Notice:Trying to access array offset on value of type bool in /home/customer/www/nogoonjade.mn/public_html/wp-content/themes/salient/functions.php on line 2220

Jacobs University Bremen

Нийтэлсэн: |
Танилцуулга:

Jacobs University Bremen (товчилсон JU Bremen эсвэл JU) нь Герман улсын Бремен мужийн Бремен хотын Вегесак хотод байрладаг олон улсын, хувийн, докторын зэрэг олгодог судалгааны их сургууль юм. Тус сургууль нь бакалавр, магистр, докторын зэрэг олгодог ба инженерчлэл, хүмүүнлэгийн ухаан, байгалийн ба нийгмийн шинжлэх ухааны чиглэлээр сургалтын хөтөлбөрүүдийг санал болгодог. Түүнчлэн их сургууль нь суурь хичээлийн бэлтгэл хөтөлбөрийг санал болгодог.

Жейкобсын их сургууль бол Германы хамгийн олон улсын их сургуулиудын нэг юм. Жейкобсын Их Сургууль нь харьяалал, шашин шүтлэг, санхүүгийн үндэс зэргээс нь үл хамааран авьяаслаг залуусд эрчимтэй сургалтаараа академик боловсрол олгож жинхэнэ олон улсын хүмүүсийг бэлтгэх эрхэм зорилготой.

Их сургуулийн бүрэлдэхүүн:
Товч мэдээлэл:

1,500+ оюутан

249+ багш, ажилчид
120+ орны оюутнууд
Олон улсын оюутны хувь 76%
Багш, оюутны харьцаа 1:19
Эрэгтэй, эмэгтэй оюутны харьцаа 57:43
Кампус:

Их сургуулийн кампус дээр оюутнуудад зориулсан төрөл бүрийн байгууламж бий. Үүнд: Оюутны үйл ажиллагааны төв, төрөл бүрийн спортын байгууламжууд, кино театр, хөгжмийн студи, оюутнуудын ажиллуулдаг кафе / баар, концертын газрууд орно.

Их сургууль нь хөлбөмбөг, сагсан бөмбөг, сэлүүрт завь, регби, крикет, кроссфит, хөгжөөн дэмжигч, волейбол зэрэг спортын үйл ажиллагааг дэмждэг. Sports and Convention Center нь кампусын спортын ордон, амралт / фитнес төвийн үйл ажиллагааг явуулдаг. Мөн кампус дээр хөл бөмбөг, сагсан бөмбөгийн талбай, теннис, волейболын талбайтай, усан бассейн зэрэг байрлана.

Оюутнууд кампус дээр нийгэм, улс төр, эрдэм шинжилгээ, бизнес зэрэг чиглэлээр  үйл ажиллагаа явуулдаг 50 гаруй оюутны клуб, нийгэмлэгт элсэн орох боломжтой.

Номын сан:

Номын сан нь сургалт, судалгаа шинжилгээний ажилд шаардлагатай  хэвлэмэл болон дижитал эх сурвалжид нэвтрэх боломжийг олгодог.

Их сургуулийн номын сан нь Мэдээллийн нөөцийн төвийн (IRC) нэг хэсэг бөгөөд кампусын төвд байрладаг. Утасгүй интернет болон сүлжээний холболтоор холбогдсон номын сан нь багаар ажиллах болон, ганцаарчилсан сургалтын тэнхимүүдээр хангадаг байна.

Их сургуулийн үзүүлэлт:

TIMES HIGHER EDUCATION (ДЭЛХИЙН ИХ СУРГУУЛИЙН ҮЗҮҮЛЭЛТ 2020)

Жейкобсын Их Сургууль нь дэлхийн шилдэг их сургуулиудын эхний 25%-д багтдаг.

TIMES HIGHER EDUCATION (ЗАЛУУ ИХ СУРГУУЛИЙН ҮЗҮҮЛЭЛТ 2020)

Жейкобсын их сургууль нь 60 орны 351 оролцогч их дээд сургуулиас 26-д жагссан ба Дэлхийн хэмжээнд харьцуулж үзэхэд Жейкобсын Их Сургууль нь “Багшлахуй” чиглэлээр 11-р байранд шалгарч, “Судалгаа” гэсэн ангиллаар дэлхийн шилдэг 25 их сургуулийн тоонд багтжээ.

TIMES HIGHER EDUCATION (ИХ СУРГУУЛИЙН ҮЗҮҮЛЭЛТ 2019)

Жейкобсын Их Сургууль нь дэлхийн шилдэг жижиг их дээд сургуулиудын аравдугаар байрт шалгарсан цорын ганц Германы их сургууль юм.

U-MULTIRANK

Тус их сургууль нь 2014 онд байгуулагдсанаасаа хойш олон улсын U-Multirank-т өндөр байр суур эзэлсээр ирсэн.

CHE-RANKING

ХБНГУ-ын Дээд боловсролын төвөөс гаргасан хамгийн дэлгэрэнгүй, нарийвчилсан их сургуулийн зэрэглэлд Жейкобсын Их Сургууль 2005 онд анх оролцсоноос хойш жил бүр өндөр үзүүлэлт үзүүлсээр ирсэн.

2015 он • Гео шинжлэх ухаан, Компьютерийн шинжлэх ухаан, Физик, Улс төрийн шинжлэх ухаан

2016 он • Биологи, сэтгэл судлал

2017 • Эдийн засаг, аж үйлдвэрийн инженерчлэл

2018 он • Гео шинжлэх ухаан, улс төрийн шинжлэх ухаан, нийгмийн шинжлэх ухаан

2019 • Цахилгаан ба компьютерийн инженерчлэл, сэтгэл судлал

2020 • Дэлхийн эдийн засаг, менежмент, олон улсын бизнесийн удирдлага, аж үйлдвэрийн инженерчлэл ба менежмент, хангамжийн сүлжээний менежмент

2021 • Инженерчлэл, бизнес, технологи, шинжлэх ухаан

2022 • Хими, сэтгэл судлал, математик, санхүү бүртгэл

2023 •  Эдийн засаг, биологи, олон улсын харилцаа, нийгэм судлал, пизик

Kristianstad University Sweden

Нийтэлсэн: |
Танилцуулга

Кристианстад их сургууль нь 1977 онд үүсгэн байгуулагдсан бөгөөд 1995 онд одоогийн оюутны хотхондоо орж, өдгөө 14,000 оюутан сурагч 500 гаруй ажилчидтай үйл ажиллагаагаа явуулж байна. Тус сургууль нь хотын төвөөс ердөө 10 минутын зайд оршидог. Кристианстад их сургуулийн оюутнууд ажлын зах зээл дээр хамгийн эрэлт хэрэгцээтэй байгаа мэдлэг, чадваруудыг суралцахаас гадна орчин үеийн шинжлэх ухааны нийгэмлэг шаарддаг бүхий л шаардлагыг хангах чадвартай болдог аж. Их сургууль нь сургалт, зан үйл, нийгэм, байгалийн ба эрүүл мэндийн шинжлэх ухаан, бизнесийн удирдлага, инженерчлэлийн чиглэлүүдээр сургалт явуулдаг.

Кристианстад их сургуулийн салбар сургууль болон тэнхимүүд:

Эрүүл мэндийн шинжлэх ухааны салбар сургууль:

  • Сувилахуй, эрүүл мэндийн шинжлэх ухааны тэнхим
  • Амны хөндийн эрүүл мэндийн тэнхим
  • Олон нийтийн эрүүл мэндийн тэнхим
  • Нийгмийн ухааны тэнхим

Байгалийн ухааны салбар сургууль:

  • Компьютерийн шинжлэх ухааны тэнхим
  • Хүнс, хоол судлалын тэнхим
  • Хүрээлэн буй орчин, био шинжлэх ухааны тэнхим

Болосвролын салбар сургууль:

  • Хүмүүнлэгийн ухааны тэнхим
  • Математик, шинжлэх ухааны боловсролын тэнхим
  • Сэтгэл судлалын тэнхим
  • Сургуулийн өмнөх болон дараах сургалтад мэргэшсэн боловсролын шинжлэх ухааны тэнхим
  • Бага, дунд, тусгай сургуулийн сургалтад мэргэшсэн боловсролын шинжлэх ухааны тэнхим

Бизнесийн салбар сургууль:

  • Бизнесийн тэнхим
  • Дизайны тэнхим
  • Ажлын шинжлэх ухааны тэнхим
Оюутны хотхон

Их сургуулийн оюутны хотхонд та хэрэгтэй бүхнээ нэг дороос олж болно. Тус оюутны хотхонд номын сан, ресторан, кафе, оюутны холбоо, эрүүл мэндийн төв, оюутны дотуур байр зэрэг бүгд нэр дор байрладаг.

Номын сан

Оюутны хотхоны голд байрлах номын сан нь олон уншлагын танхим, комьпютерийн өрөө, ном уншиж мөн амрах боломжтой орчинг бүрдүүлж өгсөн. Тус номын санд хэвлэмэл болон цахим хэлбэрийн 60,000 гаруй материал агуулагддаг байна.

Судалгааны чиглэлүүд:
  • Боловсролын шинжлэх ухаан
  • Эрүүл мэндийн шинжлэх ухаан
  • Хүрээлэн буй орчин, байгалийн шинжлэх ухаан
  • Хүмүүнлэгийн ба нийгмийн ухаан
  • Бизнес
  • Инженерчлэл

LUND UNIVERSITY

Нийтэлсэн: |

Лүнд Их Сургууль нь Дэлхийн шилдэг 100 Их Сургуулийн жагсаалтад тогтмол эрэмбэлэгддэг Шведийн улсын их сургууль юм. Тус сургууль нь Шведийн Сканиа мужийн Лүнд хотод байрладаг бөгөөд 1425 онд Лүнд Сүмийн дэргэдэх Францискан шашны их сургууль баригдаж байх үеэс үүсэлтэй. Швед улс 1658 оны Роскилдэ хэлэлцээрээр Сканиа мужыг Дани улсаас авсны дараа тус сургуулийг Лүнд сүмийн дэргэдэх хуучин Францискан шашны их сургууль оронд 1666 онд үүсгэн байгуулсан.

Лүнд их сургууль нь 8 салбартайгаас гадна Малмо, Хэлсинборг хотноо хоёр Кампустай. Эдгээр кампуст нийт 40000 оюутан 270 төрлийн сургалтын хөтөлбөр, 1,300 чөлөөт сонголтын хичээлээс сонгон суралцаж байна. Лүнд Их сургууль нь 70 гаруй орны 600 гаруй их сургуулиудтай түншлэн ажилладаг Европын Судалгааны Их Сургуулиудын Холбоо болон дэлхийн Universitas 21 сүлжээний гишүүн сургууь юм.

Дэлхийн тэргүүлэх судалгааны байгууламж:

Шведийн Лүнд хотод байрлах Лунд их сургуулийн MAX IV лаборатори нь материал судлал, биологийн зүйлийн бүтэц, хими, нанотехнологи зэрэг чиглэлээр судалгааг явуулдаг. Уг лаборатори нь Шведийн хаан, Эрхэмсэг ноён Карл XVI Густаф, Шведийн Ерөнхий сайд Стефан Лёфвен нарын оролцоотойгоор 2016 онд ашиглалтанд орсон синхротон цацрагийн судалгааны  үндэсний хэмжээний цахилгаан хурдасгуур бүхий лаборатори юм. MAX IV байгууламж нь эрдэм шинжилгээ, судалгаа хөгжлийн дэд бүтэцэд хийсэн Шведийн хамгийн том хөрөнгө оруулалт бөгөөд Лаборатори нь Жил бүр дэлхий өнцөг булан бүрээс 2000 гаруй эрдэмтэн судлаачдыг хүлээн авдаг.

European Spallation Source (ESS)  байгууламж нь 2023 онд нээгдэх Дэлхийн хамгийн хүчирхэг нейтрон эх үүсвэрийг ашигладаг олон талт шинжлэх ухааны судалгааны төв болно. Эрдэмтэн судлаачдад энэ байгууламж нь хуванцар, уургаас эхлээд эм, молекул хүртэлх өдөр тутмын амьдрал ашиглагдах материал судлалын шинэ нээлтүүдийг хийх боломжийг олгох юм. Байгууламжийг аварга том микроскоптой зүйрлэж болох бөгөөд энэ байгууламжид анагаах ухаан, хүрээлэн буй орчин, уур амьсгал (өөрчлөлт), холбоо, тээврийн салбарт хийгдэх хүн төрөлхтний ирээдүйн томоохон нээлтүүд хийгдэж цаашид дэлхийн материал судлалын шинжлэх ухаан, аж үйлдвэрлэлийн салбарт томоохон нөлөө үзүүлнэ гэж салбарын судлаачид дүгнэж байна.

Лүнд Их сургуулийн кампус

Тус сургуулийн байгууламжууд нь Сканиа мужын Лүнд хотноо буюу төв Малмо хотоос 15км зайд, Копенхеган хотоос 50км зайд байрлах ба Лүндийн оюутан ажилчид нь хотыг бараг л тэр чигт нь их сургууль мэт харагдуулна. Лүнд Их Сургууль нь Лүнд сүмийн хажууд байрлах Лүндагард паркын төвд байрлалтай бол бусад тэнхимүүд, их сургуулийн 100 гаруй барилгууд нь хотоор тархан байрладаг. Лүндагард Паркын хойд хэсгээс сургуулийн судалгааны эмнэлэгийн барилгын хэсэгтэй залган Инженерийн Салбар Сургуулийн томоохон Кампус байрлах бөгөөд хотын зүүн хойд зах руу их сургуулийн бусад салбар сургууль хичээлийн барилгууд үргэлжилнэ. Төв номын сан нь Паркын хойд зүгт 400 метрийн зайд сургуулийн сургалт судалгааны эмнэлэгийн томоохон хотхонтой зэрэгцэн байрладаг байна.

ШВЕД УЛСЫН ҮНДСЭН ҮЗҮҮЛЭЛТ
Их сургуулийн номын сан

Лүнд их сургуулийн номын сан 1668 онд үүсгэн байгуулагдсан Швед улсын хамгийн анхны, хамгийн том номын сангийн нэг юм. 1698 оноос хойш Швед улсын хэмжээнд хэвлэгдсэн бүх хэвлэлүүдийн хууль ёсны хуулбарыг хүлээн авдаг Шведийн 6 номын сан байдаг ч зөвхөн Лүнд Их Сургуулийн номын сан болон Стокхолм дахь үндэсний төв номын сангууд тус хуулбаруудыг хойч үедээ зориулан хадгалах үүргийг хүлээдэг байна. Номын сангийн тал гаруй хувийг Шведийн хэвлэл эзэлдэг ба номын сангийн нийт тавиуруудын урт нь 119км-тэй тэнцэнэ. Номын сан нь 33 салбартай бөгөөд эдгээр нь нийт 2600 уншлагын ширээтэй, жилд 620,000 номыг уншигчидад олгодог байна. Номын сангийн одоогийн үндсэн барилга болох Helgonabacken нь 1907 онд нээгдсэн бол хуучин барилга Liberiet нь 15 дугаар зуунд баригдаж байжээ

Лүнд Их Сургуулиас гарсан нээлтүүдийн заримаас

1847 | Мөстлөгийн үеийн онол

1953 | Эмнэлэгийн хэт авиа оношлогооны технологи

1956 | Хүний хромсомын тоо

1966 | Астмын эм бэлдмэл

1972 | Inkjet хэвлэгч

1994 | Bluetooth

1997 | Хурууны хээ танигч

2004 | Хүний царай таних технологи

2008 | MR технологийг ашиглан хавдрын оношлогоо

2012 | Дэлхийн хамгийн их усны хэмнэлтэй шүршүүр

2013 | Open and alternative map service

2013 | Хорт хавдар оношлох энгийн бөгөөд илүү нарийвчилсан шинэ арга гэх мэт нийгэмд өндөр ач холбогдолтой нээлт, шинэ санаануудыг хэдэн зууны туршид Лүнд Их Сургуулын судлаачид хийсээр ирсэн байна.

Голлох эрдэм шинжилгээ, судалгааны ажлын салбар:
  • Неврологи
  • Хавдар
  • Чихрийн шижин
  • Үүдэл эсийн эмчилгээ
  • Эпидиомологи
  • Инноваци ба бизнес эрхлэлт
  • Ойрхи Дорнодын судалгаа
  • Байгаль орчин, Цаг уур, Био-тархалт
  • Танин мэдэхүйн шинжлэх ухаан
  • Математикийн шинжлэх ухаан, гадаргын физик, нанотехнологи
  • Дэвшилтэт лазерийн физик болон спектроскопи
  • Автомат удирдлага болон нарийн систем
  • Хувьсал, экологи, амьтны шилжилт хөдөлгөөний хэлбэр
  • Мэдээллийн технологи ба хөдөлгөөнт холбоо
  • CASE буюу Хөгшрөлт болон настай хүмүүсийн амьдрах орчин
  • Metalund буюу нийгмийн эрүүл мэндэд зонхилох асуудал болдог халдварт өвчнүүдэд үзүүлэх байгаль орчны хүчин зүйл
Лүнд их сургуулийг сонгох шалтгаан
  1. 1666 онд байгуулагдсан. Хойд Европ дахь хамгийн эртний, сургалт судалгааны шинжилгээний хамгийн өргөн хүрээг хамарсан сургууль юм
  2. Дэлхийн шилдэг 100 их сургуулийн нэг
  3. Швед улсын дээд боловсролын цогцолбор
  4. Швед улсад сурч буй олон улсын оюутнуудын # 1 сонголт, олон улсын хэмжээний 100 гаруй хөтөлбөрийн сонголт, оюутан солилцоо, докторын зэрэг олгох сургалтыг санал болгодог
  5. 40,000 оюутантай улсын их сургууль
  6. 130 гаруй орны оюутан суралцаж буй жинхэнэ олон улсын оюутны хотхоны жишиг болж чадсан.
  7. Шведийн улсын хамгийн аюулгүй оюутны хотхон
  8. Төгсөгчдийн ажил эрхлэлтийн байдлаар дэлхийд эхний 100-д жагсдаг
  9. Лүнд Их сургууль нь үйл ажиллагаагаа өргөн хүрээнд төлөвлөж явуулдаг нь салбар хоорондын судалгаа цаашлаад Боловсролын салбарын хөгжлийн шинэ боломжуудыг бий болгодог

University of Debrecen

Нийтэлсэн: |
Танилцуулга

Дебрецен Их Сургууль нь Унгар улсын Дебрецен хотод 1538 онд байгуулагдсан Унгар улсын дээд боловсролын байгууллага юм. Тус сургууль нь олон улсын оюутнуудад зориулж тусгайлан боловсруулсан хөтөлбөрүүдийг Англи хэл дээр заадаг. Дебреценийн Анагаах ухааны салбар сургууль нь тэргүүлэх чиглэлийг нэг бөгөөд энэ салбарын хөтөлбөрүүдийг 1986 оноос эхлэн Англи хэл дээр зааж эхэлсэн. Одоогийн байдлаар тус сургууль нь 14 салбар сургууль 7 оюутны хотхон 27,000 гаруй оюутантай. Үүнээс 115 гаруй орноос ирсэн 5664 гаруй олон улсын оюутнууд суралцдаг байна.

Тус сургууль 45 оронд 450 гаруй түнш боловсролын байгууллагатай хамтран ажиллаж өргөн хүрээний Англи хэл дээрх хөтөлбөрийг чанарын өндөр түвшинд олгодог нь Унгар улсын дээд боловсролын байгууллагууд дундаа хамгийн олон тооны гадаад оюутан суралцах боломжийг нээсэн сургуулийн тоонд зүй ёсоор нэрлэгддэг байна. “Debrecen-ийн Шилдэг Сургууль” хэмээн нэрлэгдсэн тус сургууль нь Унгар улсын хамгийн шилдэг сургуулиудын нэг юм.

Оюутны хотхон

Дебрецен Их Сургууль нь үндсэн хоёр оюутны хотхонтой.  Тус сургуулийн анхны оюутны хотхонд салбар сургуулиуд болох Хүмүүнлэгийн ухаан, Шинжлэх ухаан, Мэдээлэл зүй, Анагаах ухаан, Хөгжмийн салбар сургуулиуд болон ботаникийн цэцэрлэг байрладаг бол Хууль зүй, Эдийн засгийн салбар сургуулиудыг багтаасан шинэ оюутны хотхон  “Kassai-road campus гэж бий . Үүнээс гадна хотоор тархаж байрласан Физикийн тэнхим, Цөмийн судалгааны байгууллага, Газар тариалангийн салбар сургууль зэрэг нь бүгд өөр өөрсдийн жижиг хотхонтой. Инженерийн салбар сургууль ч мөн адил Ótemető гудамжинд өөрийн гэсэн оюутны хотхонтой.

Номын сан

Дебрецен Их Сургуулийн номын сан нь улсын хоёр номын сангийн нэг бөгөөд Унгар улсын хамгийн том номын сан юм. Тус номын сан нь уншигчдид зориулсан 6 сая гаруй хэвлэлтэй ба их сургуулийн 5 кампус-д уншлагын танхимтай. Улсын номын сан учир Унгар улсад хэвлэгдсэн бүх ном, сонин, тэмдэглэлийн нэг хувийг авч номын санд байршуулдаг тул энэ номын сан нь маш баялаг арвин сан хөмрөгтэй байдаг

Судалгааны голлох салбарууд:
Молекулын шинжлэх ухаан
Физик
Тооцооллын болон материалын шинжлэх ухаан
Молекулын анагаах ухаан
Анагаах ухаан
Эрүүл мэнд
Хүрээлэн буй орчин, хөдөө аж ахуйн шинжлэх ухаан
Соёл ба судалгааны ёс зүй
Хэл шинжлэл
Дебрецен Их Сургуулийн 14 салбар сургууль:
  • Хөдөө аж ахуй, газар тариалан, хүнс үйлдвэрлэл ба хүрээлэн буй орчны менежментийн салбар сургууль
  • Боловсролын салбар сургууль
  • Нүүр ам судлалын салбар сургууль
  • Эдийн засаг, бизнесийн салбар сургууль
  • Инженерийн салбар сургууль
  • Эрүүл мэндийн салбар сургууль
  • Хүмүүнлэгийн ухааны салбар сургууль
  • Мэдээлэл зүйн салбар сургууль
  • Хууль зүйн салбар сургууль
  • Анагаах ухааны салбар сургууль
  • Хөгжимийн салбар сургууль
  • Эм зүйн салбар сургууль
  • Нийгмийн эрүүл мэндийн салбар сургууль
  • Шинжлэх ухаан, технологийн салбар сургууль

University of Amsterdam

Нийтэлсэн: |

Амстердам Их Сургууль нь Нидерланд улсын хамгийн том их сургууль бөгөөд маш өргөн хүрээ бүхий сургалтын хөтөлбөрүүдийг санал болгодог. Тус сургуульд 30,000 оюутан, 6,000 ажилтан, 3,000 Докторын зэрэгт дэвшигчид өөрсдийн сонирхолоор холбогдож төрөл бүрийн салбарт суралцаж, ажиллаж байна. 1632 онд нийтийн захиргаагаар байгуулагдаж хожим нь Амстердам хотын нэрээр нэрлэгдсэн Амстердам Их Сургууль нь Нидерланд улсын гурав дахь хамгийн эртний сургууль юм. Элсэгчдийн тоогоороо Недерланд улсад хамгийн өндөрт ордог. Сургуулийн гол кампус нь Амстердам хотын төвд байрладаг ба хэд хэдэн салбар сургууль нь хөрш хотуудад байрладаг. Амстердамын Их Сургууль нь долоон салбар сургуульд хуваагддаг. Үүнд: Хүмүүнлэгийн ухааны сургууль, Нийгмийн ухаан ба Зан байдлын шинжлэх ухааны сургууль, Эдийн засаг ба Бизнесийн сургууль, Шинжлэх ухааны сургууль, Хууль зүйн сургууль, Анагаах ухааны сургууль, Нүүр ам судлалын сургууль нар орно.

Их сургуулийн Кампус

Амстердам Их Сургууль нь сургууль, хот хоёрыг хооронд нь холбосон нээлттэй дөрвөн кампустай. Тус сургууль нь энэхүү дөрвөн кампусаа үргэлж хөгжүүлж, шинэчилж байдаг бөгөөд хоттой холбогдсон учир харилцаа солилцоо, хамтын ажиллагааны олон боломжуудыг бий болгодог.

Их Сургуулийн гол кампус

Тус кампус-д Хүмүүнлэгийн ухааны сургууль болон сургуулын номын сан байрладаг ба энэ нь Амстердам хотын оюуны төв цэг юм.

Roeterseiland Кампус

Эдийн засаг ба Бизнес, Нийгмийн ухаан ба зан үйлийн шинжлэх ухаан, Хууль зүйн сургууль гэсэн гурван салбар сургууль Roeterseiland Campus-д байрладаг. Мөн оюутны соёлын байгууллага CREA тус кампус-д байрладаг байна.

Амстердам шинжлэх ухааны парк

Европ дахь шинжлэх ухааны томоохон кампусуудын нэг, Амстердам Шинжлэх Ухааны Парк нь судалгааны инноваци зориулагдсан, хувиараа бизнес эрхлэгчдэд олон боломжийг бий болгодог гайхалтай төв юм. Эрдэм шинжилгээний томоохон байгууллагууд, ойролцоогоор 120 орчим компаны хамт тус кампус-д байрлалтай. Амстердам Шинжлэх ухааны Парк-д Их Сургуулийн Спорт төв, Амстердам Их Сургуулийн коллежи оршидог.

Amsterdam UMC

Амстердам UMC-д Их сургуулийн эмнэлэг байрладаг ба эмнэлэгийн сургалт явагддаг бөгөөд анагаах ухааны сургуулийн оюутнууд жинхэнэ эмч, сувилагч, өвчтнүүдийн хажууд өөрсдийн мэргэжлийг газар дээр нь эзэмшиж, туршлагажих боломжийг олж авдаг.

Номын сан

Амстердам Их Сургуулийн төв номын сан нь ойролцоогоор 4 сая гаруй номтой. Үүнээс гадна салбар сургууль тус бүр нь өөрсдийн гэсэн номын сантай аж. Их сургуулийн төв номын сан нь хотын төвд байрлалтай бөгөөд 4 сая ном, 70,000 гар бичмэл, 500,000 захиа, 125,000 газрын зураг болон ховор, нандин эхүүдийн цуглуулга, Еврейчүүдийн түүх соёлын талаархи Bibliotheca Rosenthaliana зэрэг маш олон үнэ цэнэтэй тусгай цуглуулгатай байна. Оюутнуудад зориулсан чимээгүй уншлагын 3 их танхимтай. Амстердам хотын төвд төв номын сангаас гадна салбар сургуулиудын 70 номын сан байрладаг бөгөөд Их Сургуулын Хэвлэлийн алба нь 1400 гаруй хэвлэлийг Англи, Голланд хэл дээр хэвлэжээ.

Музей

Номын сангуудаас гадна Амстердам Их Сургуульд 5 музей байдаг. Эдгээр нь: Манай эрний өмнөх 4000-аас манай эрний 500 он хүртэлхи эртний Египт, эртний Грек, Ойрхи Дорнод, Төв Италийн эртний эдлэлүүдийг хадгалдаг Allard Pierson музей. Амстердам Их Сургуулийн 1632 оноос өнөөг хүртэлхи түүхийг харуулсан Их Сургуулийн музей. Анатоми, амьтан судлал, тератологийн дээжүүдийг агуулсан Vrolik музей.  Манай эрний өмнөх 3000 оноос өнөөдрийг хүртэлхи барууны бичиг үсгийн түүхийг харуулсан The J.A. Dortmond-ийн Бичиг соёлын музей. Компьютер үүсэж хөгжөхөөс өмнө тоцооллыг хэрхэн хийдэг байсан талаар, Компьютер хамгийн анх хэрхэн ажилладаг байсан талаар харуулсан Амстердам Их Сургуулийн Компьютерийн музей. Хясаа, шавж, сүүн тэжээлтэн, шувуу, загас болон бусад шинжлэх ухааны судалгаанд ашиглагддаг амьтдын сая гаруй цуглуулгыг агуулсан Амстердамын амьтан судлалын музей нар юм.

Судалгааны салбарууд

Амстердам Их Сургууль нь нэгдүгээр зэрэглэлийн судалгааний их сургууль ба энэхүү байр сууриа хадгалахын тулд тус сургууль нь 20 сонгосон салбар дээр төвлөрч, идэвхитэй үйл ажиллагаа явуулдаг. Үүнд:

  • Зан төлөвийн эдийн засаг
  • Тархи ба Танин мэдэхүй
  • Зүрх судасны өвчин
  • Харилцаа холбоо
  • Компанийн засаглал
  • Соёлын өв ба өвөрмөц байдал
  • Соёлын өөрчлөлт ба даяарчлал
  • Европын судлал
  • Дэлхийн Эрүүл мэнд ба хөгжил
  • Гравитаци ба Астропартикл физик Амстердам (GRAPPA)
  • Хиймэл оюун ухаан
  • Халдвар ба дархлаа
  • Мэдээллийн хууль
  • Бодисын солилцооны өвчин
  • Амны хөндийн халдвар ба үрэвсэл
  • Амны хөндийн нөхөн сэргээх анагаах ухаан (биоининераци)
  • Хувийн ба олон нийтийн Европын хууль
  • Квант маттер & Квант мэдээлэл
  • Тогтвортой хими
  • Системийн биологи
  • Олон улсын хууль тогтоомж
  • Хот судлал
Амжилтуудаас
  • Амстердам Их Сургуулиас 6 нобелийн шагналтан, Недерланд улсын 5 ерөнхий сайд төрсөн
  • 2014 онд тус сургууль нь QS дэлхийн их сургуулиудын эрэмбийг тодорхойлдог жагсаалтаар дэлхийд 50 дугаарт, Европ-д 15т, Недерланд улсад 1-т жагссан байна.
  • Амстердам Их сургууль нь 2011 онд хэл шинжлэл, социологи, философи, газар зүй, шинжлэх ухаан, эдийн засаг ба математикийн эдийн засаг, нягтлан бодох бүртгэл ба санхүү гэсэн салбаруудаар дэлхийд эхний 50-д орсон байна.
Амстердамд хот, Аммтердамын Их сургуулийг сонгох шалтгаан
  • 100 гаруй орноос ирсэн 5000 олон улсын оюутан, судлаачтай.
  • Нийт оюутны 12 хувь нь олон улсаас ирсэн.
  • Олон улсын эрчимтэй судалгааны их сургуулиудын сүлжээ болох LERU болон U21 сүлжээний гишүүн.
  • Амстердам бизнесийн сургууль нь гурван титэмтэй бөгөөд энэ нь дэлхийн бизнесийн сургуулиудын эхний 1%-д ордог гэсэн үг юм.
  • Сургалтын хөтөлбөр, судалгааны төсөл, солилцооны хөтөлбөрүүдийг сайжруулахад хувь нэмэр оруулдаг 50 орны 250 гаруй түнш боловсролын байгууллагатай.
  • Недерланд оронд мэргэжлийн бизнесийн болосврол олгож эхэлсэн хамгийн эртний боловсролын байгууллагуудын нэг.
  • Амстердам Их Сургууль нь өргөн хүрээний олон улсын байгууллагуудтай хамтран ажилладаг бөгөөд энэ нь оюутнуудыг дадлагаар явуулах, туршлага олж авах, өөрийнхөө боломжийг бүрэн дүүрэн нээхэд тусладаг бөгөөд төгсөгчдийг ажлын байраар мөн хангадаг.
  • Олон улсын байгууллагад Амстердам Их Сургуулийн төгсөгчид 15-30% илүү цалинтай ажилладаг.
  • Гол хамтран ажилладаг байгууллагуудаас дурьдвал:
  • IDEXX, NIKE, DELL, Microsoft, GE, Atradius, Walt Disney Company, Google, TomTom, Adyen, ABN, Amro, Deutsche Bank нар болно.
  • Амстердам нь Европын хамгийн аюулгүй хотын нэг.
  • Ван Гог-ийн музей, Рижкс музей, Хааны ордон зэрэг сэтгэл татахуйц өргөн хүрээний соёлын байгууламжтай.
  • Амстердам хот нь дэлхийн амьдрахад хамгийн аюулгүй 6 дахь хот.
  • Амстердам хотын төвөөс 8км-ийн дотор 30 гаруй үзэх газартай.
  • 800,000 хүн амтай 80 гаруй үндэстэнтэй Амстердам хот нь дэлхийн аль ч хоттой харьцуулсан хамгийн олон төрлийн үндэстэнтэй хот юм.
  • Их Сургуулын Спортын төв нь тэшүүрээр гулгах, теннис, айзамт гимнастик, усанд сэлэлт, бүжиг, голф зэрэг 70 гаруй спортын үйл ажиллагааг санал болгодог.
  • Амстердам хотын төвд 1000 гаруй ресторан байдаг.