Birmingham City University

Birmingham City University нь Английн Бирминхам хотод байдаг орчин үеийн их сургууль юм. Тус сургууль нь 1843 онд Бирминхамын урлагийн коллеж нэртэйгээр байгуулагдаж, 1971 онд политехник болон өөрчлөгдөж улмаар 1992 оноос их сургууль гэсэн байр суурьтайгаар үйл ажиллагаагаа явуулах болсон.

Их сургууль нь үндсэн 3 гол кампустайгаар үйл ажиллагаагаа явуулдаг бөгөөд технологи, нийгмийн шинжлэх ухаан, урлаг, хууль, эрүүл мэнд, англи хэл, инженерчлэл, боловсрол, тооцоолон бодохуй, байгаль орчин, бизнес , урлаг, дизайны чиглэлийн хөтөлбөрүүдийн сургалт явуулдаг байна.

Birmingham City University нь Бирминхам хотын 2 дахь хамгийн том сургууль бөгөөд Complete University Guide жагсаалтаар хотдоо 3-т буюу University of Birmingham and Aston University их сургуулиудын ард жагсдаг.

Их сургууль нь олон улсын холбоо, хамтран ажилладаг их сургуулиуд, нэмэлт боловсролын коллежуудаараа дамжуулан бэлтгэл хөтөлбөрийг санал болгодог ба  олон улсын ихээхэн оюутнууд тус сургуулийг сонгон суралцдаг бөгөөд Бирминхамийн хамгийн их олон улсын оюутантай сургууль юм.

Эрүүл мэнд, боловсрол, хөдөө аж ахуйн сургууль 

Комьпютер тооцоолол, инженерчлэл, барилгын инженерчлэлийн сургууль 

Бизнес, хууль зүй, нийгмийн ухааны сургууль 

Урлаг, дизайн, хэвлэл мэдээллийн сургууль 

• Хотын төвийн кампус:Уг кампус нь Бирминхам хотын төвд байрладаг ба их сургуулийн Бирминхам жүжгийн сургууль, тооцоолон бодохуй, инженерчлэлийн салбар сургууль  байрлан үйл ажиллагаагаа явуулдаг.
• Birmingham Jewellery Quarter-дах Vittoria Street: Тус кампус дээр Бирминхам үнэт эдлэлийн сургууль байрладаг.
• Margaret Street: Урьд нь Бирминхам урлагийн сургууль байрлан үйл ажиллагаагаа явуулж байсан бөгөөд одоогоор их сургуулийн  дүрслэх урлагийн сургууль байрлан үйл ажиллагаагаа явуулдаг.
• City South Кампус: Энэхүү кампус нь Бирминхам хотын өмнөд хэсэгт байдаг бөгөөд энд их сургуулийн эрүүл мэндийн хөтөлбөрийн хичээлүүд явагдахаас гадна, дийлэнх оюутны дотуур байр байрладаг.
• Bournville Кампус: Уг кампуст Birmingham City University–н олон улсын коллеж байдаг.

Birmingham City University нь 7 номын сантай. Эдгээр номын сангуудад 950000 орчим ном зохиол, 9000 гаруй хэвлэмэл болон цахим сэтгүүл хадгалагдаж байдаг. Их сургуулийн Kenrick номын сан нь 1971 онд их сургуулийн захирлаар томилогдон ажиллаж байсан William Kenrick-н нэрэмжит номын сан бөгөөд уг номын сан нь City North кампуст байдаг их сургуулийн хамгийн том номын сан юм. Kenrick номын сан нь 320000 гаруй ном, 2000 хэвлэмэл сэтгүүл, 4000 гаруй цахим сэтгүүлийг агуулна.

2020 оны байдлаар Их Британи улсдаа:

• Complete сэтгүүлийн жагсаалтаар – #91
• Guardian сэтгүүлийн жагсаалтаар – #81
• Times / Sunday Times  жагсаалтаар – #96

1. Төгсөгчдийн ажлын боломж: Их сургуулийн 10 төгсөгч тутмын 9 нь төгссөнөөсөө хойш 3 сарын дотор ажилд орж, дараагийн шатны сургалтад хамрагддаг.
2. Суралцах хугацаандаа ажиллах: Сургуулийн оюутнуудын ажил эрхлэлтийн холбооноос оюутнуудад сургуулийн ажилд туслан суралцангаа мөнгө олж, ажлын туршлага хуримтлуулах боломж олгодог.
3. Олон улсад хүлээн зөвшөөрөгдсөн хөтөлбөрүүд: Их сургуулийн дийлэнх хөтөлбөрүүд нь ACCA, CIMA, RIBA зэрэг олон улсын нэр хүндтэй байгууллагуудаар хүлээн зөвшөөрөгдсөн байдаг.
4. Олон улсын хот – Хөл хөдөлгөөнтэй Бирнинхам хотын төвд байрлан суралцах нь танд нийгмийн хүрээгээ тэлэх мөн ажлын байрны олон боломжийг олгоно. Түүнчлэн Бирнинхам хот нь 20-оос доош насныхан хүн амын 29%-ийг нь бүрдүүлдэг маш залуу хот юм.
5. Практик-т суурилсан судалгаа: Бирнинхам их сургуулийн нийт судалгааны ажлын 90% нь чанартай, маш өндөр зэрэглэлийн гэх үнэлгээнүүдийг хүртдэг.
6. Цоо шинэ сургалтын хөтөлбөр: Салбартаа тэргүүлэгч, нэр хүндтэй 1,700 багш ажилчид хамгийн орчин үеийн, уян хатан, практик-т чиглэсэн сургалтын хөтөлбөрүүдийг заадаг.