

Нийтэлсэн: |

Торонтогийн их сургууль нь 1827 онд King’s College нэртэйгээр байгуулагдсан Хойд Америкийн хамгийн эртний, олон улсад хүлээн зөвшөөрөгдсөн их сургуулиудын нэг юм. Тус сургууль нь дэлхийн их сургуулиудын эрэмбийг тодорхойлдог томоохон судалгааны байгууллагууд болох University of Higher Education, QS Ranking болон Шанхай Ранкинг-ийн жил бүр гаргадаг жагсаалтанд Дэлхийн шилдэг 20 сургуулийн нэгээр тогтмол шалгарч, улмаар Канадын Тэргүүн сургуулиар зүй ёсоор нэрлэгддэг.

Канадын Онтариогийн Торонтод байдаг тус сургууль нь одоогийн нэрийг 1850 онд авч, Дэлхийн хэмжээний түүх, онцлог шинжээрээ ялгарах 12 салбар коллежоос бүрддэг. Түүнчлэн 13 сургалт судалгааны эмнэлэг, 19 төгсөгчдийн холбоо, бакалаврын 700 гаруй, магистрын 200 гаруй хөтөлбөртэй. Жилд дотоодын 80,000 гаруй оюутан, олон улсын 10,000 хол давсан оюутнуудыг элсүүлдэг энэхүү сургууль нь Канадын хамгийн том боловсролын байгууллага юм

Скарбороу кампус /UTSC/ нь Торонто их сургуулийн салбар кампус бөгөөд Торонтогийн Scarborough дүүрэгт Highland Creek-ийн ойролцоо хотын захад байрладаг

Торонтогийн Их сургуулийн Кампусууд

ТӨВ кампус болох St George нь Торонтогийн төвд байрладаг ногоон байгууламж бүхий Оксфорд, Кэмбрижтэй төстэй эртний түүхэн архитектурын шийдэлийг хослуулсан сургууль юм. Мөн их сургууль нь ScarboroughMississauga гэсэн 2 салбар кампустай.

Миссиссауга кампус /UTM/ нь Торонто хотын төвөөс баруун тийш 33 км байрлах Кредит голын хөндийд 225 акр ногоон байгууламж бүхий хамгаалагдсан бүсд  байрладаг.

ИХ СУРГУУЛИЙН НОМЫН САН

Торонтогийн Их сургуулийн номын сан нь Хойд Америк дахь Харвард, Иейлийн их сургуулиудын дараа орох 3-дах том сургалтын номын сан юм. Номын сангийн цуглуулгууд нь 10 сая боть ном, 5.4 сая микро хальсан хэлбэр бүхий баримт, 70000 цуврал өгүүлэл, 10 сая орчим газрын зураг, кино, дуу бичлэгийн хальсыг багтаадаг. Их сургуулийн уг ном сангийн бүтэц дотроос хамгийн том нь Robarts номын сан бөгөөд уг номын санд 5 сая орчим хүмүүнлэгийн ухаан болон нийгмийн шинжлэх ухааны салбарын боть ном, зохиолууд байдаг. Thomas Fisher-ийн ховор номын зохиолын санд нийтэд нээлттэй ховор ном, гар бичмэлүүд хадгалагдаж байдаг. Номын сангийн эдгээр ховор ном зохиолын цулуулгууд нь Их Британи, Европ, Канадын уран зохиол, Аристотал, Дарвин нарын бүтээлүүд, Испанийн иргэний дайн, Шинжлэх ухаан, анагаах ухааны түүхийн холбогдолтой зохиол бүтээлүүдийг хамардаг.

ТОРОНТО-ийн НЭР ХҮНД Дэлхийд болон Канадад
  • URAP нь дэлхийн их дээд сургуулиудын эрдэм шинжилгээ, судалгааны ажлуудаар Сургуулиудын эрэмбийг тогтоодог систем юм. Уг системээс  гаргасан 2018-2019 оны их сургуулиудын жагсаалтын судалгааны ангилалд Торонтогийн Их Сургууль нь дэлхийд №2
  • 2019 оны Дэлхий Их Сургуулиудын ранкд №21 (The World University Ranking),
  • Канад Улсадаа №1
  • 2016 онд “Business Insider”цахим сэтгүүлээс дэлхийн шилдэг 50 инженерчлэлийн сургуулийн нэгээр шалгарсан, энэ салбар чиглэлээр Канадын их сургуулиудаас 2-т оржээ.
  • Их сургуульд инсулин болон үрийн хальсны судалгаанууд анхлан хийгдэх болсны зэрэгцээ электрон микроскопын туршилт явуулан multi-touch technology-ийг нэвтрүүлсэн анхны байгууллага юм.
ТОРОНТО-ийн төгсөгчид

Дэлхий даяар Торонто-ийн Их сургуулийг дүүргэсэн хагас сая гаруй төгсөгчид байдаг бөгөөд энэ нь тус сургуулийн нэр хүндийг илтгэх тод үзүүлэлт юм. Тус сургуулийн төгсөгчид дундаас Канадын ерөнхий сайд 4, дээд шүүхийн 14 шүүгч, 4 гадаадын удирдагчид тус тус төрөн гаржээ.

Тус сургуулиас төрсөн Нобелийн шагналтанууд:

  • Фредерик Б Бантин- Физиологи, Анагаах ухааны Нобелийн шагнал, 1923 он
  • Жон Жеймс Ричард Маклеод – Физиологи, анагаах ухааны Нобелийн шагналт, 1923 он
  • Уильям Фаулкнер – Утга зохиолын Нобелийн шагнал, 1949
  • Лестер Б.Пийрсон – Нобелийн энхтайвны шагнал, 1957
  • Артур Леонард Шахлоуг – Физикийн салбарт Нобелийн шагнал, 1981 он
  • Жон Чарльз Поляна – Химийн салбарт Нобелийн шагнал, 1986 он
  • Bertram Brockhouse – Физикийн салбарт Нобелийн шагнал, 1994
  • Walter Kohn – 1998 онд Химийн салбарт Нобелийн шагналтан
  • Жеймс Орбински- Нобелийн энхтайвны шагнал, 1999
  • Оливер Смитси- 2007 онд Физиологи, Анагаах ухааны Нобелийн шагналтан

University of MANITOBA

Нийтэлсэн: |

Манитобагийн Их Сургууль Канад улсын Манитоба мужийн төв хот болох Винипег хотод байрлах улсын, судалгааны их сургууль юм. 1877 онд байгуулагдсан тус сургууль нь Баруун Канадын анхны их сургууль юм. Манитоба их сургууль нь шилдэг судалгааны институт гэсэн нэр хүндээ тогтвортой хадгалж ирсэн бөгөөд ойролцоо бүсэд байрлах ямар ч их сургуулиас илүүтэй тогтмол судлагааны ажлуудыг удирдан зохион байгуулдаг билээ. Хамгийн олон оюутантай, хамгийн том кампустай гэдгээрээ Монитоба мужийн шилдэг их сургуульд тооцогддог байна. Кампус нь олон тооны факултетуудас бүрдэх бөгөөд тэдгээрийн дунд Баруун Канадын анхны эмчилгээний сургууль ордог юм. Энэхүү их сургууль нь Канадын их сургуулиудын болон U15 холбооны гишүүн бөгөөд дэлхийн бусад их сургуулиудын Олон Улсын Их Сургуулиудын Холбоо болон Их Сургуулиудын Хамтын Нэгдэл холбооны гишүүн юм. Уг сургуулийн өсөн нэмэгдэж байгаа нэр хүнд нь тус сургуулийг Канад улсын хамгийн их олон улсын оюутантай их сургууль болох эхлэлийг тавьж өгчээ. Мөн академик судалгааны хөтөлбөрүүдээрээ Баруун Канадын Бүсийн шилдэг их сургуулиудын нэг болсон.

Хамгийн их өрсөлдөөнтэй байдаг хөтөлбөрүүд
  1. Тус их сургууль нь Анагаах ухаан, эрүүл мэндийн салбарын сургалт, судалгааны чиглэлээр алдартай бөгөөд 2 кампусын нэг нь тусгайлан анагаах ухаан, эрүүл мэндийн салбартаа зориулсан байдаг .
  2. Анагаах ухаан, эрүүл мэндийн салбарын дараагаар боловсролын чиглэл орох бөгөөд бүх шатны боловсролын хөтөлбөрүүдэдээ элсэлт авч, боловсон хүчин бэлтгэдэг байна.
  3. Мөн төгсөгчдийн ажил эрхлэлтээс харвал улс төр, хуулийн чиглэлээр төгсөгчид илүү амжилт гаргадаг бөгөөд хуульчид, парламентын гишүүд, цэргийн командлагч нар тус сургуулиас олноор төрсөн байдаг
Bannatyne кампус

Манитоба их сургуулийн Bannatyne (Анагаах ухаан, эрүүл мэндийн салбар) Кампус нь хотын төвд байдаг Winnipeg-ийн Эрүүл мэндийн шинжлэх ухааны төвтэй зэрэгцэн байрладаг арван цогцолбор цогцолбор барилгуудаас бүрдэх бөгөөд Манитобагийн хавдарын судалгааны төв, Манитоба хүүхдийн эрүүл мэндийн судалгааны институт, Гэгээн Бонифасын нэгдсэн эмнэлэг зэрэгтэй хамтран ажилладаг. Энэхүү кампусад тус их сургуулийн Анагаах ухаан, эрүүл мэндийн чиглэлийн бүх институуд, лабораториуд байрладаг юм.

Fort Garry кампус

Тус кампус хот доторх хот мэт сэдгэгдэл төрүүлэх бөгөөд 280 га талбайд орших ер бусын шийдэлтэй барилгууд,  гайхалтай орчин үеийн технологийн шийдэлүүдийг агуулдаг. Хичээлийн танхимууд болон судалгааны ажлууд хийхэд зориулсан 60 гаруй гол барилгуудыг багтаадаг. Уг барилгууд нь их сургуулийн 4 коллеж, лабораториуд, удирдлага болон үйлчилгээни оффисууд, судалгааны агентлаг, номын сан, оюутны хотхоноос бүрдэнэ.

Сургуулийн түүхэн зураг
Номын сан

Тус их сургууль нь олон тооны номын сангуудтай юм. Тэдгээр нь:

  • Алберт Кохены Менежментийн номын сан
  • Архитектор, Урлагийн номын сан
  • Архив, Ховор цуглуулга болон ховор номын сан
  • Доналд В.Крайкын инженерийн номын сан
  • Eckhardt Gramatté-ийн хөгжмийн номын сан
  • Е.К. Виллиамс-ын Хуулийн номын сан
  • Елизабет Дафое-ын номын сан
  • Эмзүйн факултетын архив, Росс Митчеллын ховор номын сан
  • Эцэг Харолд Дрейкын номын сан (Гэгээн Поллын коллеж)
  • Нейл Жон Маклины Эрүүл мэндийн шинжлэх ухааны номын сан
  • Шинжлэх ухаан Технологийн их сургууль
  • Гэгээн Поллын коллежийн номын сан
  • Виллиам Р.Нюймэны номын сан
  • WRHA Виртуал номын сан. Эдгээр бүх номын сангууд нь өглөөний 08:30-аас орой 16:30 хүртэл ажилладаг. Факултет болон кампусаас шалтгаалан байршил нь өөр байдаг.
Тэдний амжилтаас
  1. Тус сургуулийн Хоккейн спортын Бисон баг нь 44 удаа улсын аврага шалгаруулах их сургуулиудын тэмцээнд ялсан бөгөөд хамгийн сүүлд 2017-2018 оны сүүлийн улиралд эмэгтэйчүүдийн хоккейн тэмцээнд ялсан нь бахархууштай. #GOBISONS
  2. 1990 оноос хойш Манитобагийн их сургууль нь Бүх Канадын спортын шилдэг 10 их сургуулийн нэгээр шалгаарсаар ирсэн төдийгүй 2017-2018 оны хичээлийн жилд сургуулийн түүхэн дэх хамгийн их буюу 123 тэмцээнд орсон амжилтыг гаргаад байна.
  3. 2018 оны байдлаар тус сургуулиас 99 оюутан алдарт Rhodes-ийн тэтгэлгийг хүртсэн нь Баруун Канадын аль ч их сургуулийн гаргаж байгаагүй амжилт билээ.
Манитобагийн Төгсөгчидөөс
  • Katy Bardswick – The Co-operators компаний Ерөнхий захирал
  • William Moore Benidckson-Канадын парламентын гишүүн, сенаточ, холбооны засгийн газрын сайд асан
  • Andy Blair-Үндэсний хоккейн лигийн тамирчин
  • Charles Bouchard-Канадын нисэх хүчний Ерөнхий командлагч, НАТО-ын нэгдсэн агаарын хүчний командлагч
  • Don Callis-Мэргэжлийн бөх, MHSAA Darts-ын финалд оролцож байсан
  • Albert Chan-Хонг-Конг-ын хуулийн төсөл санаачлагч, улс төрч
  • Richard Condie (Big Snit)-Оскарын шагналд нэр дэвшиж байсан анимейшн бүтээгч
  • Brian Dickson-Канад Улсын Ерөнхий шүүгч асан
  • Ed Evanko-Дуучин, жүжигчин
  • Danny Finkleman-CBC радио нэвтрүүлэгийн хөтлөгч асан
  • Monty Hall-Телевизийн алдартан
  • Жүжигчин Ellie Harvie
  • John Alexander Hopps-Дэлхийн анхны хиймэл зүрхний аппарат зохион бүтээгч; Канадад биоанагаахын инженерийн эцэг хэмээн нэрлэгддэг
  • Israel Idonije-Үндэсний хөлбөмбөгийн лигийн хагас хамгаалачг асан
  • Jamaluddin Jarjis-Малайз улсын АНУ-д элчин сайд, Малайзын засгийн газрын сайд
  • David Kilgour– Канад улсын зам тээврийн сайд асан
  • Guy Gavriel Kay-Алдарт зохиолч, яруу найрагч
  • Scott Koskie-Канадын үндэсний гар бөмбөгийн шигшээ багийн тоглогч
  • Allan Levine-Нууцлаг адал явдалтай зохиол бичдэгээрээ алдартай зохиолч
  • Bob Lowes-Канадын хоккейн дасгалжуулагч
  • James Lunney– Канадын улс төрч
  • Inky Mark-Канадын парлементийн гишүүн асан
  • Jim Peebles-Crafoodшагналын эзэн, сансар судлаач
  • Marshall Rothstein-Канадын дээд шүүхийн шүүгч
  • Mitchell Sharp-Канадын сангийн сайд асан
  • Vic Toews– Канадын хууль зүйн сайд асан зэрэг олны танил хүмүүсээс гадна олон тооны улс төрч, цэргийн командчлагч нар төгссөн байдаг байна

University of Guelph

Нийтэлсэн: |
Танилцуулга

University of Guelph нь Канадын Онтариогийн Гуэлфт байрлах улсын судалгааны их сургууль юм. Тус сургууль нь 1964 онд Онтариогийн хөдөө аж ахуйн коллеж, Онтариогийн мал эмнэлгийн коллежтой нэгдсэнээр байгуулагдсан бөгөөд 2015 оны байдлаар их сургууль нь 32000 оюутан, 1500 багш ажилтантай их сургууль болтлоо өргөжин хөгжиж чаджээ.

University of Guelph-д олон салбарыг хамарсан бакалаврын түвшний 94, бакалаврын дараах түвшний 48 хөтөлбөрүүдээс сонгон суралцах боломжтой.

Их сургуулийн мал эмнэлгийн анагаах ухааны хөтөлбөр нь чанар нэр хүндээрээ дэлхийд 4-т ордог ба их сургууль нь 2018 оны Maclean-н их сургуулиудын жагсаалтад Канаддаа 4-т бичигсэн амжилтыг үзүүлсэн. Мөн их сургууль нь оюутны сэтгэл ханамжаар Канадад дээгүүрт ордог бөгөөд зочилохуйн ухаан, аялал жуулчлалын судалгааны сэтгүүлээс харахад их сургуулийн энэ чиглэлийн салбарт хийсэн судалгааны үзүүлэлт Канадын бусад их дээд сургуулиудыхаас өндөр гарсны зэрэгцээ Times Higher Education-с их сургуулийг 50-с бага жилийн түүхтэй шилдэг 100 их сургуулийн нэгээр шалгаруулсан байна.

Их сургууль нь байгалийн шинжлэх ухааны чиглэлийн хөтөлбөрүүдээр түлхүү дагнадаг бөгөөд энэ чиглэлээр дэлхийн 100 их сургуулиас 76-д ордог.

 

Их сургуулийн салбар коллежууд:
  • Урлагийн коллеж
  • Биологийн шинжлэх ухааны коллеж
  • Гордон С. Ланг бизнес, эдийн засгийн сургууль
  • Инженерчлэл, физикийн ухааны коллеж
  • Нийгэм ба хүмүүнлэгийн ухааны коллеж
  • Онтарио хөдөө аж ахуйн коллеж
  • Онтарио Мал эмнэлгийн коллеж
Кампус

Их сургуулийн үндсэн кампус нь Гүеф Арборетумын их сургууль болон судалгааны хүрээлэнг агуулсан 412 га (1017 акр) газар байрладаг. Тус кампус нь 1960-аад онд сургуулийн өргөтгөлийн төлөвлөгөөний дагуу баригдсан дунд зууны үеийн модернист барилгуудтай. МакКинноны урлагийн барилга, архитектор Хосеп Ллуис Сертийн удирддаг Маклафлин номын сан зэрэг томоохон цогцолборууд тус кампус-д агуулагдана.  Кампусын аюулгүй байдлыг Гуэлфийн их сургуулийн Олон нийтийн цагдаагийн газар, галын аюулгүй байдлын алба хаагчид хангаж өгдөг.

Зайны Кампус

Гуэлф-Хамбергийн их сургууль нь 2002 онд Гельфийн их сургууль, Хамбер коллежийн хооронд байгуулсан хамтын ажиллагааны хүрээнд байгуулагдсан зайны кампус юм. Тус кампус нь Торонтогийн Хумбер хотын Хойд кампус дээр байрладаг бөгөөд Гуэлфийн их сургуулийн долоон төрлийн 4 жилийн хөтөлбөр, зэрэг олгох сургалт, коллежийн зэрэг олгох сургалт зэргийг явуулдаг.

Номын сан

Их сургуулийн номын санд оюутнуудад зориулсан 400 гаруй комьпютер, бакалаврын болон бакалаврын дараах түвшний сая гаруй судалгааны ажилд шаардлагатай архивын материал, ном зохиол, тогтмол хэвлэл, засгийн газрын баримт материал, газрын зургуудыг агуулдаг. Мөн тус номын сан нь бие даан суралцах өрөө, багаар ажиллах өрөө, кафе, лоунж, комьпютерийн өрөө гээд оюутанд зориулсан олон үйлчилгээг үзүүлдэг.

Судалгааны үндсэн чиглэл
  • Хөдөө аж ахуй ба хүнс
  • Амьтан болон хүний эрүүл мэнд
  • Суурь шинжлэх ухаан ба түүний хэрэглээ
  • Нийгэм халамж ба эдийн засаг
  • Хүрээлэн буй орчин

Southern Alberta Institute of Technology

Нийтэлсэн: |
Танилцуулга

Southern Alberta Institute of Technology нь Канад улсын Алберта мужид байдаг Политехник-ийн хүрээлэн юм. Тус хүрээлэн нь технологи, худалдаа, бизнесийн чиглэлийн 100 гаруй мэргэжлийн хөтөлбөрийг санал болгодог байна. Түүнчлэн Southern Alberta Institute of Technology нь Канад улсын политехник коллежуудын холбооны гишүүн бөгөөд  Албертагийн шилдэг 50 ажил олгогч байгууллагын нэг юм.

Тус Коллеж нь 1916 оноос үйл ажиллагаагаа явуулж эхэлсэн ба Calgary-н 3-дах түвшний боловсролын тус институт нь Канадын хамгийн анхны төрөөс санхүүжиллтэй техникийн коллежи юм.

Southern Alberta Institute of Technology-н боловсрол нь оюутнуудад практик туршлага, онолын мэдлэгийг олгодог бөгөөд оюутнуудын хувьд сурч боловсрох таатай орчин нөхцөл бүрдсэн анги танхимд суралцан кампус дотор явагдаж буй хичээлийн хөтөлбөр, ажлын туршлагад суурилсан сэдэвчилсэн судалгаанд оролцон салбарын өнөөгийн хэрэгцээ шаардлагад нийцэхүйц мэдлэг чадварыг олж авах боломжтой.

Институтын засгийн газар, үйлдвэрийн байгууллагууд, 3-дах шатны боловсролын байгууллагуудтай тогтоосон хамтын ажиллагаа нь оюутнуудад орон нутаг, дэлхийн зах зээлд амжилттай ажиллахад  шаардагдах чадварт суралцах харилцаа холбоог бий болгоход тусалдаг.

Southern Alberta Institute of Technology нь 2 бакалаврын түвшний, 73 гэрчилгээ олгох хөтөлбөрийг санал болгодог ба бусад боловсролын байгууллагуудтай тогтоосон хамтын ажиллагааныхаа хүрээнд олон төрлийн сургалтуудыг явуулдаг байна.

Салбар сургуулиуд:

Институтын салбар сургуулиуд:

  • MacPhail инженерийн сургууль
  • Бизнесийн сургууль
  • Барилгын сургууль
  • Эрүүл мэнд, нийтийн аюулгүй байдлын сургууль
  • Аялал жуулчлал, зочилохуйн ухааны сургууль
  • Мэдээлэл, харилцаа холбооны технологийн сургууль
  • Үйлдвэрлэл, автоматжуулалтын сургууль
  • Тээврийн сургууль

Мөн институт нь оюутнуудыг дэмжихэд чиглэгдсэн “Ахисан түвшний оюутнуудад үйлчлэх төв”, “Сургалтын технологи, хөгжлийн төв” гэсэн 2 төвтэй. SAIT-н сэдэвчилсэн судалгаа, шинэчлэлийн үйлчилгээний хэлтэс нь аж үйлдвэрийн байгууллагуудтай хамтран сэдэвчилсэн судалгаанууд дээр ажилладаг.

Кампус

SAIT-н гол кампус нь 16-р Өргөн чөлөөнд байрлах ба бусад 3 салбар кампус нь Calgary-д байдаг:

  • Mayland Heights: Centre Avenue-д байрлах уг кампус-д авто машин, кран, тээврийн хэрэгслийн угсралтын ангиудад суралцаж буй оюутнуудын сургалтанд тус болох бүхий л төрлийн техник хэрэгсэл, багаж байдаг.
  • Culinary Campus: Уг кампус нь Stephen Avenue-д байрладаг. Хоолны чиглэлээр суралцаж буй оюутнууд энд хичээллэдэг.
  • Art Smith Aero Centre: Уг төв нь Calgary-н олон улсын онгоцны буудалд байдаг бөгөөд энд институтын тээврийн сургууль байрлан үйл ажиллагаагаа явуулдаг.
Номын сан

Рег Эрхардт номын сан

SAIT-ийн Рег Эрхардт номын сан нь 50,000 гаруй ном, сонин, сэтгүүлийг агуулдаг ба судалгаа, гэрийн даалгавар, төсөлд зориулсан олон төрлийн цуглуулгыг хадгалдаг.

Seneca College

Нийтэлсэн: |
Танилцуулга

Seneca улсын коллеж нь Канадын Онтариогийн Торонто Дээд хэсэгт байдаг бөгөөд 1967 онд үүсгэн байгуулагджээ. Байгуулагдсан цагаасаа хойш 200,000 гаруй оюутнуудыг төгсгөсөн юм. Сенека коллеж нь Канадын сэтгэл судлалын нийгэмлэгийн магадлан итгэмжлэл авсан анхны коллеж аж.  Дэлхий ертөнцтэй хөл нийлүүлэн алхахын тулд чанартай боловсрол шаардлагатай байгаа орчин үед Сенека коллеж нь таньд хүссэн мэдлэгийг тань олгохын тулд хичээн ажилладаг бөгөөд тус коллеж нь зөвхөн мэдлэг боловсрол олгоод зогсохгүй амьдралын туршид хэрэг болох туршлага өгөх зорилттой ажилладаг байна.

Сургуулийн талаар:
  • Канадын засгийн газрын хамгийн их санхүүжилттэй коллеж.
  • 20,855 бүтэн цагийн болон 90,000 хагас цагийн оюутантай.
  • 140 гаруй орны 5,500 гаруй гадаад оюутнууд суралцдаг.
  • Ажил олгогчдын 93% тус коллежийн төгсөгчийг ажилд авсандаа сэтгэл хангалуун байдаг гэх судалгаа гарсан.
  • Тус коллеж нь тус бүр нь 1000$-ын 10 шинэ тэтгэлгийг шилдэг олон улсын оюутнууддаа санал болгодог.
Кампус

Кампус

Seneca нь 4 гол кампус, 10 салбар кампустай, кампус тус бүр өөр өөр мэргэжлийн чиглэлээр дагнасан байдаг.

Newnham кампус

Уг кампус нь Канадын хамгийн том, коллежийн кампусуудын нэг бөгөөд энд бизнес, инженерчлэл, нисэх, бага насны хүүхдийн боловсрол, загвар, мэдээлэл-харилцаа холбооны технологи, либерал урлагийн чиглэлийн, бүтэн цагийн 11000 гаруй оюутан суралцдаг. Newnham кампус нь Finch Avenue East-д байрладаг.

Seneca York кампус

Йоркын их сургуулийн Keele кампуст байрлах уг кампусын загварыг уран барилгач Raymond  Moriyama гаргажээ. Энд хэвлэл мэдээлэл, биологийн шинжлэх ухаан-хавсарга хими, либэрал урлаг судлал, мэдээлэл-харилцаа холбооны технологийн сургуулиуд байрлан үйл ажиллагаагаа явуулдаг.

King кампус

Коллежийн King кампуст урлаг, эрүүл мэндийн шинжлэх ухааны бүтэн болон хагас цагийн хөтөлбөрүүд явагддагийн зэрэгцээ бага насны хүүхдийн боловсрол, зан байдлын шинжлэх ухаан, сувилахуй, нийгмийн үйлчилгээ, газар зохион байгуулалт, мал эмнэлэгийн салбарын оюутнууд хичээллэдэг. 2011 онд Оннтариогийн засгийн газраас тус кампусын үйл ажиллагааг өргөжүүлэх зорилгоор 43 сая долларын төслийг санаачилсан бөгөөд уг төслийн хүрээнд 25 анги танхим, номын сан, комьютерийн үйлчилгээ, эрүүл мэндийн сургалтын лабораторыг байгуулах юм.

Markham кампус

Коллежийн Markham кампус нь 2005 онд байуулагдсан, Онтариогийн Мархам хотод баригдсан хамгийн анхны дээд боловсролын байгуулага юм. Энд бизнес, маркетинг, аялал жуулчлалын салбарын бүтэн болон хагас цагийн хөтөлбөрийн хичээлүүд явагддаг. Мөн уг кампуст 2011 оноос хойш Confucius Institute байрлан үйл ажиллагаагаа явуулах болсон.

Jane кампус

Уг кампуст Seneca-н дэвшилтэт технологийн төв байрладаг.

Peterborough кампус

Peterborough-н онгоцны буудалд Seneca-н нисэхийн кампус байдаг бөгөөд уг кампуст нисэхийн бакалаврын хөтөлбөрт суралцаж буй оюутнуудад зориулсан сургалтын тоног төхөөрөмжүүд байдаг. 2014 оны 1-р сараас үйл ажиллагаагаа явуулж эхэлсэн уг кампуст нисэхийн чиглэлийн 2, 3, 4-р дамжааны оюутнууд суралцдаг.

Номын сан

Номын сан

Коллежийн номын сан нь оюутан, багш ажилчдын хэрэгцээт цахим болон хэвлэмэл ном зохиолoor хангаж ажилладаг бөгөөд ном сэтгүүл, видео, DVD хэлбэртэй өргөн хүрээний баримт өгөгдлийн сан байдаг. Номын сангийн зүгээс оюутнуудын сургалт судалгааны ажилд тус болох үүднээс боломжит бүхий л дэмжлэг туслалцааг үзүүлдэг. Тус коллеж нь мөн кампусуудаар таран байрласан 4 номын сантай юм.

Хөтөлбөрүүд

Хамгийн алдартай хөтөлбөрүүдээс дурьдвал:

  1. Сургуулийн өмнөх насны хүүхдийн боловсрол
  2. Нягтлан бодогч
  3. Санхүү ба нягтлан бодогч
  4. Цагдаагийн сургууль
  5. Либерал урлаг ба Нийгмийн ажилтан

Мөн үүнээс гадна бакалаврын түвшний 14, бакалаврын дараах түвшний 30 хөтөлбөрийг багтаасан 145 бүтэн цагийн, 135 хасаг цагийн курсуудад мэргэжилтэн бэлтгэх хөтөлбөрүүдтэй.

Төгсөгчид
  • Залуучуудын сайн мэдэх 2019 оны Оскарын шагналт бүтээл Spider-Man: Into the Spider-VerseSeneca коллежийн төгсөгч Zacary Campbell анимейшны ахлах зохиолчоор ажилласан. Тэрээр Харилцаа, Урлаг ба Дизайны сургуулийг төгссөн бөгөөд ирээдүйтэй телевизийн салбарын залуу хүчин билээ.
  • Vivienne Poy- Канадын сенатич
  • Yasmin Warsame- Канадын модел
  • Beverly Thomson- Канадын сэтгүүлч, Канадын өглөөний шоуны хамтран хөтлөгч
  • Mark Penney- Канадын кино найруулагч
  • Camilla Di Gisueppe- Канадын үндэсний телевизийн нэвтрүүлэгч
  • Roger Petersen- Канадын үндэсний телевизийн оройн мэдээний алдарт хөтлөгч
  • Angela James- Канадын үндэсний хоккейн шигшээ багийн гишүүн
  • Alvin Curling- Канадын улс төрч, Доминик улсад суух Канад улсын элчин сайд асан зэрэг телевиз, улс төрийн салбарын алдартанууд төгссөн билээ.

Royal Roads University

Нийтэлсэн: |
Танилцуулга

Royal Road University нь Канадын Бритиш Клоумб мужийн Колвүүд хотод байрладаг улсын их сургууль юм. Тус сургууль нь 1940 онд   Royal Roads Military College нэртэйгээр байгуулагдаж байсан бөгөөд хожим 1995 онд Royal Roads University болон өргөжсөн. 75 жилийн түүхтэй Royal Roads University нь Канадын байгалийн үзэсгэлэн цогцолсон, үндэсний түүхэн дурсгалт газруудын нэг дээр байрладгаараа алдартай. Royal Roads University нь бакалаврын болон бакалаврын дараах түвшин, докторын түвшний хавсрага болон мэргэшүүлэх хөтөлбөрүүдийг санал болгодог бөгөөд үндсэн 3 хэлбэрээр хичээлээ явуулдаг үүнд:

  1. Тэнхимийн сургалт
  2. 100 хувь онлайн сургалт
  3. Онлайн тэнхим хосолсон сургалт нар орно.

Royal Roads University-д Экологи, хүнс тэжээлийн төв, Сургалт боловсролын технологийн төв, Канадын байгаль орчин боловсролын төв байрлан үйл ажиллагаагаа явуулдаг. Тус их сургууль нь нийт 20,000 гаруй оюутныг бизнес, хүрээлэн буй орчин, харилцаа холбоо, аялал жуулчлал, зочилохуйн ухаан зэрэг салбаруудад сургаж төгсөгсөн байна.

Кампус

Royal road university-ийн кампус нь дугуйн болон явган аялал хийх зам, баруун эргийн үзэсгэлэнт ургамал, амьтадаар хүрээлэгдсэн үндэсний түүхэн дурсгалт газар болох Hatley Park-д 260 га газарыг эзэлж байршилна. Тус кампус-д түүхэн ордон, Япон хэв маягийн цэцэрлэгт хүрээлэн, Коронел дахь дайны дурсгалд зориулан барьсан номын сан зэрэг үзэсгэлэнт, түүхэн барилгууд их байдгаараа онцлог.

Музей

Royal Roads University-ын музей нь Hatley Castle–д байдаг ба тус музей-д  Royal Roads Military college-ын түүхэн холбогдолтой баримт  дурсгалууд байдаг. Уг музей нь Канадын музейн холбоо, Канадын цэргийн музейн нэгдсэн байгууллагын гшүүн бөгөөд Канадын зэвсэгт хүчний музейн хорооноос тус музейг бүрэн магдлан итгэмжилсэн байна.

Номын сан

Royal road university-ийн номын сан нь сургуулийн хөтөлбөрүүдэд хэрэгтэй ном, сонин, сэтгүүл, материалуудыг агуулахаас гадна тус сургуулийн түүхийн талаарх баримтууд, судалгааны ажилуудыг голчлон цуглуулдаг. Түүнчлэн номын санд их сургуулийн өмнөх үеүүд болох Канад улсын тэнгисийн цэргийн коллеж, Канад улсын агаарын хүчний коллеж,  Канад улсын цэргийн хүчний коллеж зэрэг сургуулиудын талаарх түүхэн баримт, судалгаа агуулагддаг. Энэхүү цуглуулгад нийтэд ил гараагүй, түүх соёлын өндөр ач холбогдолтой зураг, бичлэг, газрын зураг, захиа, өдрийн тэмдэглэл, дуу бичлэг зэрэг багтдаг байна.