Newcastle College

Newcastle College нь Английн Ньюкаслд байдаг нэмэлт болон дээд боловсролын коллеж юм. Тус коллеж нь 1894 онд Rutherford Memorial College нэртэйгээр байгуулагдаж 1945 онд Хөвгүүдийн Rutherford коллеж дунд сургууль болон өөрчлөгдсөн. 1930 онд боловсролын зөвлөлийн дарга Charles Trevelyan охидод зориулан Trevelyan барилгыг бариулж байжээ. 1962 онд коллеж Нэмэлт боловсролын коллеж, Charles Trevelyan-н техникийн коллеж гэсэн 2 хэсэгт  хуваагдасан бөгөөд 1972 онд уг 2 коллеж  ахин нэгдэж өнөөгийн Newcastle College байгуулагджээ.

Newcastle College нь Нью Коллеж Групын салбар бөгөөд Их Британи улсын хамгийн том боловсролын байгууллагуудын нэгээс гадна төгсөгчдийн ажлын боломжоороо улсдаа дээгүүрт ордог.

Кампус

Коллежийн гол кампус нь Ньюкасл хотын төвийн ойролцоо байрладаг бөгөөд Sandyford Building нь Нортумбрия их сургуулийн гол кампуст, Ньюкасл нисэхийн академ Ньюкаслын олон улсын нисэх онгоцны буудлын хажууд тус тус байрладаг. Мөн ойролцоох тосгонуудад коллежийн бусад кампус байдаг.

Барилга, байгууламж

Performance Academy

Уг академ нь 2004 оны 11 сараас үйл ажиллагаагаа явуулж эхэлсэн бөгөөд Их Британи улсын шилдэг хөгжим, урлаг, хэвлэл мэдээллийн сургалтын төвүүдийн нэг юм. Тус байгууламж нь 250 суудалтай театр, 10 дуу бичлэгийн студи, хөгжим, бүжгийн студээс бүрддэг.

Lifestyle Academy

Энэхүү академыг  зочилохуйн үйлчилгээ, гоо сайхан, үс засалт, аялал жуулчлал, спортын чиглэлээр сурч буй оюутнуудад зориулан 2006 онд байгуулсан,

Energy Academy:

Уг академ нь Wallsend-д байдаг салхины эрчим хүчний салбарын шинэчлэл, сургалт, хөгжлийн төв юм. 2011 оны 9-р сараас үйл ажиллагаагаа явуулж эхэлсэн уг төв нь нөхөн сэргээгдэх эрчим хүчний салбарын ажилчид, бүс нутгийн залуусын  мэдлэг чадварыг нэмэгдүүлэх зорилгоор сургалт зохион байгуулах болсон.

Англи хэлний мэдлэгт тавигдах шаардлага

1. Бэлтгэл хөтөлбөр

IELTS: 5.0

2. Бакалаврын түвшин

IELTS: 5.5

3. Бакалаврын дараах түвшин

IELTS: 6.5

School location