City, University of London

City, University of London нь Их Британийн Лондон хотод байрлах улсын, судалгааны их сургууль юм.  Тус сургууль нь 1894 онд Northampton Institute нэртэйгээр байгуулагдаж байсан бөгөөд 1966 онд City, University of London болгож нэрээ өөрчилсөн. City, University of London нь Английн нэр хүндтэй шилдэг их сургуулиудын нэг бөгөөд нятлан бодох бүртгэл, санхүүгийн чиглэлээр Лондонгийн их сургуулиудаас 1-т, Английн их сургуулиудаас 3-т ордог. Мөн 2017 онд The Times and The Sunday Times Good University Guide их сургуулиудын чанар, нэр хүндийн жагсаалтаар төгсөгчдийн ажлын боломжоороо Лондонд 6-д орсон байна. City, University of London нь Лондон хотын төв хэсэгт байрладаг учир оюутнуудын хувьд бүх зүйлдээ ойрхон амьдрах боломжтой. Үүний зэрэгцээ оюутнууд чанартай мэдлэг боловсрол эзэмшин туршлагажихаас гадна сургуулийн зүгээс оюутнууддаа хувь хүний хувьд хөгжих олон боломжийг олгодог байна.  Тухайлбал City, University of London нь нийгэм, соёлын олон арга хэмжээг зохион байгуулж 100 орчим нийгмийн байгууллагатай хамтран ажилладаг. Эдгээр үйл ажиллагаар дамжуулан оюутнуудад сайн дурын ажилд оролцох боломж олдохоос гадна цалинтай ажил хийх боломжийг бүрддэг байна. Мөн City, University of London нь Олон улсын бизнесийн сургуулиудын холбоо, Бизнес, менежментийн их дээд сургуулиудын чанарын үнэлгээний Европын холбоо, Их Британийн их дээд сургуулиудын холбоо зэрэг холбоонуудын гишүүн юм.

Тус сургууль нь 5 салбар сургууль 30 гаруй тэнхимтэй:

• Урлаг, Нийгмийн ухааны сургууль
• Эрүүл мэндийн шинжлэх ухааны сургууль
• Математик, компьютерийн шинжлэх ухаан, инженерчэлийн сургууль
• Хууль зүйн сургууль
• Касс бизнесийн сургууль

City, University of London их сургууль нь Лондонгийн олон байршилд тархаж байрладаг бөгөөд гол оюутны хотхон нь Лондонгийн төв хэсэг болох Islington-д байдаг бол бусад байршлууд нь Лондогийн Holborn, Smithfield, Spitalfields зэрэг газруудад байрладаг.Их сургуулийн Хуулийн сургууль нь Holborn-д, Sir John Cass бизнесийн сургууль Islington-д, эрүүл мэндийн шинжлэх ухааны сургууль Northampton талбайд, INTO City London  нь Spitalfields-д тус тус байрладаг.

Их сургуулийн номын сангууд дахь хэвлэмэл болон цахим ном зохиолын эмхтгэлүүд нь сургалт судалгааны ажилд өргөн ашиглагддаг. City, University of London-н номын сангуудад 250000 орчим ном, 25000 гаруй цахим сэтгүүл, 16000 гаруй судалгааны материалууд байдаг.

Судалгаа, шинжилгээний ажил нь тус их сургуулийн салшгүй нэг хэсэг бөгөөд нийгэмд эерэг өөрчлөлт гаргаж, шинэ мэдлэгийг бүтээдэг судалгааны ажлууд нь оюутнуудад  суралцах илүү тааламжтай орчин, сэтгэл ханамжтай байдлыг бий болгодог. Судалгааны ажлуудыг нь тухайн салбар сургууль, тэнхим, судалгааны төвүүд зохион байгуулдаг бөгөөд салбар, тэнхим, судалгааны төвүүд нь хоорондоо хамтран ажиллаж салбар дамнасан, шинэлэг санаануудыг гарган ажилладаг. Түүнчлэн тус сургууль нь нийт 70 судалгааны төв, хүрээлэнтэй. Их сургуулийн 5 салбар сургууль нь тус бүр нэг салбараар мэрэгшиж, судалгааны ажил явуулдаг. Үүнд:

• Касс бизнесийн сургууль нь манлайлалын чиглэлээр
• Эрүүл мэндийн шинжлэх ухааны салбар сургууль нь хараа зүй судлалаар
• Урлаг, Нийгмийн ухааны салбар сургууль Европын нийгмийн судалгаагаар
• Математик, компьютерийн шинжлэх ухаан, инженерчэлийн салбар сургууль нь инженерчлэлийн дизайн, програм хангамж хөгжүүлэлтээр
• Хууль зүйн салбар сургууль нь Европын хуулийн судлалаар тус тус мэргэшиж судалгаа явуулдаг.

Судалгааны идэвхитэй орчин

Манай судалгааны хөтөлбөүүд нь ур чадвар, мэдлэгээ хөгжүүлэх, их сургуулийн судалгааны ажилд хувь нэмрээ оруулах боломжийг олгодог судалгааны идэвхитэй орчинг бүрдүүлж өгдөг. Уг судалгааны хөтөлбөрүүд нь оюутны бүтээлч байдал, шүүмж сэтгэлгээ, мэргэжлийн ур чадвар, шийдвэр гаргах чадвар зэргийг дэмждэг.

Лондонгийн төвд

Лондонгийн төв хэсэгт байрлах их сургуулийн байршил нь бизнес, эдийн засаг, үйлдвэрлэл, урлаг зэрэг бүх зүйлсийн төвд байх боломжийг бий болгоно. Их сургууль нь анхүүгийн болон мэргэжлийн байгууллагуудын төв байр, томоохон урлагийн цогцолборууд, хэвлэл мэдээллийн газрууд, заах эмнэлэг, мэргэжлийн анагаах ухааны судалгааны төвүүд байрлах дэлхийн алдарт санхүү эдийн засгийн дүүрэг болох Square Mile-ээс минутын зайд оршдог ба дэлхийн олон алдартай хүрээлэн, номын сангуудтай ойр байрладаг.

Судалгааны боломж

Их сургуулийн ихэнхи судалгааны ажлыг тухайн салбарын нэр хүнд бүхий байгууллагууд дэмждэг бөгөөд энэ нь оюутнуудад хамтарсан судалгааны ажил хийх олон боломжийг олгох ба жил бүр оюутнуудад салбарын байгууллагууд болон Судалгааны зөвлөлөөс тэтгэлэг олгодог.

Олон улсын өнгө төрх

Их сургууль нь олон улсын төлөвтэй ба нийт оюутны 51% нь олон улсын оюутнууд байдаг. Их сургуулийн судалгааны хөтөлбөрүүдийг Европ, АНУ, Хятад, Япон зэрэг орны аж үйлдвэрүүд дэмжиж, хамтран ажилладаг бөгөөд тус сургууль нь дэлхийн олон их сургуультай хамтран ажилладаг.

Complete сэтгүүлийн жагсаалтаар – #57

Guardian сэтгүүлийн жагсаалтаар – #95

Times / Sunday Times  жагсаалтаар – #68

2020 оны байдлаар дэлхийд:

Times Higher Education сэтгүүлийн жагсаалтаар – #351

QS Дэлхийн их сургуулиудын жагсаалтаар – #351