Боловсрол, Эрүүл мэнд, Анагаах ухааны сургууль

Инженерчлэл, Шинжлэх ухааны сургууль

Либерал Урлаг, Шинжлэх ухааны сургууль

Бизнесийн сургууль

Медвэй хотхонд байрлах их сургуулийн номын сан нь Кентийн их сургууль, Кентербери Кристийн сүмийн их сургуультай хамтран ажилладаг ба тус номын сан нь орон нутгийн бүх хүмүүст нээлттэй байдаг.

Их сургуулийн номын сан, компьютерийн лаборатори бүр нь долоо хоногийн долоон өдөр шөнийн 00 цаг хүртэл ажилладаг.

2020 оны байдлаар улсдаа:

Complete сэтгүүлийн жагсаалтаар – #90

Guardian сэтгүүлийн жагсаалтаар – #90

Times / Sunday Times  жагсаалтаар – #84

2020 оны байдлаар дэлхийд:

QS дэлхийн их сургуулиудын жагсаалтаар – #701-750

Times Higher Education жагсаалтаар – #601-800

De Montfort University Leicester (DMU) нь Английн Лестер хотод байрлах улсын их сургууль юм. Тус их сургууль нь Дээд боловсрол олгох тухай хуулийн дагуу 1992 байгуулагдсан ба ингэхдээ 1265 онд Английн анхны парламентыг байгуулсан гавьяат 13-р зууны Лестерийн гүн Эрик Симон де Монфортын нэрээр Де Монфортын их сургууль хэмээн нэрлэгдсэн байна. Боловсролын яамнаас 2017 оны заах ур чадварын хүрээний хүрээнд их дээд сургуулийг алтан үнэлгээгээр шагнасан юм. Мөн Дэ Монфорт их сургууль нь хамтын нөхөрлөлийн орнуудын их сургуулиудын холбооны гишүүн юм.

Их сургууль нь ажил мэргэжилтэй холбоотой ур чадварыг тэргүүнд онцолдог. Их сургуулийн олон сургалтын хөтөлбөрийг мэргэжлийн байгууллагууд баталдаг ба  сургалтын үйл явц нь өнөөгийн практик үйл ажиллагаатай уяалдан явдаг. Дэ Монфорт их сургууль нь бизнесийн өргөн цар хүрээтэй бөгөөд их сургуулийн оюутнууд BBC, NHS, HP, Deloitte зэрэг олон байгууллагуудтай хамтарч ажиллах боломжтой байдаг.

Урлаг, Дизайн, Хүмүүнлэгийн ухаан сургууль

Бизнес, Хууль Зүйн сургууль

Эрүүл мэнд, Анагаах ухааны сургууль

Комьпютер, Инженерчлэл, Хэвлэл Мэдээллийн сургууль

DMU-ийн кампус нь олон тооны дэлгүүр, кафе, шөнийн амьдрал хөгжсөн хотын төвөөс 5-хан минут алхаад хүрэх зайд байрладаг бол кампусын QEII чөлөөт цагаа өнгөрөөх төв нь хананд авирах, 25 метр усан сан, бүжгийн студи зэрэг маш олон төрлийн байгууламжтай.

Хичээлийн бус цагаар оюутнууд 140 гаруй клуб, нийгэмлэгээс сонгох боломжтой бөгөөд их сургууль нь оюутны хотхонд гутлын дизайнер Жимми Чоо, зохиолч Адель Паркс зэрэг өөрийн салбартаа тэргүүлэгч хүмүүсийг урьж лекц уншуулдаг байна.

DMU нь кампусын талбай, сургалтын өрөө, хоолны газрууд, оюутны холбоо, оюутны хотхоныг хүрээлсэн ногоон байгууламжийг сайжруулахад 136 сая фунт стерлингийн хөрөнгө оруулалт хийжээ.

2020 оны байдлаар улсдаа:

Complete сэтгүүлийн жагсаалтаар – #67

Guardian сэтгүүлийн жагсаалтаар – #61

Times / Sunday Times  жагсаалтаар – #67=

2020 оны байдлаар дэлхийд:

Times Higher Education жагсаалтаар – #601-800

Ланкастер их сургууль нь Английн Ланкаширийн Ланкастер дахь улсын, судалгааны их сургууль юм. Тус их сургууль нь анх 1947 онд Ланкастер хотод их сургууль байгуулах саналаар анх байгуулагдаж байсан бөгөөд анхны элсэлтээ 1964 онд авж байжээ. Ланкастер их сургууль нь анх хотын төвд байрлалтай байсан бол өнөөдөр хотын төвөөс 5км-ийн зайд үзэсгэлэнт 226 га хүрээлэнд байрлах болсон байна. Ланкастер их сургууль нь Их Британийн коллежийн системтэй цөөн хэдэн их сургуулийн нэг юм. Тус сургууль нь бакалаврын түвшний 8, бакалаврын дараах түвшний 1, нийт 9 коллеж-оос бүрдэх бөгөөд Их Британи улсын коллежийн системтэй цөөн хэдэн их сургуулийн нэг. Түүнчлэн тус сургууль нь судалгааны их сургуулиудын бүлэг болох N8 Group-ийн гишүүн бөгөөд дэлхийн олон улстай хамтарч ажилладаг нэр хүндтэй сургууль юм.

Bowland College

Cartmel College

County College

Furness College

Fylde College

Pendle College

Lonsdale College

Grizedale College

Graduate College

Их сургуулийн кампус нь Ланкастер хотын төвөөс 5 км-ийн зайд орших Байлригг-д орших бөгөөд 226 га талбайтай үзэсгэлэнтэй цэцэрлэгт хүрээлэнд байрлана. Кампус дээр их сургуулийн коллеж, номын сан, хичээлийн байрнууд байрлахаас гадна кампус нь банк, дэлгүүр, кафе, зоогийн газар, бар, эрүүл мэндийн төв, спорт цогцолбор зэрэг оюутан, багш ажилчидад шаардлагатай бүхий л зүйлийг багтаах бөгөөд энэ нь кампусыг жижиг хот мэт санагдуулам аж. Түүнчлэн кампус дээр их сургуулийн эзэмшлийн театр, урлагийн галлери зэрэг байдаг ба их сургуулийн  The Nuffield театр нь Европ дахь хамгийн том театруудын нэг юм.

2020 оны байдлаар улсдаа:

Complete сэтгүүлийн жагсаалтаар – #7

Guardian сэтгүүлийн жагсаалтаар – #7

Times / Sunday Times  жагсаалтаар – #9

2020 оны байдлаар дэлхийд:

Academic Ranking of World Universities (ARWU)  – 301-400

QS дэлхийн их сургуулиудын жагсаалтаар – 128

Times Higher Education жагсаалтаар – 139=

Хертфордширын их сургууль (UOH) нь Их Британийн Хертфордшир-д байрладаг улсын их сургууль юм. Тус их сургууль нь Хертфордширын Хэтфилд хотод байрладаг. Анх 1948 онд Хэтфилд техникийн коллеж нэртэйгээр байгуулагдаж байсан бөгөөд 1959 онд Их Британи улсын технологийн шилдэг 25 коллежийн нэгээр шалгарч байсан. Дараагаар нь 1992 онд тус сургуулийг Их Британи улсын засгийн газраас албан ёсоор их сургууль болгон өргөмжилж Хертфордширын их сургууль хэмээн нэртэй болсон байна.

Бизнесийн сургууль

Урлагийн сургууль

Боловсролын сургууль

Инженерчлэл, Комьпютерийн шинжлэх ухааны сургууль

Эрүүл мэндийн сургууль

Хүмүүнлэгийн ухааны сургууль

Хуулийн сургууль

Хөдөө аж ахуй, анагаах ухааны сургууль

Физик, одон орон судлал, математикийн шинжлэх ухааны сургууль

College lane campus: College lane campus нь их сургуулийн үндсэн кампус бөгөөд шинжлэх ухаан, урлагийн чиглэлийн сургалтын хөтөлбөрүүд явагддаг. Тус кампус дээр Инженерчлэл, Комьпютерийн шинжлэх ухаан, Хөдөө аж ахуй, анагаах ухаан, Эрүүл мэнд, Физик, одон орон судлал, математикийн шинжлэх ухааны сургуулиуд байрлана. Мөн тус кампус дээр их сургуулийн дийлэнх оюутны үйлчилгээ, олон улсын оюутнуудын төвүүд оршдог байна.

De Havilland Campus: De Havilland Campus дээр Бизнес, Боловсрол, Хүмүүнлэгийн ухаан, Хуулийн сургуулиуд байрлаж үйл ажиллагаагаа явуулдаг. Түүнчлэн тус кампус дээр хамгийн орчин үеийн техник, технологи бүхий спорт төв, урлагийн танхим байрладаг байна.

Техник, технологи, оюутан багш нарт шаардлагатай байгууламж бүхий өргөн зайтай, тавв тухтай их сургуулийн номын сан нь 900,000 гаруй хэвлэмэл ном, 490,000 гаруй цахим ном, 40,000 нийтлэл, судалгааны ажлыг агуулдаг байна.

2020 оны байдлаар улсдаа:

Complete сэтгүүлийн жагсаалтаар – #74

Guardian сэтгүүлийн жагсаалтаар – #90

Times / Sunday Times  жагсаалтаар – #89

2020 оны байдлаар дэлхийд:

Academic Ranking of World Universities (ARWU)  – 901-1000

QS дэлхийн их сургуулиудын жагсаалтаар – 751-800

Times Higher Education жагсаалтаар – 600-800

Уэльсийн Тринити Сэйнт Дэвидийн их сургууль (UWSTD) нь 2010 онд байгуулагдсан Свансий хотод төвтэй олон кампуст их сургууль юм. Тус сургууль нь Уэльс дахь хамгийн эртний 2  дээд боловсролын байгууллага болох Уэльсийн их сургууль, Тринити их сургууль хоёр нэгдэснээр 2010 онд үүсгэн байгуулагдаж байсан ба үүнээс гадна 2013 онд Сванси хотын Их сургуультай нэгдсэн байна. Сургуулийн гол кампусууд нь Свансий хотын төв, Баруун өмнөд Уэльсийн Лэмпетер болон Кармартен хот, Лондон хотноо оршдог.

Их сургууль нь Багшийн сургалт, Археологи, Инженерчлэлийн чиглэлээр олон жилийн түүхтэй бөгөөд инноваци, мэдлэг, чадвар дээр суурилсан сургалтын төлөвлөгөөг ашигладгаараа онцлог. Уэльсийн Тринити Сэйнт Дэвидийн их сургууль нь Таймс Дээд Боловсролын агентлагаас гаргасан 2019 оны оюутны сэтгэл ханамжийн судалгаагаар Их Британи улсдаа 20-д жагссан бөгөөд Уэльс хотдоо хамгийн өндөр түвшний багш ажилчидтай сургуулиар шалгарсан байна.

Үзэсгэлэнт Лампетер кампус нь сургалтын байр, оюутны дотуур байр, судалгааны төв, хүрээлэнгүүдээс бүрдэнэ. 1822 онд үүссэн тус кампус нь сургалт, судалгааны 200 жилийн түүхийг агуулдаг бөгөөд сургалт явуулах, сурч боловсрох маш тохиромжтой орчныг бүрдүүлдэг. Лампетер кампус нь оюун ухаанаа тэлэх, шинээр сурч, боловсрох урам зориг төрүүлэх шинэлэг кампус юм.

Боловсрол дээр суурилсан тус кампус дээр спорт, эрүүл мэнд, хоол тэжээл, шашин шүтлэг, ислам шашны судлал, сэтгэл зүй, урлаг, гэрэл зураг, кино урлаг, жүжиг, бизнес зэрэг олон чиглэлийн сургалт явуулдаг. 1848 онд байгуулагдсан Кармартен хотхон нь төвлөрсөн, найрсаг орчин юм. Түүхэн Кармартен хот нь кампусаас богино зайд оршдог бөгөөд төрөл бүрийн дэлгүүр, амралт чөлөөт цагаа өнгөрөөх байгууламжтай ба далайн эрэг, цэцэрлэгт хүрээлэнтэй.

Свансий хотын төвд орших их сургуулийн кампус нь шинэлэг, үйлдвэрлэл дээр тогтсон, карьер-т суурилсан сургалтын хөтөлбөрүүдийг явуулдгаараа алдартай. Их сургууль нь Свансий хотын төвд байрласан 3 хотхонтой. Үүнд:

Диневор ба Алекс | Свансий урлагийн коллеж UWTSD
SA1 Уатэр Пронт
Свансий бизнесийн сургууль

Бүх хотхонууд нь хамгийн орчин үеийн техник технологи бүхий сургалтын байр, төвүүдтэй бөгөөд бүгд хотын төвтэй ойр.

Их сургууль нь кампус тус бүр дээр номын сантай бөгөөд номын сан тус бүр нь бүх оюутан, ажилтан, судлаачдыг өндөр чанартай үйлчилгээ, сургалтын нөөц, мэдээллээр хангахыг зорьж ажилладаг. Их сургуулийн номын сангууд нь бүгд нийлээд нийт 1,000,000 гаруй материалыг агуулах ба номын сангийн тусгай цугуулгад их сургуулийн хамгийн анхны хэвлэлийн ном, гар бичмэл, архивууд ордог бөгөөд үүнд 35,000 гаруй хэвлэмэл материал, дундад зууны үеийн 8 гар бичмэл, дундад зууны дараах үеийн 100 гаруй гар бичмэл ордог байна.

2020 оны байдлаар улсдаа:

• Complete сэтгүүлийн жагсаалтаар – #102
• Guardian сэтгүүлийн жагсаалтаар – #57
• Times / Sunday Times  жагсаалтаар – #89

2020 онд Complete сэтгүүлийн жагсаалтаар их сургууль нь Их Британи улсдаа:

• Оюутны сэтгэл ханамжаар – #8
• Урлаг, Дизайны хөтөлбөрөөр – #21
• Антропологийн хөтөлбөрийн оюутны сэтгэл ханамжаар – #5
• Барилгын инженерчлэлийн хөтөлбөрийн оюутны сэтгэл ханамжаар – #7
• Сэтгэл судлалын хөтөлбөрийн оюутны сэтгэл ханамжаар – #4

2020 онд Guardian сэтгүүлийн жагсаалтаар их сургууль нь Их Британи улсдаа:

• Оюутны сэтгэл ханамжаар – #8
• Урлагийн хөтөлбөрөөр – #8
• Хувцасны загвар, нэхмэл эдлэлийн хөтөлбөрөөр – #1
• Дизайн, урлалын хөтөлбөрөөр – #7
• Бизнес, Менежмент, Маркетингийн хөтөлбөрийн оюутны сэтгэл ханамжаар – #1

Сванси хотын төвд байрлах 350 сая фунтын хөрөнгө оруулалтаар шинэчлэлт хийсэн кампус нь олон улсын оюутнуудад сурч боловсрох хамгийн тухтай, орчин үеийн, аюулгүй сурах орчин юм.

Carmarthen, Lampeter, Swansea хотуудад үндсэн кампусуудтайгаас гадна Лондон хотын төвд кампустай.

Нэг ангийн оюутны дундаж хэмжээ бага – Их сургууль нэг ангийн оюутны тоо бага гэдгээр Их Британи улсдаа #4 ордог бөгөөд энэ нь их сургуулийн багш ажилчидтай илүү ойр дотно, сайн харилцаа тогтоох боломжийг олгодог.

Үйлдвэрлэлд суурилсан тус Их сургууль нь маш олон байгууллагатай харилцаатай байдаг тул оюутнууд төгсөөд ажлын байртай болох боломж өндөр – Их сургуулийн оюутнуудын 96.8 хувь нь төгссөнөөс хойш 6 сарын дотор ажлын байртай болдог.

Архитектор, Урлаг, Дизайн, Бизнес, Инженерчлэл, Хэл шинжлэл гээд нийт 300 гаруй хөтөлбөрийн сургалт явуулдаг.

Олон улсын оюутнуудад зориулсан өргөн хүрээг хамарсан сургалтын хөтөлбөрүүд, Англи хэлний курсуудыг санал болгодог уг боловсролын төв нь 2013 онд байгуулагдсан. INTO London нь таныг Их Британи болон Европын шилдэг их сургуулиудад элсэн суралцах гүүр болж өгдөг ба тус сургууль нь олон улсын оюутнуудад зориулсан, шилдэг их сургуулиудад хүлээн зөвшөөрөгдсөн мянга гаруй мэргэжлийн суурь хөтөлбөрийг санал болгодог.

INTO London сургуулийн байгууламж нь:

• 29 сургалтын танхим, 3 лекцийн заал, 9 хувийн сургалтын танхим
• Урлаг, дизайны ангийн сурагчдад зориулсан орчин үеийн студи
• Сургуулийн кафе
• Сургалтын материалын нөөцийн төв
• Онлайн сургалтын орчин зэргээс бүрдэнэ.

Сургалтын материалын нөөцийн төв:

Тус төв нь сургуулийн нэгдүгээр давхарт байрлах бөгөөд сургалтын ном, сэтгүүл, сонин, нийтлэл, дуу бичлэг зэргийг агуулах номын сан болон тав тухтай хичээлээ хийх зайгаар хангадаг.

Урлаг, Дизайны студи:

Урлаг, дизайны чиглэлээр суралцаж буй сурагчдад зориулсан тус студи нь хамгийн орчин үеийн бүхий л технологиудаар хангагдсан бөгөөд сурагчдыг өөрийн уран сэтгэмжээ ашиглаж өөрийгөө хөгжүүлж, бүтээлээ гаргах бүх боломжоор хангаж өгдөг байна.

Сургуулийн кафе:

Сургуулийн 3 давхарт байрлах тав тухтай кафе нь сурагчдад зориулсан эрүүл, амин дэмээр баялаг өглөөний цай болон өдрийн хоолоор үйлчилдэг.

Их сургуулийн хамтран ажилладаг 16 их сургууль нь:

1. Aston University
2. Kingston University London
3. Leeds Beckett University
4. Liverpool John Moores
5. Mancheseter Metropolitan
6. Queen Mary, University of London
7. Sheffield Hallam University
8. University of Manchester
9. University of Birmingham
10. University of Bradford
11. University of Bristol
12. University of Huddersfield
13. University of Kent
14. University of Leeds
15. University of Salford
16. University of Sheffield

Нортхэмптоны их сургууль нь Английн Нортхэмптон дахь улсын их сургууль юм. Тус сургууль нь 1999 онд хэд хэдэн сургалтын коллежийг нэгтгэсний үр дүнд байгуулагдсан бөгөөд 2005 онд Нортхэмптонын их сургууль болсон.

Нортхэмптоны их сургуулийн зорилго нь амьдралыг өөрчлөх, өөрчлөлтийг өдөөх бөгөөд оюутныг  Их Сургуульд цаг заваа үр бүтээлтэй, сэтгэл хангалуун, зугаатай өнгрүүлэх боломжоор бүрэн хангах юм. Тус сургууль нь бодит амьдралтай холбоотой хичээлүүдийг, цоо шинэ кампус дээр явуулдаг ба   оюутнуудыг  амьдралын чухал үе шатандаа шаардлагатай бүх дэмжлэгийг авах боломжийг бүрдүүлэхэд анхаарч ажилладаг. Технологийн хамгийн сүүлийн үеийн дэвшилтүүдийг ашиглан ангид хичээллэх нь оюутнуудад суралцах илүү уян хатан аргыг бий болгодог. Нортхэмптон нь нийгэмд нөлөөлөх өвөрмөц зорилготой ба ажилтнууд болон оюутнуудыг дэмжиж дэлхий ертөнцөд эерэг нөлөө үзүүлэхээр хичээж ажилладаг. Хичээл, хичээлээс гадуурх үйл ажиллагаа нь хүн бүр нийгэмд эерэг нөлөө үзүүлэх хүч чадалтай гэсэн ойлголтыг сурталчлах загвартай байдаг байна.

Тус их сургууль нь гурван газартай. Хотын төвийн хойд тайлд байрлах Avenue Campus, 2018 оны 9-р сард нээгдсэн тус сургуулийн гол кампус боолох Уотерсайд, Нортхэмптоны төмөр замын буудлын эсрэг талд байрлах Инновацийн төв.

Шинэ кампус Уотерсайд нь Нортхемптон хотын төвөөс хэдхэн минутын зайд байрладаг. Тус кампус нь заах, суралцах шинэ арга барил, эрдэм шинжилгээний мэдлэг, амьдралын чадварыг хөгжүүлэх маш сайн боломжуудыг бий болгохоор тусгайлан барьсан кампус юм. Сургалт нь семинар эсвэл дадлага гэсэн хоёр аргаар явагдах бөгөөд энэ нь оюутнууд болон ажилтнуудын хоорондын ойр дотно харилцааг дэмжиж, оюутнуудыг асуулт асуух, санал бодлоо солилцох, багаар ажиллах чадвараа хөгжүүлэх, нарийвчилсан санал хүсэлтийг авах боломжийг олгодог.

Оюутны дотуур байр нь сургалтын байгууламжуудаас ердөө хэдхэн метрийн зайд байрлана. Оюутнууд өөрсдийн сонголтоор боломжит байрнуудаас сонгон орох боломжтой бөгөөд их сургууль нь дан ганц кампус дээр бус кампусын гадна өргөн хүрээний дотуур байрны сонголтыг оюутнуудад олгодог.

Номын сан нь хэвлэмэл, цахим, олон төрлийн сургалтын нөөцийг бүрдүүлж өгдөг ба хамгийн дэвшилтэт технологиос бүрдсэн уян хатан сургалтын орчин буюу ганцаарчилсан танхим, уншлагын танхим, багаар ажиллах танхим зэргээр хангадаг. Сургалтын хөгжилийн баг нь оюутнуудад эссэ, диссертаци бичих, шүүмжлэлтэй дүн шинжилгээ хийх, илтгэл, математик, статистик зэрэг эрдэм шинжилгээний чадвараа хөгжүүлэхэд үргэлж туслаж ажилладаг.

2020 оны байдлаар улсдаа:

Complete сэтгүүлийн жагсаалтаар – #110

Guardian сэтгүүлийн жагсаалтаар – #93

Times / Sunday Times  жагсаалтаар – #97

Ньюкаслийн их сургууль (албан ёсоор Тайн дахь Ньюкасл Их Сургууль) нь Английн зүүн хойд хэсэгт байрлах Ньюкасл хотод байрлах улсын, судалгааны сургууль юм. Их сургууль нь 1834 онд байгуулагдсан Анагаах ухаан, мэс заслын сургууль (хожим нь Анагаах Ухааны коллеж нэртэй болсон), 1871 онд байгуулагдсан Физик, Шинжлэх Ухааны Коллеж (хожим Армстронг Коллеж нэртэй болсон) зэрэг сургуулиудаас үүсэлтэй.

Тус их сургууль нь улаан тоосгон их сургуулиуд буюу 19 дүгээр зууны үед байгуулагдаж байсан Английн анхны 9 иргэний сургуулийн нэг бөгөөд, судалгааны алдарт Рассел Группын гишүүн юм.

Их сургууль нь 24 тэнхим, 40 судалгааны хүрээлэнгээр дамжуулж сургалт, судалгааны хөтөлбөрөө явуулдаг бөгөөд бакалаврын түвшний 175, бакалаврын дараах түвшний сургалт судалгааны 340 хөтөлбөрийг санал болгодог. Ньюкаслийн их сургууль нь Сургалтын ур чадварын хүрээний (TEF) алтан үнэлгээг хүртсэн бөгөөд Расселл Группийн найман их сургуулиас одоогоор TEF алтан үнэлгээг хүртсэн цорын ганц сургууль юм.

Хүмүүнлэгийн ухаан, нийгмийн ухааны сургууль

Шинжлэх ухаан, аж ахуй, инженерчлэлийн сургууль 

Анагаах ухааны сургууль 

Ньюкасл хотын төвд байрлах 20 га талбайтай кампус нь их сургуулийн сургалт, судалгаа, хамтын ажиллагааны төв юм. Кампус дээр инноваци, судалгаа шинжилгээ, сургалтын байгууламжууд оршино. Мөн кампус дээр оюутан, багш ажилчидад зориулсан номын сан, биеийн тамир, спортын заал зэрэг байрлана. Оюутны дотуур байр нь кампусаас ердөө 10 минутын зайд байдаг бөгөөд кампус нь хотын төвөөс 2 минут ахлах зайд байрладаг.

Ньюкасл их сургуулийн номын сан нь дараах хэсгээс бүрдэнэ:

• Гол номын сан болох Филип Робинсоны номын сан нь урлаг, хүмүүнлэг, нийгмийн шинжлэх ухаан, шинжлэх ухаан ба инженерчлэл, хөдөө аж ахуй, боловсрол, сэтгэл судлалын чиглэлээр цуглуулгуудыг агуулна
• Анагаах ухааны сургуульд байрлах Уолтон номын сан нь анагаах ухаан, нүүр ам судлал, био анагаахын шинжлэх ухааны чиглэлийн нөөцөөр хангадаг.
• Хууль зүйн сургуульд байрладаг Хуулийн номын сан нь өргөн хүрээний хууль зүйн материалыг санал болгоно.

Сургуулийн номын сан нь нийт 1,000,000 гаруй ном зохиол 200,000 гаруй тогтмол хэвлэлийг агуулдаг ба Их Британийн Charter Mark шагналыг дараалан таван удаа хүртсэн цорын ганц номын сан юм.

2020 оны байдлаар улсдаа:

Complete сэтгүүлийн жагсаалтаар – #22

Guardian сэтгүүлийн жагсаалтаар – #27

Times / Sunday Times  жагсаалтаар – #21

2020 оны байдлаар дэлхийд:

Times Higher Education сэтгүүлийн жагсаалтаар – #141

QS Дэлхийн их сургуулиудын жагсаалтаар – #171

БАЙРШИЛ

Манай кампус нь орчин үеийн хотын төвд түүх, урлаг, спорт, дэлгүүр, ресторан болон маш олон хийх  зүйлсээр хүрээлэгдэн оршдог.

ОЛОН УЛСЫН

Ньюкасл-д та олон улсын холбоог үүсгэнэ. Манай сургууль нь 146 орны 28,000 оюутны гэр бөгөөд дэлхий даяар нийт 280,000 төгсөгчтэй.

СУРАГЧДАД ЭЭЛТЭЙ

Ньюкасл хот нь нээлттэй, аюулгүй хот бөгөөд оршин суугчдын 6 хүн тутмын 1 нь оюутан байдаг жинхэнэ оюутны хот юм.

СУДАЛГАА

Ньюкасл их сургуулийн судалгаа нь олон жилийн түүхтэй бөгөөд их сургууль нь судалгааны ажлаараа дамжуулан дэлхий дахинд нөлөөлж хүмүүсийн амьдралыг сайжруулах эрхэм зорилготой ажилладаг.

СУРГАЛТ

Манай уян хатан, дэмжлэгтэй сургалтын хөтөлбөр болон орчин үеийн эрч хүчтэй сургалтын орчин нь таныг өөрийгөө сорьж, сонирхолоо нээх боломжийг олгоно.

Расселл группын үүсгэн байгуулагч гишүүн болох Ньюкаслийн их сургууль нь 180 гаруй жилийн эрдэм шинжилгээ, сургалтын хөтөлбөрийн бахархалт уламжлалтай. Их сургуулийн Лондонгийн хотхон нь бизнес, санхүү, худалдааны дэлхийн төв болох Лондон хотод Ньюкаслийн их сургуулийн хамгийн шилдэг бүхнийг хүргэх болно.

Ньюкасл Лондон нь Ньюкаслийн их сургуулийн магадлан итгэмжлэгдсэн (AACSB, AMBA, EQUIS) Бизнесийн сургуулийн, Лондонгийн зах зээлд зориулан боловсруулсан бакалавр ба бакалаврын дараах түвшний бизнесийн хөтөлбөрүүдийг санал болгодог.

Лондонгийн кампус нь олон улсын оюутнуудад зориулсан их дээд сургуулийн бэлтгэл хөтөлбөрийг санал болгодог. Тус кампус нь дэлхийн өнцөг булан бүрийн технологийн болон гарааны бизнесийн компаниудын байрладаг Shorditch бизнесийн төв, алдарт Square Mile-ийн хооронд байрлана. Амьдрах, сурах урам зориг өгдөг газар болох Лондонгийн төв байршил нь оюутнуудад дэлхийн хамгийн олон янзын, өргөн уудам соёл, тав тух, боломжуудыг хялбархан олж авах талбарыг бий болгодог байна.

British School of Marketing International нь бизнес, маркетингийн чиглэлээр мэргэшсэн сургууль бөгөөд Их Британийн их дээд сургуулиудад ороход зориулсан суурь хөтөлбөр, бизнесийн болон маркетингийн чиглэлээр мэргэшсэн мэргэжлүүд, карьерийн хөтөлбөрүүд, англи хэлний сургалтуудыг явуулдаг. Тус сургууль нь Их Британийн их дээд сургуулиудтай нягт харилцаатай байдаг бөгөөд сургуулийнхаа оюутнуудыг Их Британийн их сургуулиуд-руу орох боломжийг олгодог. Британийн Маркетингийн сургууль нь залуу, эрч хүчтэй сургууль ба тайван, тав тухтай уур амьсгалтай тус сургууль нь сурагчдаа суралцах хугацаанд сайхан дурсамжтай өнгрүүлэх талаас нь төрөл бүрээр дэмждэг. Тус сургуулийг Британийн зөвлөлөөс тогтмол шалгаж, англи хэлийг заах магадлан итгэмжлэгдсэн стандардыг үргэлж хангаж ажилладаг. BSMI нь оюутнуудын карьерт чиглэсэн хөтөлбөрүүдийг санал болгодог бөгөөд англи хэлийг сайжруулах, мэргэжлийн ур чадварыг дээшлүүлэх маш олон дадлагажих хөтөлбөрүүдийг санал болгодог. Британийн Маркетингийн сургууль нь Борнмут хотын төвд байрладаг.

Борнмут хот нь олон арван жилийн турш олон улсын оюутнуудыг угтаж ирсэн далайн эргийн эрч хүчтэй хот юм. BSMI нь Борнмутын төв цэцэрлэгт далайн элсэн эргээс 1 км-ийн зайд байрладаг. Сургуулиас алхах зайнд кино театрууд, дэлгүүрүүд, театр, спорт заал, дотоодын автобусны буудлууд тааралдана. Борнмутын наран шарлагын газар цэвэр элс, усаараа олон шагнал хүртсэн. Борнмут Лондон хотоос галт тэрэг, машинаар ойролцоогоор хоёр цагийн зайтай байдаг бөгөөд Оксфорд, Бестертер тосгонуудтай адил зайнд байдаг.

BSMI нь коллежид, гэрт эсвэл коллежийн зохион байгуулж буй үйл ажиллагааны үеэр сурагчид, оюутнууд, ялангуяа 18-аас доош насны хүүхдүүдийг коллежийн амьдралын бүхий л салбарт аюулгүй байлгах үүрэгтэй. Биеийн тамир, спорт, сургалтын чиглэлээр үйл ажиллагаа явуулдаг бүх удирдлага, ажилтан, ажилчдыг бүгдийг нь аюулгүй байдлын сургалтанд хамруулдаг. Бүх ажилтнууд, багш нар болон хүлээн авагч гэр бүлүүд оюутнуудтай ажиллах эсвэл хүлээн авахаас өмнө DBS гэрчилгээ авсан байх ёстой ба энэхүү гэрчилгээг 1-3 жил тутамд шинэчилдэг. BSMI нь оюутнуудынхаа сайн сайхан байдал, аюулгүй байдалд тогтмол хяналт тавьдаг бөгөөд аливаа асуудлыг шаардлагатай бол холбогдох байгууллагад хандан аль болох эрт шийдвэрлэж өгдөг. Долоо хоногт нэг удаа хамгаалалтын ажилтан 18-аас доош насныхантай уулзаж, бүх зүйл хэвийн байгаа эсэхийг шалгаж, тулгарч буй аливаа асуудлыг хэлэлцдэг ба шаардлагатай тохиолдолд оюутнууд хамгаалалтын ажилтантай нэмэлт 1: 1 уулзалт хийх боломжтой байдаг.

Фалмутын их сургууль (Корниш: Пеннскол Аберфала) нь Английн Фолмут, Пенрин хотод байрладаг бүтээлч үйлдвэрлэлийн чиглэлээр мэргэшсэн их сургууль юм. Тус сургууль нь 1902 онд Фалмутын Урлагийн сургууль нэртэйгээр байгуулагдсан бөгөөд үүнээс  өмнө нь Фалмутын Урлаг, Дизайны Коллеж, дараа нь Фалмутын Урлагийн Коллеж болсон ба 2005 онд коллеж-их сургуулийн зэргээ авсан байна. 2008 оны 4-р сард Фалмут Коллеж-Их Сургууль нь Дартингтон урлагийн коллежтэй нэгдэж 2012 оны 12-р сарын 9-нд тус Коллеж-Их Сургууль нь бүрэн хэмжээний Их Сургуулийн зэргийг хүртсэн аж.

Тус их сургуулийн кампусууд нь Пенрин, Фалмут хотуудад байрладаг. Пенрин хотын ойролцоо орших Пенрин кампус нь Эксетерийн их сургуультай хамтран ажилладаг бөгөөд их сургуулийн хоёр кампусаас хамгийн том нь юм. Фалмут хотхон нь Фалмут хотын төвд байдаг.

Фалмут кампус нь их сургуулийн захиргааны байруудын гол төв бөгөөд Урлаг, дизайн, загварын сургуулиудын гол төв юм. Тус кампуст загварын дизайн, дүрслэх урлаг, график зураг төсөл, уран зураг, спорт хувцасны дизайн, бүтээгдэхүүний дизайн, олон нийтийн харилцаа зэрэг чиглэлээр бакалаврын түвшний сургалт явдагддаг.

Фалмут кампусын байгууламжууд:

• Сургалтын нөөцийн төв
• Компьютерийн өрөөнүүд
• Эмнэлэг, оюутны холбоо (Вудланн бар)
• Их сургуулийн урлагийн дэлгүүр
• Загварын студиуд
• График дизайны студи
• Зургийн студи
• Дүрслэх урлагийн студиуд
• Их сургуулийн захиргааны алба

Пенрин Кампусыг анх 1998 онд Фалмутын Урлагийн Коллежийн эзэмшиж байсан ба Плимутын их сургууль болон Эксетерийн их сургуульд хоёр хоёул их сургуультай хамтран тус газарт хамтарсан кампус байгуулах сонирхолтой байсан боловч Плимутын их сургууль сонирхохоо болисноор Эксетерийн их сургуультай хамтарсан кампусыг байгуулсан байна.

Пенрин кампусын байгууламжууд:

• Семинар, лекцийн өрөөнүүд
• Номын сан (архив ба тусгай цуглуулгууд)
• Оюутны үйлчилгээний төв
• Карьерийн төв
• Мэдээллийн технологийн иж бүрдэл, мэдээллийн технологийн төв
• Эмчилгээний байгууллага
• Оюутны холбоо
• Спортын төв
• Тоглоомын талбай
• Дизайн төв
• Гэрэл зургийн төв
• Кино, телевизийн сургууль (Хэвлэл мэдээллийн төв)
• Бичгийн хэлтэс
• Оюутны байр
• Инноваци ба судалгааны академи

Фалмутын их сургууль нь кампус бүрт нэг буюу хоёр номын сантай. Ажилтнууд болон оюутнуудад үйлчилгээ үзүүлэхээс гадна хоёулаа олон нийтэд нээлттэй байдаг. Номын сан нь сургалтын материал, эрдэм шинжилгээний цуглуулгаас гадна Архив, тусгай цуглуулгын хэд хэдэн тоогоор хадгалдаг.

• Билл Дуглас ба Питер үнэт эдлэлийн кино цуглуулга
• Камборийн Уурхайн Сургуулийн түүхийн бичлиг
• Корниш яруу найргийн цуглуулга
• Kneehigh театрын архивыг багтаасан Cornish Performance архив
• Дартингтон коллежийн урлагийн архив
• Корниш судлалын хүрээлэнгийн архивын цуглуулга
• Газрын зургийн цуглуулга
• Nick Darke архив
• Патрик Гэйл: гар бичмэл болон хэвлэгдээгүй бүтээлүүд.