The University of Queensland

University of Queensland нь Австрали улсын Queensland мужын нийслэл Brisbane хотод байрладаг улсын, судалгааны их сургууль бөгөөд 1909 онд Queensland мужын Парламентаас байгуулсан тус сургууль нь Австрали улсын хамгийн анхны сургуулиудын нэг бөгөөд Австрали улсын шилдэг их сургуулиудын нэг юм. University of Queensland нь дээд боловсролын цахим сургалтын хуудас болох edX, Австралийн эрчимтэй судалгааны их сургуулиудын холбоо Group of Eight, дэлхийн их сургуулиудын холбоо Universitas 21 зэрэг байгууллагуудын үүсгэн байгуулагч гишүүдийн нэг аж.

Их сургууль нь салбар коллеж, бакалаврын дараах түвшний сургууль, 6 факультетаараа дамжуулан бакалавр, магистер, докторын хөтөлбөрүүдэд оюутан бэлтгэхийн сацуу Wharton Global Consulting Practicum, Вашингтонын их сургуультай хамтарсан бакалаврын дараах түвшний хуулийн хөтөлбөр зэрэг олон улсын хөтөлбөрүүдийг санал болгодог. Мөн University of Queensland нь Австралийн Boeing-н судалгаа, технологийн төв, Австралийн биоинженерчлэл, нанотехнологийн төв зэрэг 100 гаруй судалгааны байгууллага, төвүүдтэй хамтран ажилладаг байна.

• Бизнес, эдийн засаг, хуулийн факультет
• Инженерчлэл, архитектор, мэдээллийн технологийн факультет
• Эрүүл мэнд, зан байдлын шинжлэх ухааны факултет
• Хүмүүнлэгийн ухаан, нийгмийн шинжлэх ухааны факультет
• Анагаах ухааны факультет
• Шинжлэх ухааны факультет

• Дэлхийн шилдэг 100 их сургуулийн нэг
• Австрали улсдаа судалгааны салбарт тэргүүлэгч
• Сургалтын чанар, үзүүлэлтээрээ Австрали улсдаа хамгийн олон шагнал авсан сургууль
• Дэлхий даяар 400+ судалгааны хамтрагч байгууллагатай
• Дэлхийн хүлээн зөвшөөрөгдсөн 8 судалгааны хүрээлэнтэй
• 100+ судалгааны төвүүдтэй хамтарч ажилладаг
• 135 орны 56,500+ оюутантай
• 6600+ багш ажилчидтай
• 170 гаруй орны 268,000+ төгсөгчтэй

Их сургуулийн гол кампус болох St Lucia кампус нь 1927 онд Brisbane хотын зөвлөлийн шийдвэрээр баригдсан байдаг. Уг кампуст орчин үеийн сургалт, судалгааны анги танхим, лаборатори, лекцийн танхим, Queensland сургуулийн хамгийн том номын сан зэрэг байрлана. Мөн энэхүү кампус дээр олон төрлийн спорт байгууламжууд, музей, кафе зэрэг байдаг. St Lucia кампус нь Brisbane хотын төвөөс ердөө 7 километрийн зайд байрладаг тул сурч, ажиллах маш тохиромжтой байрлал болдог байна.

Их сургуулийн Gatton кампус нь Brisbane хотын төвөөс 87 километрийн зайд байрласан 1068 га талбайтай кампус юм. 1897 оноос үүсэлтэй тус кампус нь дэлхийн түвшний хөдөө аж ахуй, мал эмнэлэг, хүрээлэн буй орчны шинжлэх ухааны сургалт, судалгааны байгууламжыг агуулдаг. Түүнчлэн тус кампус дээр цагаан идээ, ургац, гахайн фермүүд болон хүлэмж, жимс, ногооны цэцэрлэгүүд байрладаг.

University of Queensland-ийн анагаах ухааны сургалт, судалгааны гол кампус болох Herston кампус нь Brisbane хотын бизнесийн дүүргээс ердөө минутын зайд оршдог. Тус кампус дээр их сургуулийн анагаах ухаан, нийтийн эрүүл мэндийн сургууль, Сувилахуйн ухаан, эх барихуйн ухааны сургууль, Амны хөндийн эрүүл мэнд, Эмнэлзүйн судалгааны төвүүд байрлаж үйл ажиллагаагаа явуулдаг байна.

Herston кампус нь  Brisbane хотын хамгийн том эмнэлэг болох Royal Brisbane and Women’s Hospital болон QIMR Berghofer Анагаах ухааны судалгааны хүрээлэнтэй хамтарч ажилладаг тул их сургуулийн оюутан, судлаач нарт анагаах ухааны дэлхийд тэргүүлэгч байгууллагатай хамтран ажиллах боломжийг нээж өгдөг.

Их сургуулийн номын сан нь 1910 онд байгуулагдсан ба нийт 13 салбар номын сантай. Голлох номын сангууд нь:

• Их сургуулийн төв номын сан 
• Уран барилга, хөгжмийн номын сан
• Dorothy Hill инженерчлэл, шинжлэх ухааны номын сан
• Fryer номын сан
• Gatton номын сан
• Herston эрүүл мэндийн шинжлэх ухааны номын сан
• Mater McAuley номын сан
• Австралийн эм зүйн төвийн эрүүл мэндийн шинжлэх ухааны номын сан
• Walter Harrison-н хуулийн номын сан

2023 оны байдлаар дэлхийд:

• QS дэлхийн их сургуулиудын жагсаалтаар – 43
• Times Higher Education сэтгүүлийн жагсаалтаар – 53
• ARWU жагсаалтаар – 51
• USNWR жагсаалтаар – 42
• CWTS Leiden жагсаалтаар – 32

2023 оны байдлаар Австрали улсдаа:

• QS дэлхийн их сургуулиудын жагсаалтаар – 6
• Times Higher Education сэтгүүлийн жагсаалтаар – 4
• ARWU жагсаалтаар – 2
• USNWR жагсаалтаар – 3
• CWTS Leiden жагсаалтаар – 1

QS дэлхийн их сургуулиудын жагсаалтаас гаргасан 2019 оны жагсаалтаар Queensland их сургууль нь дэлхийд:

• Уул уурхай, инженерчлэлийн салбарын хөтөлбөрөөр – #10
• Химийн инженерчлэлийн хөтөлбөрөөр – #24
• Барилгын инженерчлэлийн хөтөлбөрөр –  #42
• Материалын шинжлэх ухаан, инженерчлэлийн хөтөлбөрөөр – #48
• Цахилгааны инженерчлэлийн хөтөлбөрөөр – #51-100

• Австралийн үндэсний үйлдвэрлэлийн төв (Queensland салбар)
• Шилэн эдлэл ба тоног төхөөрөмжийн төв
• Дэвшилтэт дүрслэлийн төв
• Микроскопи ба микроанализын төв
• Уураг задлах байгууламж
• Арлын судалгааны төв
• Пинжарра Хиллз судалгааны байгууламж
• Судалгааны тооцооллын төв
• TetraQ