Royal Veterinary College

Рояал Мал Эмнлэгийн Коллеж нь Лондон хотод байрлах мал эмнлэгийн сургууль бөгөөд Лондонгийн Их сургуулын бүрэлдэхүүн сургууль юм. Тус сургууль нь 1791 онд үүсгэн байгуулагдсан бөгөөд 1949 онд Лондонгийн их сургуулийн бүрэлдэхүүн болсон байна. Рояал Мал Эмнлэгийн Коллеж нь Англи улсын хамгийн эртний, хамгийн том мал эмнлэгийн сургууль бөгөөд тус улсад оюутнуууд малын эмч болох боломжтой ердөө 8 сургуулийн нэг юм.

Рояал Мал Эмнлэгийн Коллеж биоанагаахын чиглэлээр улсынхаа шилдэг 10 их сургуулийн нэгэнд зүй ёсоор тооцогддог. Дэлхийн шилдэг мал эмнэлэг, биоанагаах ухааны судалгааны институт болохынхоо хувьд тус сургууль нь ижил хүсэл зорилготой, авьяаслаг хүмүүсийг нэгтгэн, салбартаа үргэлж  ихийг хийж бүтээж байдаг.

Улсдаа шилдэг 10-т багтдаг малын эмнэлгийн анагаах ухаан, мал эмнэлгийн сувилахуйн чиглэлээр бакалаврын болон, бакалаврын дараах түвшин, CPD-н хөтөлбөрүүдийг оюутнуудад санал болгодог.

AVMA, EAEVE, RCVS, AVBC, Society of Biology зэрэг газаруудын магадлан итгэмжлэлийг хүртсэн цор ганц мал эмнэлгийн сургууль

Судалгааны тэргүүлэгч байгууллага болохынхоо хувьд аж ахуй, мал эмнэлэг, хүнс тэжээл судлалын салбарт тэргүүлэгч мал эмнэлгйин сургууль

Оюутнуудад чанартай, цэгцтэй мэдлэг олгох үүднээс европын хамгийн том жижиг амьтдын эмнэлэг болох Queen Mother Hospital for Animals болон өөр хоёр эмнэлэгтэй хамтран ажилладаг.

Рояал Мал эмнлэгийн коллеж нь Лондонгийн төв хэсгийн Камденд байрлах нэг, Хертфордшаяр-ийн Поттерс Бард байрласан нэг нийт 2 кампустай ба оюутнууд эхний 2 жилээ Камденд дараагийн 3 жилээ Поттерс Бард өнгрөөдөг байна.

1930 оны барилга болох Камден хотын Камден кампус нь Гэгээн Панкрасийн галт тэрэгний буудлын ойролцоо байдаг ба нийт төгсөх ангийн сурагчдын тал нь байрладаг. Түүнээс гадна тус кампусд Рояал Мал эмнлэгийн коллежийн оюутны холбоо байдаг.

Хавксхээд кампус нь Лондонгийн төвөөс 17 миллийн зайд орших Хертфордшаяр-н Хойд Миммс-т байдаг бөгөөд уг кампусыг хатан хаан 2-р Элизабэт 1959 онд албан ёсоор нээсэн. Коллежийн спортын талбай, багуудын дасгал сургуулилалтын дийлэнх нь энд явагддаг.Үүнээс гадна уг кампуст the Queen Mother амьтны эмнэлэг, Болтон Паркийн ферм, Buttery зэрэг байгууллагууд байрлан үйл ажиллагаагаа явуулдаг.

Коллежийн номын сан нь Камден, Хавксхээд 2 кампуст хуваагддаг. Мал эмнэлгийн холбогдотой ихэнх баримт материалууд Хавксхээд кампусд байдаг бол Камден номын санд клиникийн өмнөх болон бакалаврын дараах түвшний холбогдох ном, сэтгүүл, материалууд байдаг.

Рояал Мал эмнлэгийн коллеж нь мал эмнлэгийн салбарт тэргүүлэгч судалгааны төв бөгөөд тус коллеж дээр хийсэн судалгаанууд бүгд олон улсын түвшинд хүрдэг. Рояал мал эмнлэгийн коллежийн судалгаанууд нь молекулын түвшинээс эхлээд амьтан цаашлаад амьтны сүрэг хүртэлх бүх түвшинд явагддаг. Эдгээр судалгааны сэдвүүдийг нэгтгэвэл:

• Амьтны эрүүл мэнд
• Био-механик
• Генетик
• Биоминформатик
• Патологи
• Эпидемиологи
• Нийгмийн эрүүл мэнд зэрэг болно.