University of Alberta

Канадын Алберта мужын Эдмонтонд байдаг Алберта их сургууль  нь 1908 онд байгуулагдаж байсан улсын, судалгааны их сургууль юм. Тус сургуулийг Албертагийн анхны ерөнхий сайд Alexander Cameron Rutherford болон анхны  ерөнхийлөгч Henry Marshall Tory нар үүсгэн байгуулсан байна. Их сургууль нь Алберта мужын эдийн засгийн гол хүчин зүйлсийн нэгт тооцогддог. Алберта мужын эдийн засагт үзүүлэх их сургуулийн нөлөөг жилд дунджаар 12.3 тэбум доллар байна хэмээн тооцдог бөгөөд улсын дотоодын нийт бүтээгдэхүүний 5 хувийг бүрдүүлдэг. Албертагийн их сургууль нь нийт 38500 гаруй оюутантайгаас 30500 нь баклаврын түвшний, 7800 нь бакалаврын дараах түвшний оюутнууд билээ. Тус сургуульд 150 гаруй орны 7500 гадаад оюутнууд суралцдаг.

• Алберта их сургуулийн төгсөгчид төгсөлтийн дараах ажил эрхлэлтийн үзүүлэлтээрээ Канад улсад хамгийн өндөрт нь тооцогддог.
• Сургуулийн хэд хэдэн хөтөлбөр дэлхийн их сургуулиудын түвшинг тогтоогч World University Ranking сайтад дэлхийн 100 шилдэг хөтөлбөрүүдэд багтдаг. Үүнд:

1. 60 дугаар байр Болосврол
2. 77 дугаар байр Эмнэлзүй, эмнэлзүйн бэлтгэл хөтөлбөр, эрүүл мэнд
3. 83 дугаар байр Хууль
4. 99 дүгээр байр Сэтгэл судлал

• 2018 онд амжилтаа ахиулж дэлхийн их сургуулиудын түвшинг тогтоодог албан ёсны QS World University Rankings сайтад 90 дүгээр байранд орсноор дэлхий шилдэг 100 их сургуулийн нэг болсон.
• Алдарт Rhodes Scholars тэтгэлгийг тус сургуулийн 72 төгсөгч хүртэж байсан.

Албертагийн их сургууль нь бакалаврын түвшний 388 хөтөлбөр бакалаврын дараах түвшний  түүнээс дээд боловсролын 500 хөтөлбөр санал болгодог.  Тус их сургуулийн:

• Хүрээлэн буй орчны инженерчлэл
• Уул уурхайн инженерчлэл
• Нийгмийн ухаан
• Технологийн хэрэгсэл
• Хөдөө аж ахуйн шинжлэх ухаан
• Химийн инженерчлэл
• Сувилахуйн ухаан
• Дэлхий судлал зэрэг хөтөлбөрүүд хамгийн эрэлттэй мөн нэр хүндтэй байдаг байна.

1951 оны 5-р сард нээгдсэн тус их сургуулийн анхны номын сан болох Rutherford номын сан нь одоо Хойд Америк дахь хамгийн том судалгааны, боловсронгуй системтэй номын сан болсон билээ. Нийт 10 гаруй номын сантай бөгөөд хөтөлбөр, салбар сургуулиудаас шалтгаалан кампус болгондоо 1-2 номын сантай. Номын сан тус бүр нь сургалтын ганцаарчилсан болон багаар ажиллах анги танхимтай. Augustana номын сан нь 7 хоногийн турш 24 цагаар ажилладаг.

Албертагийн их сургууль нь 5 кампустай. Үүнд:

Хойд/ Гол кампус

Эдмонтоны төвд байрлах Хойд кампус нь үзэсгэлэнт байгальтай голын дэргэд оршдог бөгөөд хотын төвөөс хэдхэн минутын зайд оршдог. Алберта их сургуулийн Нанотехнологийн институт, Тиммс урлагийн төв зэрэг гол байгууламжууд  энэхүү кампусд байрладаг.

Гэгээн Жийн Кампус

Гэгээн Жийний кампус нь гол кампусаас 10 минутын зайд байдаг. Энэхүү кампус нь Манитоба-гийн баруун хэсгийн цорын ганц Франц хэл давамгайлсан кампус юм.

Аугастана Кампус

Тус кампус нь Эдмонтоны гаднa, машинаар 1 цаг яваад хүрэх Камрөүз гэх газар байрладаг. Камрөүз нь Эдмонтоноос жижиг хот бөгөөд 16000 иргэдтэй. Тус кампусд 1000 гаруй оюутнууд амьдарч, суралцлдаг бөгөөд жижиг ангийн зохион байгуулалт нь оюутнуудад багштайгаа илүү тулж суралцах боломжийг олгодог.

Интэрпрайз Талбай           

Энэ кампус нь Эдмонтон хотын төвд байрлах Албертагийн их сургуулийн хамгийн сүүлд байгуулагдсан кампус юм. Интэрпрайз Талбай нь хагас цагаар суралцдаг оюутнуудад зориулагдсан бөгөөд англи хэлний институт болон олон тооны их сургуулийн оффисууд байрладаг.

Өмнөд кампус

Өмнөд кампус нь Хойд кампусаас урд зүгт байрладаг бөгөөд Foote Field болон бусад алдартай спорт байгууламж болон Албертагийн их сургуулийн ферм мөн хөдөө аж ахуй-хүнсний салбар сургууль байрладаг.

• Хөдөө аж ахуй ба хүнс
• Хиймэл оюун ухаан
• Эрчим хүч
• Байгаль орчин, цаг уурын өөрчлөлт
• Эрүүл мэнд
• Нанотехнологи
• Шинжлэх ухаан ба технологи
• Нийгэм ба соёл

Албертагийн их сургуулийг нийт 290,000 оюутан төгссөн бөгөөд нийт төгсөгчдийн 7% буюу 21,000 гаруй нь олон улсын оюутнууд билээ. Төгсөгчид дундаас нэр хүндтэй, олонд танигдсан  хүмүүсийг дурьдвал:

• -Канадын 16 дахь ерөнхий сайд Joe Clark
• -Канадын 17 дахь Ерөнхий шүүгч Beverly Mclachlin
• -Элэгний C вирусыг илрүүлэгчдийн нэг вирус судлаач Michael Houghton
• -Нобелын шагналт зохиолч Derek Walcott
• -Үндэсний хоккейн лигийн 3 дахь ерөнхийлөгч Clarence Campbell
• -Нобелийн шагналд нэр дэвшигч, физикч Richard E. Taylor.