Purdue University /Пүрдюгийн их сургууль/ нь Индиана мужийн Вест Лафайетт дахь улсын, судалгааны их сургууль юм. Лафайет хотын бизнесмэн Жон Пүрдю өөрийн нэрээр шинжлэх ухаан, технологи, хөдөө аж ахуйн коллеж байгуулах зорилгоор газар, мөнгө хандивласны улмаар 1869 онд энэхүү их сургууль байгуулагджээ. Их сургууль нь хамгийн анхны сургалтаа 1874 оны 9-р сарын 16-нд зургаан багш, 39 оюутны хамтаар явуулсан байна.
Их сургуулийн Баруун Лафайетт дахь үндсэн кампус нь бакалаврын оюутнуудад зориулсан 200 гаруй мэргэжил, 69 гаруй магистр, докторын хөтөлбөрүүд санал болгохоос гадна эм зүй, мал эмнэлгийн эмчийн мэргэжлийн зэрэг олгодог. Нэмж дурдахад Purdue нь коллеж хоорондын 18 спортын баг, 900 гаруй оюутны байгууллагатай.
Purdue University нь Америкийн Их Сургуулиудын Холбооны гишүүн бөгөөд “R1: Докторын их сургуулиуд – Маш өндөр судалгааны үйл ажиллагаатай их сургууль” хэмээх ангилалд багтдаг. Тус сургуулиас Америкийн 25 сансрын нисгэгч төрсөн бөгөөд 2019 оны 4-р сарын байдлаар тус их сургууль нь 13 Нобелийн шагналын эзэдтэй хамтран ажилласан байна.