Neubrandenburg University of Applied Sciences

Neubrandenburg University of Applied Sciences нь 1991 онд байгуулагдсан  2200 оюутантай. Их сургууль нь 4 факультеттай бөгөөд 10 өөр мэргэжлийн чиглэлээр бакалаврын болон бакалаврын дараах төвшинд мэргэжилтэн бэлтгэдэг. Курс тус бүр дадлагажих семестрийг багтаадаг ба энэ нь оюутнуудад сонгосон мэргэжлийнхээ чиглэлээр дадлагажиж, туршлага хуримтлуулах боломжийг бүрдүүлж өгдөг.

Үүний зэрэгцээ их сургууль нь бүс нутгийн үйлдвэрлэл эрхлэгч, бизнесийн байгууллагуудтай хамтран ажилладаг. Энэхүү хамтын ажиллагааны хүрээнд хэрэгжиж буй судалгааны төсөл, дадлага ажил, эрдмийн ажил зэрэг нь оюутнуудад  ирээдүйд ажлын байранд гараад хэрэг болох удирдлага, шинжлэх ухааны судалгааны чадваруудыг олж авахад тусалдаг.

Их сургууль нь бүс нутгийн, үндэсний болон олон улсын байгууллагуудтай хамтран ажиллаж, орчин үеийн шинжлэх ухааны болоод мэргэжлийн шаардлагад нийцэх үүнээс сургалтынхаа курсүүдэд  байнгын шинэчлэлт өөрчлөлтүүдийг хийсээр ирсний зэрэгцээ сургалтын шинэ боломжийг оюутнуудад нээж өгөн шинэ курсүүдийг  санал болгодог.

University of Applied Sciences in Neubrandenburg нь жендерийн эрх тэгш байдлыг эрхэмлэн гэр бүлд ээлтэй их сургууль болохынхоо хувьд гэр бүлд ээлтэй ажил, сургалтын орчин, оюутнуудад сургалт судалгааныхаа хажуугаар гэр бүлтэйгээ хамт байх, ар гэрийнхээ асуудлыг зохицуулах боломжтой нийгмийн уур амьсгалыг бүрдүүлэн гэр бүл, ажил мэргэжлийн тэнцвэртэй байдлыг сахих аливаа санаачлаг, үйл ажиллагааг идэвхтэй дэмждэг.

Хотын төвд байрлах их сургуулийн кампус нь орчин үеийн сургалтын анги танхим, техник хэрэгсэл, номын сан, оюутны дотуур байртай.

School location