Birkbeck, University of London

Англи улсын Лондон хотын Блүүмсбүри-д байрлах Биркбек их сургууль нь (өмнө нь Биркбек коллеж гэж нэрлэгддэг байсан) судалгааны улсын сургууль бөгөөд Лондонгийн их сургуулийн холбооны бүрэлдэхүүн сургууль юм.

Жеоржи Биркбек болон бусад дэмжигчид Жереми Бентхам, Ж. С. Хобхаус, Хенри Брүгхам нар анх 1832 онд Лондонгийн Механикын сургууль хэмээн нээж байсан Биркбек сургууль нь оройн цагаар дээд боловсрол олгох хөтөлбөрд мэргэшсэн анхны сургуулиудын нэг аж.

Тус сургуулийн төгсөгчид дундаас 4 нобелийн шагналтан, олон тооны улс төрийн манлайлагчид, Парламнетийн гишүүд, Ерөнхий сайд зэрэг шинжлэх ухаан, хууль зүй, улс төр, эдийн засаг, уран зохиол, хэвлэл мэдээлэл, урлаг, уран сайхны салбарт нэртэй хүмүүс олон төрсөн байна.

• Англи хэл ба Хүмүүнлэгийн тэнхим
• Соёл ба хэл шинжлэлийн тэнхим
• Урлагийн түүхийн тэнхим
• Кино, хэвлэл мэдээлэл, соёл судлалын тэнхим
• Компьютерийн шижлэх ухаан, мэдээллийн системийн тэнхим
• Эдийн засаг, математик, статистикийн тэнхим
• Менежментийн тэнхим
• Байгууллагын сэтгэл судлалын тэнхим
• Хууль зүйн тэнхим
• Гэмт хэргийн сэтгэл судлалын тэнхим
• Биологийн шинжлэх ухааны тэнхим
• Одон орон, гарих эрхэс судлалын тэнхим
• Сэтгэл судлалын тэнхим
• Хэрэглээний хэл шинжлэл, харилцаа холбооны тэнхим
• Түүх, археологийн тэнхим
• Философийн тэнхим
• Улс төр судлалын тэнхим
• Нийгмийн сэтгэл судлалын тэнхим
• Газар зүйн тэнхим

Лондон хотын төвд Блүүмсбүри-д байрлах Биркбекийн гол барилгын таван давхар нь бүх оюутанд суралцах боломжийг нь бий болгож өгдөг баялаг нөөц бүхий номын сан юм. Тус номын сан нь хэрэглээний хэл шинжлэл, эдийн засаг, математик, статистик, хууль зүй, сэтгэл судлал, болон Викторийн үеийн судалгаанууд зэрэг өргөн хүрээний сэдвийг хамарсан 300,000 гаруй материалтайгаас гадна их хэмжээний онлайн нөөцийн сантай.

Биркбек нь голчлон Блүүмсбүри-гийн Малет гудамж ба Вобүрн талбайн хооронд олон тооны хүрээлэн, сургалтын эмнэлэг, эрдэм шинжилгээний лабораторийн хамтаар байрладаг байна. Биркбек хуул зүйн сургууль нь Friends House-ийг хэсэгчлэн эзэмшдэг. Урлагийн сургууль, Англи хэл ба хүмүүнлэгийн ухааны сургууль нь Блүүмсбүри-д байрлах Виржиниа Вүүлф-ийн суудаг байсан Гордон орон сууцад оршино.  Бүх хичээлүүд нь яг ижил цагт эхэлдгээс гадна дээд боловсролыг олон хүнд хүртээх гэсэн зорилгоор Биркбек их сургуулийн хичээлүүд Блүүмсбүри хэсгийн олон хэсэгт зэрэг явагддаг. Түүнчлэн Биркбек их сургууль нь лондонгийн зүүн хэсэг-рүү тэлж, Зүүн Лондонгийн Их сургуулиудтай хамтрах болсноор 2013 оны 11 дүгээр сард нээгдсэн Стратфорд кампустай болсон байна.

Биркбек их сургууль нь 10 гаруй судалгааны хүрээлэн 30 гаруй судалгааны төвтэй. Эдгээр судалгааны хүрээлэн ба төвүүд нь дан ганц өөрсдийн чиглэлээр бус харин бусад салбаруудтай хамтарч хамтарсан судалгаа явуулдгаараа онцлогтой.

Судалгааны хүрээлэнгүүд:

• Хүүхэд, гэр бүл, нийгмийн асуудлыг судлах хүрээлэн
• Эрүүгийн бодлогын судалгааны хүрээлэн
• Мэдээллийн задлан шинжлэлийн хүрээлэн
• Нийгмийн ухааны судалгааны хүрээлэн
• Хүмүүнлэгийн ухааны судалгааны хүрээлэн
• Дэлхий болон гариг эрхэс судлалын хүрээлэн
• Бүтцийн болон Молекулын биологи судлалын хүрээлэн
• Хөдөлгөөнт дүрс судлалын хүрээлэн
• Хүйс болон бэлгийн чиг хандлага судлалын хүрээлэн

• 2010 оны QS дэлхийн их сургуулиудын жагсаалтад урлаг шинжлэх ухааны чиглэлээр дэлхийн их дээд сургуулиудаас 93-т
• 2010 оны Times дэлхийн их сургуулиудын жагсаалтын 152-т
• 2011 оны QS дэлхийн их сургуулиудын жагсаалтад урлаг шинжлэх ухааны чиглэлээр 111-т
• 2011-2012 оны Times дэлхийн их сургуулиудын жагсаалтын 149-т
• 2012-2013 оны QS дэлхийн их сургуулиудын жагсаалтад дэхийн их сургуулиудаас 200-д Их Британи улсын их сургуулиудаас 31-т тус тус орсон.