Montreux Business University Швейцарын Монтриукст байдаг хувийн их сургууль юм. Их сургууль нь бакалавр болон магистерийн төвшний тэнхимийн сургалтуудыг санал болгохын зэрэгцээ онлайн курст оюутан сургадаг. Бүх курсийн хичээлүүд англи хэлээр явагддаг.

2011 онд Montreux Business School нэртэйгээр байгуулагдаж байсан Montreux Business University  нь “Бизнесийн сургууль, хөтөлбөрийн магадлан итгэмжлэлийн хороо”-ний магадлан итгэмжлэлийг хүртсэнийхээ дараа 2015 оны 10 сард нэрээ өөрчлөн Montreux Business University  болжээ.

Montreux Business University –г сонгох шалтгаан

1. Montreux Business University нь олон улсын нэр хүндтэй байгууллагуудын магадлан итгэмжлэлийг хүртсэн. Тухайлбал:

• ACBSP – Бизнесийн сургууль хөтөлбөрийн магадлан итгэмжлэлийн хороо
• ISO 9001:2008/ISO 29990:2010 – Олон улсын стандартчиллын байгууллага
• EFMD- Европын удирдлага хөгжлийн сан
• CEEMAN- Төв болон Зүүн Европын удирдлага хөгжил
• AVDEP- Canton of Vaud-н хувийн сургуулиудын холбоо

2. Нэг ангид цөөн оюутан суралцдаг учир оюутнууд багш нартайгаа илүү ойр харилцан бизнесийн талаар  гүн гүнзгий ойлголттой болж сургалт илүү үр өгөөжтэй болдог.
3. Олон улс, үндэстний соёлыг нэг дор цогцолсон сургалтын орчин: Их сургуульд дэлхийн 15 үндэстний оюутнууд суралцдаг бөгөөд оюутнуудын хувьд мэдлэг эзэмшихийн хажуугаар олон улс үндэстний соёлоос суралцах боломжтой.
4. Англиар ярьж, франц хэл сур: Хэл судлалын MBU төв нь оюутнуудад ахисан төвшний бизнесийн англи хэлний харилцааны хичээл,  эрчимжүүлсэн франц хэлний курсийг тус тус санал болгодог. Эдгээр курсууд нь оюутнууд болон бизнесийн мэргэжилтэй хүмүүст ярианы болоод бичгийн чадвараа мэргэжлийн төвшинд хөгжүүлэхэд тусалдаг.
5. Montreux Business University нь нэр хүндтэй олон улсын их сургуулиудтай хамтран ажилладаг бөгөөд оюутнууддаа хичээлийн жилийн 1 семестр эдгээр сургуулиудад суралцан өөр улс оны соёл, зан заншилтай танилцах боломж олгодог.
6. Их сургуулийн оюутнууд курсийн ажил, дадлагадаа орчин үеийн дэвшилтэт технологийн ашигладаг бөгөөд MBU-н кампус нь Швейцарын бусад их дээд сургуулиудаас илүү өндөр хурдны интернет холболтыг ашигладаг. Үүний зэрэгцээ анги танхим бүр ухаалаг самбар, Chromecast/Apple, DLNA зэрэг орчин үеийн техник хэрэгслээр бүрэн тоноглогдсон.

Glion нь 1962 онд үйл ажиллагаагаа явуулах болсон цагаасаа эхлэн салбартаа нэр хүндтэй зочид буудлын сургууль болохынхоо хувьд чанартай боловсролыг оюутнуудад санал болгосоор ирсэн. Салбарын мэргэжилтнүүдээс авсан саналаар тус сургууль нь 2015 онд дэлхийн шилдэг зочилохуйн үйлчилгээний удирдлагын сургууль, 2016 онд “Best Innovation in an Academic Program” шагналуудыг хүртжээ.

Glion институт нь Швейцар, Англид байрлах кампусуудаараа дамжуулан чанартай боловсролыг түгээн дэлгэрүүлж, оюутнуудаа зочилохуйн үйлчилгээ, зочид буудал, ачлал жуулчлал, спорт, үйл ажиллагааны зэрэг хурдацтай хөгжиж буй салбаруудад ажиллахад тулгарах олон бэрхшээлүүдэд бэлтгэгдсэн мэргэжилтнүүд болгон төгсгөдгөөрөө онцлогтой. Институтийг дэлхийд төлөөлдөг 13000 гаруй төгсөгчийг багтаасан Glion-н төгсөгчдийн холбоо байдаг. Тэдгээр салбартаа өндрөөр үнэлэгдсэн мэргэжилтнүүд академик мэдлэгээс гадна удирдлагын чадваруудыг олгодог зочилохуйн үйлчилгээний бизнес, үйл ажиллагааны удирдлагын мэргэшүүлэх хөтөлбөрүүдийг санал болгодог олон улсын зочилохуйн үйлчилгээний бизнесийн сургууль гэсэн Glion-н нэр хүндийг улам өргөн амжилттай ажиллаж байна.

Дээд боловсролын  Glion институт нь бакалаврын болон бакалаврын дараах төвшний зочилохуйн үйлчилгээ удирдлага, үйл ажиллагаа, спортын чиглэлийн хөтөлбөрүүдийг санал болгодог.

Aiglon College нь Швейцарын хосолсон боловсрол олгодог хувийн сургууль бөгөөд Британийн ахлах сургуулийн тогтолцоонд тулгуурлан үйл ажиллагаагаа явуулдаг тус сургууль нь Swiss Alps-т байрладаг.
Aiglon College-н дунд сургууль нь 5-8-р ангийн сурагчдыг хамардаг бол ахлах сургуульд 9-13-р ангийн сурагчид багтдаг. Сургуулийн сурагчид 11-р ангидаа GCSE болон IGCSE шалгалтуудад бэлдэж ахлах сургуулийнхаа сүүлийн 2 жил буюу 12-13-р ангидаа International Baccalaureate буюу олон улсын бакалаврын зэргийн суурь хөтөлбөрт хамрагддаг. Сургуулийн бүх хичээлүүд Англи хэл дээр явагддаг.
Түүх
Aiglon College-г анх 1949 онд Gordonstoun-н багш John C.Corlette үүсгэн байгуулжээ. Тус сургууль нь Round Square-н анхны гишүүдийн нэг юм. Aiglon College нь анх хөвгүүдийн сургуулиар 6 суралцагч тайгаар үйл ажиллагаагаа эхлүүлж хожим 1968 онд хосолсон боловсролын сургууль болсон.
Сургуулийн зүгээс сурлага, урлаг спортын амжилт гаргасан сурагчдад тэтгэлэг, санхүүгийн тусламж дэмжлэг үзүүлдэг.
Aiglon College-г сонгох шалтгаан
Aiglon College-н хичээлийн хөтөлбөр нь сурагчдын оюуны хөгжлийг бүх талаас нь дэмжихэд чиглэгдсэн байдаг. Сургуулийн сурагчид олон улсад хүлээн зөвшөөрөгдсөн IGCSE, International Baccalaureate (IB)-г хөтөлбөрүүдийг үзэж судлахын зэрэгцээ Араб хэл, үзүүлэх урлагийн гээд олон чиглэлийн хичээлүүдэд хамрагддаг. Aiglon College нь сурагчдын сургалтын чанар, суралцах үйл явцад сайтар анхаардаг бөгөөд коллежийн сургалтын чанар, сурагчдын дүнгийн үзүүлэлт өндөр байдаг. Aiglon College-д суралцсанаар чөлөөт сонголтын хичээлийн хөтөлбөрүүдээр дамжуулан өөрсдийн чадавхаа бүрэн, чөлөөтэй нээн илрүүлж, хувь хүний талаасаа хөгжих боломж бүрддэг.

IMI International Management Institute, Switzerland бэлтгэл хөтөлбөрөөс эхлээд бизнесийн удирдлагын магистерийн төвшний хөтөлбөрүүдэд оюутан сургадаг хувийн зочилохуйн үйлчилгээний сургууль юм.

IMI International Management Institute, Switzerland  нь 1991 оны 8-р сард Waldstaetten зочид буудалд 55 оюутантайгаар байгуулагдаж байсан. 1995 он гэхэд сургуулийн нэг семестрийн оюутны тоо 180-д хүрсэн байна. 1997 онд институт нь Kastanienbaum-дахь одоогийн кампусаа байгуулжээ. Өнөөдөр институтийн нэг семестрт 200 орчим оюутан суралцаж байна.

Тус сургууль нь оюутнуудад суралцах хугацаандаа Швейцар болон бусад орнуудад мэргэжлийнхээ чиглэлээр дадлагажих боломж олгодог. Швейцарын жижиг хувийн сургуулиудын нэг болох IMI нь оюутнуудад чанартай мэдлэг боловсрол олгохыг зорьдог бөгөөд 25 жилийн турш Швейцарын зочилохуйн үйлчилгээний чиглэлээр мэргэжилтэн бэлтгээд байгаа ба 2017 оны QS жагсаалтаар зочилохуйн үйлчилгээний чиглэлийн  шилдэг 20 боловсролын  байгууллагын нэгээр шалгарсан.

Институт нь Швейцарийн төв хэсэгт байрладаг, зочид буудал, аялал жуулчлал, үйл ажиллагаа, хоолны урлаг зэрэг чиглэлүүдээр бакалаврын болон бакалаврын дараах төвшний хөтөлбөрүүдийг санал болгодог. Амжилтыг хамгийн гол нууц бол академик сургалт, практик сургалтын хослол юм. Энэ ч утгаараа IMI-н зүгээс оюутнуудад сургалтынхаа хажуугаар олон улсад дадлагажих боломжийг олгодог бөгөөд энэ нь тэдэнд сонгосон салбартаа хүссэн амжилтад хүрэх хөшүүрэг нь болж өгдөг.

Polytechnic Institute of Bragança нь 7000 оюутан, 500 багш, судлаачтай Португалийн хавсарга шинжлэх ухааны их сургууль юм.  Их сургууль нь төгсөгчдийнхөө чанар, багш ажилчдын мэдлэг туршлагаараа олон улсад нэр хүндтэй. Их сургуулийн нийт оюутны 20 хувийг дэлхийн өнцөг булан бүрээс ирсэн олон улсын оюутнууд бүрдүүлдэг. Мөн тус их сургууль нь  сэдэвчилсэн судалгаа, бүс нутгийн үйл ажиллагаан дахь оролцоо зэргээрээ улсдаа төдийгүй олон улсад хүлээн зөвшөөрөгдөн, өндрөөр үнэлэгддэг.

Polytechnic Institute of Bragança нь  аж ахуйн шинжлэх ухаан, урлаг–спорт, боловсрол, багшийн сургалт, мэдээллийн технологи ба инженерчлэл, захиргаа ба удирдлага, эрүүл мэнд, харилцаа холбоо, аялал жуулчлалын чиглэлээр мэргэжилтэн бэлтгэдэг,  бакалаврын болон бакалаврын дараах төвшний 7000 гаруй оюутантай.  Их сургууль нь Европын хавсарга шинжлэх ухааны их сургуулиудын холбооны гишүүн сургууль бөгөөд тус холбоо нь төгсөгчдийн мэргэжлийн чадварыг нэмэгдүүлэх, сэдэвчилсэн судалгааг хөгжүүлэх явдлыг гол зорилгоо болгодог. 2011 онд Европын холбооноос их сургуулийн сургалтын чанар, оюутнуудын мэдлэг чадварыг үнэлэн ECTS Label шагналыг хүртээсэн бол 2013 их сургууль нь мөн DS Label-р шагнагдсан байна.

Их сургууль нь Португали хэлээр явагддаг сургалтын хөтөлбөрүүдээс гадна Англи хэл дээр явагддаг бакалавр болон магистерийн төвшний бүтэн цагийн хөтөлбөр, гадаад оюутнуудад зориулсан Португали хэл, соёлын курсуудыг санал болгодог.

Олон улсад үйл ажиллагаагаа явуулан олон улсын шинж чанартай болох явдал бол IPSantarém-н жил бүрийн үйл ажиллагааны төлөвлөгөөнд тусгагддаг стратегийн зорилтуудын нэг юм. Иймдээ ч сүүлийн жилүүдэд IPSantarém гадаадын байгууллагуудтай хамтран ажиллах замаар хэд хэдэн улстай тогтоосон хамтын ажиллагаагаа өргөжүүлэх зорилго тавин ажиллаж байгаа юм. Энэхүү зорилгоо хэрэгжүүлэх ажлын хүрээнд  IPSantarém-н олон улсын боловсролын хөтөлбөрт хяналт тавин хэрэгжүүлэх гадаадын оюутнуудын тоог нэмэгдүүлэх зорилготойгоор  IPSantarém International School-г байгуулсан.

Сургуулийн дийлэнх курсүүд Португали хэлээр явагддаг ч тусгай гэрээгээр  зарим  хөтөлбөрийн хичээлүүдийг англи хэл дээр үзэж болно.

Warsaw University of Technology нь Польшын шилдэг технологийн институт, Төв Европын хамгийн том дээд боловсролын байгууллагуудын нэгэнд зүй ёсоор тооцогддог. Их сургууль нь 2453 багш ажиллагсадтай 357 нь профессорын  цолтой эрдэмтэд байдаг ба шинжлэх ухаан, технологийн салбарын 19 факультеттай.  Warsaw University of Technology нь 36154 оюутантай, тэдгээрийн дийлэнхийг бүтэн цагаар суралцдаг оюутнууд бүрдүүлдэг.

Warsaw University of Technology нь жилд 5000 оюутан бэлтгэн гаргадаг. 2008 оны Rzeczpospolita сонины судалгаагаар их сургуулийг төгссөн инженерүүд Польшийн компаниудад удирдах албан тушаал хашдагийн зэрэгцээ Польшийн менежер, удирдах албан тушаалтнуудын дийлэнх хэсгийг бүрдүүлж байна. Мөн Польшын шилдэг 500 корпорацын найман ерөнхийлөгч тутмын нэг нь Варсо технологийн их сургуулийн төгсөгчид байдаг.

Их сургууль нь оюутнууддаа чанартай боловсрол, гадаад хэлний мэдлэгийг олгон чадварлаг, мэдлэгтэй салбартаа манлайлагч мэргэжилтнүүдийг бэлтгэн гаргадаг.

Warsaw University of Technology-г сонгох шалтгаан

• 7 жил тутмын Rzeczpospolita and Perspektywy жагсаалтаар Польшийн шилдэг технологийн их сургуулиар шалгаруулсан
• 19 факультет, нэг коллежид 2500 эрдэмтэн багш нар ажилладаг.
• Удирдлагын чиглэлээр мэргэжилтэн бэлтгэсэн 20 жилийн туршлагатай
• 180 гаруй гадаадын их дээд сургуулиудтай хамтран ажилладаг
• Ахисан төвшний мэдээллийн систем, ном зохиолын баялаг цуглуулга бүхий номын сантай
• Алсын зайн сургалт
• Их сургуулийн Thriving Careers Office нь оюутнуудад төгсөөд ажилд ороход нь тусалдаг
• 100 гаруй оюутны судалгааны групп, байгууллага, оюутны холбоонууд ажилладаг
• Их сургуулийн кампуст концерт, наадам, үзэсгэлэн зэрэг урлаг соёлын олон үйл ажиллагаа зохион байгуулагддаг.

Их сургуулийн номын сан

Их сургуулийн номын сан нь төв номын сан, салбар номын сангууд, факультет, институтүүдийн номын санг багтаагаад 30 гаруй салбар номын сангаас бүрддэг. Уг номын сангийн гол зорилго нь шинжлэх ухаан уран зохиолын холбогдолтой ном зохиолуудыг цуглуулан оюутан багш ажилчдын сургалт судалгааны ажилд шаардагдах хэрэгцээт баталгаатай  мэдээллээр ханган шинжлэх ухааны мэдлэг, мэдээллийн гол их сурвалж болох явдал юм. Мөн их сургуулийн номын сан нь оюутан сурагчдад мэдээллийн үйлчилгээ үзүүлэхийн сацуу их сургуулийн багш, эрдэмтэн судлаачид, оюутнуудын цахим хэвлэл, бүтээлүүдийг цуглуулан, их сургуулийн шинжлэх ухааны ололт амжилтуудыг мөнхжүүлэн хадгалж байдаг.  Warsaw University of Technology-н төв номын сан нь шинжлэх ухааны номын сан болох бөгөөд их сургуулийн багш ажилчид, оюутан сурагчдаас гадна технологийн болон суурь шинжлэх ухааны салбарын ажилчид, энэ салбарт мэргэшиж буй бусад их сургуулиудын оюутнуудыг хэрэгцээт мэдээллээр хангаж байдаг.

Их сургуулийн номын сангийн зохиол бүтээлийн цуглуулгуудын дийлэнх хэсгийг дэлхийн шинжлэх ухаан технологийн салбарын өнөөгийн байдлыг тодорхойлсон орчин үеийн ном зохиолууд бүрдүүлдэг ба  1500000 хэвлэмэл ном сэтгүүл, 10000 цахим сэтгүүл, 136000 гаруй цахим номын баялаг сантай.