Queensland University of Technology

Танилцуулга

Күинсландын Технологийн Их Сургууль (QUT) нь Австралийн Күинсланд мужийн Брисбен хотод байрладаг улсын, судалгааны их сургууль юм.

Куинсландын Технологийн Их Сургууль (QUT) нь дэлхийн олон улсын төлөвтэй, оюутнуудад бодит амьдралд хэрэгжүүлж болохуйц, холбогдох чадварыг эзэмшүүлэхэд анхаарч ажилладаг Австралийн тэргүүлэгч их сургуулийн нэг юм. Их сургуулийн давуу талууд нь шагнал хүртсэн сургалтын баг, олон нийтэд үр өгөөжтэй судалгааны ажил, хамгийн орчин үеийн сургалт, судалгааны байгууламж, оюутан болон төгсөгч нарт бодит амьдрал дээр үр дүнд хүрэх мэдлэгийг заахад чиглэсэн сургалтын хөтөлбөр зэрэг болно.

QUT нь 100 гаруй бакалавр, магистр, докторын хөтөлбөрүүдийг санал болгодог. QUT нь оюутнуудыг архитектур, бизнес, шинжлэх ухаан, инженерчлэл, бүтээлч үйлдвэрлэл, боловсрол, эрүүл мэнд, нийгэм, мэдээллийн технологи, математик, хэл, хууль зүй зэрэг олон чиглэлээр бэлтгэдэг. Түүнчлэн тус их сургууль нь янз бүрийн онлайн хөтөлбөр, уян хатан дипломын сургалтуудыг явуулдаг байна.

Их сургуулийн бүрэлдэхүүн:

Бизнесийн сургууль

Боловсролын сургууль

Эрүүл мэндийн сургууль

Хууль зүйн сургууль

Шинжлэх ухаан, инженерчлэлийн сургууль

Товч мэдээлэл:

52,000+ оюутан

4,800+ багш, ажилчид

148+ орны оюутнууд

Олон улсын оюутны хувь 17%

Багш, оюутны харьцаа 1:42

Эрэгтэй, эмэгтэй оюутны харьцаа 47:53

Кампус

Gardens Point campus

Gardens Point кампус нь Брисбэн хотын төвд, Парламентын ордон, Хотын Ботаникийн цэцэрлэг, Брисбен голын хажууд байрладаг. Gardens Point кампус дээр олон нийтийн соёл урлагийн газрууд, музей, фитнессийн шилдэг байгууламж, орчин үеийн шинжлэх ухаан, инженерчлэлийн төв байрладаг. Оюутны хотхонд хоёр номын сан, сургалтын талбай, лаборатори, шүүх танхим зэрэг төрөлжсөн байгууламжууд мөн байдаг. Мөн кампусын байгууламжуудад усан бассейн, спорт заал, дугуйн төв багтдаг бөгөөд оюутнууд хувийн бэлтгэл хийх, дасгал хөдөлгөөн хийх, спортоор хичээллэх боломжтой.

Gardens Point дээр оюутнууд дараах чиглэлээр сурдаг:

Бизнес
Дизайн
Инженерчлэл
Эрүүл мэнд
Мэдээллийн технологи
Хууль
Математик
Шинжлэх ухаан
Хотжилт

Kelvin Grove campus

Келвин Гроувын кампус нь Брисбэн хотын төвөөс 3 км-ийн зайд байрладаг. Кампус дээр QUT олон улсын коллеж болон дараах чиглэлээр суралцаж буй оюутнууд байрладаг.

Бүтээлч үйлдвэрлэл
Боловсрол
Эрүүл мэнд

Келвин Гроувын кампус нь фитнесс төв, хоолны болон дэлгүүрийн олон сонголтыг агуулдаг. Оюутны хотхонд номын сан, зориулалтын багаар ажиллах сургалтын орон зай, эрүүл мэндийн клиник, гүйцэтгэлийн талбай зэрэг төрөлжсөн байгууламжууд байдаг. Оюутны хотхоны байгууламжууд нь усан сан, биеийн тамирын заал, цэнгэлдэх хүрээлэнгээс бүрдэх оюутнууд хувийн бэлтгэл хийх, дасгал хөдөлгөөнөөр хичээллэх, спортоор хичээллэх боломжтой.

Номын сан:

QUT номын сан нь оюутан, багш, ажилчдад сургалт, судалгааны дэмжлэг үзүүлдэг. QUT нь Gardens Point library, Law library, Kelvin Grove library гэсэн гурван номын сангийн салбартай. QUT номын сан нь ном олгох, мэдээлэл өгөх үйлчилгээнээс гадна курсын оюутнууд, эрдэм шинжилгээний ажилтнууд, судлаачдад зориулсан тусгай дэмжлэгийг санал болгодог.

QUT номын сан нь эрдэм шинжилгээний сэтгүүл, бусад материалыг захиалж авахад зориулсан жилийн 13 сая гаруй долларын төсөвтэй. QUT номын сан нь Австрали, Шинэ Зеландын аль ч их сургуулиуд дундаас цахим ном, онлайн видеогоор хангадаг 3 дахь хамгийн том номын сан юм.