The University of Sydney

University of Sydney нь Австралийн Сидней хотод байдаг улсын судалгааны их сургууль юм. 1850 онд байгуулагдсан тус сургууль нь Австралийн хамгийн анхны их сургууль бөгөөд дэлхийд тэргүүлэгч шилдэг их сургуулиудын тоонд зүй ёсоор багтдаг. Австралийн хамгийн эртний 6 сургуулийн нэг болох тус сургууль нь өөрийн 9 салбар сургуулиар дамжуулж бакалавр, магистр, докторын зэрэг олгодог байна. Тус их сургууль нь 73,000 гаруй оюутан 8,100 гаруй багш ажилчид 350,000 төгсөгчидтэй бөгөөд тус сургуулиас 5 Нобелийн шагналтан, 2 Крафордын шагналтан төрсөн. Түүнчлэн Сидней Их Сургууль нь нийт Австрали улсын 7 ерөнхий сайд, 2 засаг дарга, Австралийн Дээд шүүхийн 24 шүүгч, 4 ерөнхий шүүгч, 110 Родэсын эрдэмтэн, 19 Гатесийн эрдэмтэнд боловсрол олгосон байна.

University of Sydney нь Австралийн судалгааны их сургуулиудын холбоо болох Group of Eight, Менежментийн боловсролын олон улсын холбоо,  Номхон далайн эргийн сургуулиудын холбоо, Олон нийтийн сургуулиудын холбоо, Дэлхийн их сургуулиудын холбоо зэрэг холбоонуудын гишүүн юм.

• Урлаг, нийгмийн ухааны сургууль
• Сиднейн бизнесийн сургууль
• Инженерчлэлийн сургууль
• Анагаах ухаан, эрүүл мэндийн сургууль
• Шинжлэх ухааны сургууль
• Сиднейн Архитектур, дизайн, хот төлөвлөлтийн сургууль
• Сиднейн Хөгжмийн Консерватория
• Сиднейн Хуулийн сургууль

Британын Daily Telegraph болон The Huffington Post агентлагуудаас их сургуулийн үндсэн кампусыг дэлхийн хамгийн үзэсгэлэнтэй 10 кампусын нэгээр нэрлэдэг. Уг кампус нь 1855 онд үүсгэн байгуулагдсан ба Darlington/Camperdown-н захад байрладаг бөгөөд түүхэн ач холбогдолтой хөшөө дурсгал, урлагийн бүтээлүүдийг агуулдаг. Хамгийн орчин үеийн техник, технологитой байгууламжаас бүрдэх 72 га талбайтай тус кампус дээр 6 номын сан, урлагийн үзэсгэлэн, түүхийн музей, судалгааны төвүүд байрлана. Кампус дээр байрлах их сургуулийн салбар сургуулиуд нь:

• Урлаг, нийгмийн ухааны салбар сургууль
• Сиднейн бизнесийн сургууль
• Инженерчлэлийн сургууль
• Анагаах ухаан, эрүүл мэндийн салбар сургууль
• Шинжлэх ухааны салбар сургууль
• Сиднейн Архитектур, дизайн, хот төлөвлөлтийн салбар сургууль

Mallett Street кампус: Их сургуулийн сувилахуйн салбар сургууль байрладаг.

Cumberland кампус: Уг оюутны хотхон нь 1980 онд байгуулагдсан ба эрүүл мэндийн шинжлэх ухааны салбар сургууль байрлана.

Rozelle кампус: Сиднейн урлагийн коллеж  байрлах тус кампус нь Rozelle-н захад байдаг ба уг кампус дээр уран зургийн чиглэлээр дагнасан сургалт явагддаг.

Camden кампус: Сиднейн баруун өмнөд хэсэгт байрлах уг оюутны хотхонд хөдөө аж ахуй, мал эмнэлгийн шинжлэх ухааны судалгааны хүрээлэнгүүд байрлан үйл ажиллагаагаа явуулдаг.

University of Sydney-н номын сан нь их сургуулийн кампусуудад байрласан нийт 11 номын сангаас бүрддэг. Их сургуулийн номын сан нь дэлхийн өмнөд хагас дахь хамгийн том сургалтын номын сан бөгөөд  5 сая орчим хэвлэмэл ном зохиол, 300000 цахим ном бүхий 5.3 сая орчим материалын сантай. Ховор зохиолын номын санд Gospel of Barnabas ,  Isaac Newton‘s Philosophiae Naturalis Principia Mathematica-н эх хувь гээд туйлийн ховорт тооцогдох ном зохиолууд байдаг.

• Хөдөө аж ахуй ба мал эмнэлгийн шинжлэх ухаан
• Биологийн шинжлэх ухаан
• Баригдсан орчин, дизайн
• Химийн шинжлэх ухаан
• Худалдаа, менежмент, аялал жуулчлал, үйлчилгээ
• Дэлхийн шинжлэх ухаан
• Эдийн засаг
• Боловсрол
• Инженерчлэл

• Байгаль орчны шинжлэх ухаан
• Түүх ба археологи
• Нийгэм
• Мэдээлэл, тооцооллын шинжлэх ухаан
• Хэл, харилцаа холбоо, соёл
• Хууль эрх зүй
• Математикийн шинжлэх ухаан
• Эрүүл мэнд ба анагаах ухааны шинжлэх ухаан
• Философи ба шашин судлал
• Физикийн шинжлэх ухаан
• Сэтгэл зүй ба танин мэдэхүйн шинжлэх ухаан
• Технологи

2023 оны байдлаар дэлхийд:

• QS дэлхийн их сургуулиудын жагсаалтаар– #41
• Times Higher Education сэтгүүлийн жагсаалтаар– #54
• ARWU жагсаалтаар– #73
• USNWRжагсаалтаар– #27
• CWTS Leidenжагсаалтаар– #37

2023 оны байдлаар Австрали улсдаа:

• QS дэлхийн их сургуулиудын жагсаалтаар– #3
• Times Higher Education сэтгүүлийн жагсаалтаар– #3
• ARWU жагсаалтаар– #5
• USNWRжагсаалтаар– #2
• CWTS Leidenжагсаалтаар– #3