The University of Western Australia

University of Western Australia (UWA) буюу Баруун Австралийн Их Сургууль нь 1911 онд байгуулагдаж байсан зуун жилийн түүхтэй судалгааны, улсын сургууль юм. Баруун Австралийн их сургууль нь Австрали улсын Перт, Албани хотуудад байрласан үндсэн кампустай. Тус их сургууль нь Австрали улсын 6 дахь хамгийн эртний сургууль бөгөөд 1973 он хүртэл Баруун Австралийн цорын ганц их сургууль байсаар ирсэн байна. Түүнчлэн Баруун Австралийн их сургууль нь Австралийн судалгааны тэргүүлэгч их сургуулиудын холбоо болох Group of Eight, олон улсын  Matariki Network of Universities зэрэг холбоонуудын гишүүн бөгөөд хөдөө аж ахуй, сэтгэл судлал, боловсрол, дэлхий болон далай судлалын сургалтын хөтөлбөрүүдээрээ алдартай. Их сургуулийн төгсөгчид дундаас Австралийн 1 ерөнхий сайд, Австралийн 5 дээд шүүхийн шүүгч, Reserve Bank-ны дарга, Rhodes–н 100 эрдэмтэн зэрэг нэр хүндтэй олон хүмүүс төрөн гарсан байдаг.

Урлаг, бизнес, хууль зүй, боловсролын сургууль 

Шинжлэх ухааны сургууль

Инженерчлэл, математикийн шинжлэх ухааны сургууль 

Эрүүл мэнд, анагаах ухааны шинжлэх сургууль

Тус кампус  нь Кроули дахь Сван гол дээр байрладаг бөгөөд Австралийн хамгийн үзэсгэлэнтэй оюутны хотхонуудын нэг  юм.  Тус оюутны хотхонд:

• Банк
• Оюутны хотхонтой хамтран ажилладаг номын дэлгүүр, хуучин номын дэлгүүр
• Хүүхэд асрах газар
• Кафе
• Компьютерийн дэлгүүр
• Худалдааны төв, мэдээний агентлаг
• Үсчин
• Аялал жуулчлалын агентлаг
• Урлагийн галерей, музей, театр, кино театр
• Амралтын газар, усан бассейн, теннисин талбай, эрүүл мэнд болон фитнес төв
• Эмнэлэг, эмийн сан, шүдний эмнэлэг зэрэг оршидог.

Тус кампус нь Пертээс дөрвөн цаг хагас зайд байрлах Олбани хотын өмнөд эрэгт байдаг бүс нутгийн камус юм.

Нөхөрсөг, ойр дотно UWA Albany оюутны хотхонд дараах зүйлс байрлана:

• UWA Albany төв
• Байгалийн нөөцийн менежментийн төв
• Хөдөө аж ахуйн клиник сургууль (Олбани)

Кроули кампусаас хэдхэн минутын зайд их сургуулийн Кларемонт кампус байрладаг.

UWA Claremont кампус-д:

• Австралийн Хөгжмийн Зөвлөл
• Күнзийн институт
• Лалын улсууд болон нийгэмлэгүүдийн төв
• Олон улсын эрүүл мэндийн сургалтын төв
• Англи хэлний сургалтын төв зэрэг оршино.

Түүнчлэн UWA Claremont оюутны хотхонд олон улсын оюутнуудад зориулсан суурь сургалтуудыг явуулдаг Тейлорын коллежийг байрладаг байна.

Ж. Робин Уоррен номын сан

Ж. Робин Уорренийн номын сан нь оюутнууд, төгсөгчид болон олон нийтийн суралцах орон зай юм. UWA анагаах ухаан ба нүүр ам судлалын номын сан гэж нэрлэгддэг байсан тус номын сан нь их сургуулийн үндсэн номын сан аж.

EDFAA номын сан

EDFAA номын сан нь Боловсрол, дүрслэх урлаг, архитектурын чиглэлийн номны цуглуулгыг агуулдаг.

Beasley хуулийн номын сан

Beasley Хуулийн Номын сан нь оюутны судалгаа, суралцах, хамтран ажиллах таатай, үйл ажиллагааны орчинг бүрдүүлж өгдөг орчин үеийн орон зай юм. Тус номын сан нь хууль зүйн чиглэлийн сургалтын болон сургалтаас гадуурх номын цуглуулгыг агуулна.

Барри Ж Маршалын Номын Сан

Маршалын номын сан нь шинжлэх ухаан, инженерчлэл, бизнесийн хэвлэлийн цуглуулга, газрын зургийн цуглуулгыг агуулдаг.

Рейд номын сан

Рейд номын сан нь хүмүүнлэгийн болон нийгмийн ухааны цуглуулга, тусгай цуглуулга, микрофильм зэргийг агуулна.

2022 оны байдлаар дэлхийд:

• QS дэлхийн их сургуулиудын жагсаалтаар– #93
• Times Higher Education сэтгүүлийн жагсаалтаар– #139
• ARWU жагсаалтаар– #85
• USNWR жагсаалтаар– #78
• CWTS Leiden жагсаалтаар–#176

2022 оны байдлаар Австрали улсдаа:

• QS дэлхийн их сургуулиудын жагсаалтаар– #7
• Times Higher Education сэтгүүлийн жагсаалтаар– #8
• ARWU жагсаалтаар– #6
• USNWR жагсаалтаар–#8
• CWTS Leiden жагсаалтаар– #6

QS дэлхийн их сургуулиудын жагсаалтаар дэлхийн шилдэг 50-д орсон их сургуулийн мэргэжлийн хөтөлбөрүүд:

• Газар тариалан, мод үржүүлэг
• Анатоми, физиологи (#13)
• Барилгын инженерчлэл
• Дэлхий, далай судлал
• Ашигт малтмал, уул уурхайн инженерчлэл (#3)
• Спорт

Нэр хүндтэй:

Австрали улсын судалгааны тэргүүлэгч их сургуулиудын холбоо болох Group of Eight-ийн гишүүн бөгөөд дэлхийн шилдэг 100 их сургуулийн нэг.

Тохиромжтой байршил:

Амьдралын чанар маш өндөр, тайван амгалан, нарлаг, орчин үеийн хот болох Перт хотоос хэдхэн минутын зайд оршдог

Олон улсад хүлээн зөвшөөрөгдсөн:

Их сургуулийн мэргэжлийн зэрэг нь олон улсын ажлын зах зээл дээр бүрэн хүлээн зөвшөөрөгддөг.

Тусч хамт олон

Туршлагатай багш ажилчид оюутнуудыг зорилгодоо хүрэхэд үргэлж тусалж, дэжиж байдаг.

Уян хатан, практик уялдаатай хөтөлбөрүүд:

Өөрийн мэрэгжлийн бус байсан ч сонирхсон хичээлээ үзэх, бодит ажлын байрны туршлага хуримтлуулах хөтөлбөрүүд

Үзэсгэлэнтэй кампус:

Түүхэн барилга, ногоон байгууламж, орчин үеийн сургалтын байрыг хослуулсан их сургуулийн Crawley кампус нь Австрали орны хамгийн үзэсгэлэнтэй кампусуудын нэг юм.