Concordia University

Нийтэлсэн: |

Concordia University нь Канадын Монтрэлд байдаг улсын их сургууль юм. 1974 онд Loyola College болон Sir George Williams University нэгдэн Concordia University үүсэн байгуулагдан Quebec-н 3 их сургуулийн нэг болж байсан. 2014-2015 оны хичээлийн жилд их сургуулийн оюутны тоо 46378 хүрч их сургууль нь элсэгчдийнхээ тоогоор Канадын томоохон сургуулиудын тоонд багтах болсон. Их сургууль нь 4 факультет, бакалаврын дараах төвшний сургууль, олон салбар коллеж, төв, институттэй, 300 гаруй бакалаврын төвшний, 100 гаруй бакалаврын дараах төвшний хөтөлбөр, курсуудыг санал болгодог.

Concordia University-н John Molson бизнесийн сургууль нь Канадын шилдэг 10 бизнесийн сургуулийн тоонд багтахын зэрэгцээ дэлхий шилдэг 100 бизнесийн сургуулийн нэг юм. Мөн Concordia University сургалтын чанар, нэр хүндээрээ Канадад 7-д, Дэлхийд 229-р байранд тус тус бичигддэг. Дэлхийн их сургуулиудын QS жагсаалтаар Concordia нь боловсрол, англи хэл, уран зохиол, харилцаа холбоо-хэвлэл мэдээлэл судлал, нягтлан бодох бүртгэл, санхүү, хэл шинжлэл, сэтгэл судлал, иргэний болон бүтцийн инженерчлэлийн салбаруудад дэлхийд 200 их сургуулиас 151-т орсон. Bloomberg Business week-с их сургуулийн бизнесийн удирдлагын магистерийн хөтөлбөрийг Канадын их сургуулиудаас 5-т, дэлхийд 88-д эрэмбэлжээ.

Кампус

Их сургууль нь 2 кампустайгаас Sir George Williams кампус нь Montreal-н төвд байрладаг бол Loyola кампус нь Notre-Dame-de-Grâce-н дүүргийн баруун хэсэгт байрладаг.

Номын сан

Их сургууль нь 2 гол номын сантай. R.Howard Webster номын сан Sir George Williams кампусын J.W. McConnell барилгад байрладаг бол Georges P.Vanier кампус нь Loyola кампуст байдаг. Эдгээр номын сангууд нь Azrieli Holocaust Collection, Irving Layton Collection зэрэг тусгай ховор цуглуулгуудтай, Канадын судалгааны номын сангуудын холбооны гишүүний зэрэгцээ Европын судалгаа мэдлэгийн сүлжээтэй ойр хамтран ажилладаг.

Англи хэлний мэдлэгт тавигдах шаардлага

  • TOEFL: 90
  • IELTS: 6.5

New Vision University

Нийтэлсэн: |

Хүн төрөлхтний ухамсар, оюун санааг боловсрол, судалгаа, шинэчлэлийг дэмжих замаар  тэлэхэд  New Vision university-н эрхэм зорилго оршино. Иймдээ ч их сургууль нь хувь хүмүүсийг мэдлэг чадвараа нэмэгдүүлж түүнийгээ бусадтай хуваалцах, оршин буй нийгмийнхээ сайн сайханд өөрийн хувь нэмрийг оруулах талаас нь дэмжиж, урамшуулж байдаг. Мөн их сургууль нь нийгмийн үүрэг хариуцлагаа ухамсарлан нийгмийн бүх давхаргын оюутнуудад, угсаа гарал, хөрөнгө чинээ харгалзахгүйгээр боловсрол олгож, мэргэшүүлэхийг зорилгоо болгон ажилладаг.

Алсын хараа

Их сургууль нь нээлттэй, шинийг санаачилдаг, харилцан бие биедээ туслан хамтран ажилладаг орчинг бүрэлдүүлэн, оюутнуудыг дэмжиж үндэстэн болоод олон улсад хүрч үйлчлэхийг эрмэлздэг.  Боловсролын эрх тэгш хүртээмжтэй байдлыг дэмжих замаар оюутан төвтэй боловсролыг хөгжүүлэн оюутнуудад насан туршийн боловсролыг олгох зарчмыг тууштай баримтлан ажилладаг. Мөн их сургууль нь иргэний нийгмийн гишүүд, улс, аж үйлдвэрийн байгууллагуудтай хамтран ажиллаж энэхүү хамтын ажиллагааныхаа хүрээнд  мэдлэг боловсрол, шинэчлэлийг орон нутаг, тив дэлхийн хэмжээнд түгээн дэлгэрүүлэх чин эрмэлзэлтэй. Эдгээрээс гадна их сургуулийн эрхэм зорилгынхоо нэгээхэн хэсэг болгон баримтлан ажилладаг нэг зарчим бол байгаль экологид ээлтэй орчинг бүрдүүлэн байгаль орчны боловсролыг дэмжиж хүмүүсийн энэ талаарх ойлголтыг нэмэгдүүлэн, тэднийг байгаль орчноо хамгаалах тал дээр нэгдэн хамтран ажиллах талаас нь дэмжих явдал юм.