Флиндерсийн их сургууль нь 1966 онд байгуулагдсан өмнөд Австралийн Аделаид хотод байрладаг улсын их сургууль юм. Флиндерсийн Их Сургууль нь шинэлэг судалгааны их сургуулиуд (IRU) группын гишүүн их сургууль юм. Эрдэм шинжилгээний хувьд их сургууль нь боловсролын салбар дамнасан сургалтын аргыг анх санаачилсан бөгөөд анагаах ухаан, хүмүүнлэгийн сургуулиуд нь үндэсний шилдэг 10-т багтдаг.
Дэлхий даяар төвлөрсөн, орон нутагтаа үйл ажиллагаа эрхэлдэг Флиндерсийн Их Сургууль нь шинэлэг судалгаа, сургалтын хөтөлбөр, заах арга зүйгээрээ дамжуулж боловсролын салбарт өөрчлөлтийг бий болгосоор байдаг ба үүгээрээ дамжуулан оюутнуудад цоо шинэ туршлагыг олгодог.
Флиндерсийн их сургууль нь өмнөд Австралид төв байршилтай бөгөөд Австралийн бүс нутгуудад мөн байршилтай. Их сургууль нь олон улсад Хятад, Хонконг, Малайз, Сингапур, Индонезийн тэргүүлэх их дээд сургуулиудтай хамтарсан сургалтуудыг явуулдаг.
Дэлхийн их, дээд сургуулийн шилдэг 2% -д багтдаг тус сургууль нь сургалтын чанар, оюутны дэмжлэг, оюутан / багшийн харьцаа, бакалаврын оюутны төгсөлтийн дараах цалингийн хэмжээгээр Өмнөд Австралид 1-р байранд ордог.
Флиндерсийн их сургууль нь бизнес, бүтээлч урлаг, боловсрол, инженерчлэл, байгаль орчин, эрүүл мэндийн шинжлэх ухаан, хүмүүнлэгийн ухаан, мэдээллийн технологи, хууль эрх зүй, анагаах ухаан, сувилахуй, сэтгэл зүй, нийгмийн эрүүл мэнд, шинжлэх ухаан, нийгмийн ухаан зэрэг олон чиглэлээр олон тооны бакалавр, магистр, докторын хөтөлбөрүүдийг санал болгодог. Түүнчлэн их сургууль нь Сингапур, Хонконг, Малайз, Хятад зэрэг улсад сургалт явуулдаг.
