DePaul University

Танилцуулга:

ДеПолын Их Сургууль бол Иллиной мужийн Чикаго хотод байрладаг католик шашны хувийн судалгааны их сургууль юм. Винсентийн оршин суугчид 1898 онд үүсгэн байгуулсан уг их сургууль XVII зууны Францын санваартан Сент Винсент де Полаас нэрээ авсан байна. 1998 онд уг сургууль нь АНУ-д элсэгчдийн тоогоороо хамгийн том католик их сургууль болжээ. ДеПол нь үүсгэн байгуулагчдынхаа мөрөөр ажилчин ардын гэр бүлээс гаралтай болон амьдралын боломж тааруу оюутнуудыг элсүүлэхэд онцгой ач холбогдол өгдөг.

Тус их сургууль нь тоглоомын дизайны хөтөлбөр, кино, драмын сургууль зэргээрээ улсдаа тэргүүлдэг.

Жүжиглэх, тайзны урлаг, театрын урлаг, анимэйшн, хувцасны загвар, тоглоомын дизайн, график дизайн, жүжгийн зохиол, дууны дизайн зэрэг чиглэлийн хөтөлбөрүүд нь мөн алдартай. Оюутнууд эрүүл мэндийн технологи, араб, католик судлал, кибер аюулгүй байдал, газарзүй, урлагийн түүх, япон орон судлал, менежмент, маркетинг, математик, компьютерийн шинжлэх ухаан, хөгжим, мэдрэл судлал, тайзны урлагийн менежмент эсвэл дэлхийн хэлний боловсрол зэрэг олон хөтөлбөрүүдээс сонгох боломжтой. Нийтдээ DePaul их сургууль нь 300 гаруй бакалаврын хөтөлбөрийг санал болгодог байна.

Их сургуулийн бүрэлдэхүүн:

Бизнесийн сургууль

Боловсролын Сургууль

Компьютер тооцоолол, Дижитал медиа сургууль

Либерал урлаг, Нийгмийн ухааны сургууль

Харилцаа холбооны сургууль

Хууль зүйн сургууль

Хөгжмийн сургууль

Театрын урлагийн сургууль

Шинжлэх ухаан, Эрүүл мэндийн сургууль

Товч мэдээлэл:

22,000+ оюутан

2,000+ багш, ажилтан

114+ орны оюутнууд

Олон улсын оюутны хувь 7%

Багш, оюутны харьцаа 1:15

Эрэгтэй, эмэгтэй оюутны харьцаа 53:47

Кампус:

Lincoln park campus

DePaul’s Lincoln Park кампус нь Чикаго хотын хойд талд байрладаг бөгөөд уламжлалт их сургуулийн кампусын хэв маягтай.

Кампус дээр оюутнууд 11 дотуур байрын аль нэгэнд эсвэл кампусын ойролцоох байранд амьдрах боломжтой. Түүнчлэн кампус дээр Номын сан, оюутны төв, Браунстоны кофе шоп, Рэй Мейер фитнесс төв, олон нийтийн цэцэрлэг зэрэг бий.

Линкольн Парк хотхонд таван сургууль байрладаг:

Боловсролын Сургууль
Либерал урлаг, Нийгмийн ухааны сургууль
Шинжлэх ухаан, Эрүүл мэндийн сургууль
Хөгжмийн сургууль
Театрын урлагийн сургууль

Линкольн цэцэрлэгт хүрээлэн нь өргөн дэлгэр нуурын эрэг дагуух цэцэрлэгт хүрээлэн бөгөөд үндэсний хамгийн шилдэг ресторануудтай. Тус хэсэг нь амьд хөгжмийн төв бөгөөд жазз клубууд, рок хамтлагууд тоглодог байна. Түүнчлэн орон нутгийн хамгийн шилдэг номын болон бусад дэлгүүрүүд байдаг ба таны хүссэн бүх зүйл булан тойроод л байдаг.

Loop campus

DePaul’s Loop кампус нь Чикаго хотын төвд, Жексоны гудамж дагуу Мичиганы өргөн чөлөө хүртэл байрладаг. Кампус нь фьючерс бирж, санхүүгийн дүүрэг, Чикагогийн Урлагийн хүрээлэнтэй ойрхон байдаг.

Хотын төвд байрлаг уг кампус дээр их сургуулийн дараах сургуулиуд байрладаг:

Бизнесийн сургууль
Хууль зүйн сургууль
Харилцаа холбооны сургууль
Компьютер тооцоолол, Дижитал медиа сургууль

Номын сан:

ДеПолийн их сургуулийн номын сан нь Жон Т.Ричардсоны номын сан, Loop номын сангаас бүрддэг.

Loop Library нь Бизнесийн сургууль, Харилцаа холбооны сургууль, Компьютер тооцоолол, Дижитал медиа сургуулиудад голчлон дэмжлэг үзүүлдэг. Ном, тогтмол хэвлэлд бизнес, компьютерийн шинжлэх ухаан, харилцаа холбоо зэрэг сэдвийг хамарсан бүтээлүүд орно. Тус номын санд агуулагдаагүй материалыг Линкольн цэцэрлэгт хүрээлэн дэх Ричардсоны номын сан эсвэл бусад I-Share номын сангаас хялбархан авах боломжтой.

Линкольн цэцэрлэгт хүрээлэн дэх Жон Т.Ричардсоны номын сан нь Либерал урлаг, Нийгмийн ухааны сургууль, Шинжлэх ухаан, Эрүүл мэндийн сургууль, Боловсролын Сургууль, Хөгжмийн сургууль, Театрын сургуулийн хөтөлбөрүүдийг дэмжиж ажилладаг байна.