Manchester Metropolitan University
нь Английн Манчэстерт байдаг улсын их сургууль юм. 1824 онд Manchester Mechanics Institute нэртэйгээр анхны үндэс сууриа тавьж 1992 онд олон салбар коллеж, сургуулиа нэгтгэн Их Сургууль болсон. Тус их сургууль нь жил бүр ойролцоогоор 52000 оюутны элсэх хүсэлт өргөдөл хүлээн авдаг төдийгүй энэ үзүүлэлтээрээ Их Британи Улсдаа 2-т буюу Манчэстерийн их сургуулийн дараа ордог. Дэлхийн 120 улсаас 3000 гаруй оюутан суралцдаг бөгөөд нийт оюутны ТОО 38000. Нийт суралцаж буй оюутныхаа тоогоор улсдаа эхний 5-т ордог, Их сурглуулийн холбоо, Хамтын нөхөрлөлийн их сургуулиудын холбоо, Баруун умардын их сургуулиудын холбоо, Европын их сургуулиудын холбоо зэрэг байгууллагуудын гишүүн сургууль юм. Manchester Metropolitan Их Сургуульд Манчэстерын урлагийн сургууль, Манчэстерын театрын сургууль харьяалагддаг.