University of California, Berkeley

Танилцуулга

Беркли дахь Калифорнийн Их Сургууль (UC Беркли, Беркли Калифорниа) нь Калифорниа мужийн Беркли хотын улсын, судалгааны их сургууль юм. 1868 онд тус мужаас газрын буцалтгүй тусламжийг олгосон анхны их сургууль болон байгуулсан тус сургууль нь Калифорнийн их сургуулийн системийн анхны кампус бөгөөд Америкийн их сургуулиудын холбооны үүсгэн байгуулагч гишүүн аж.

Оюутнууд 160 бакалаврын хөтөлбөр, 350 гаруй магистрын хөтөлбөрөөс сонгох боломжтой. Түүнчлэн тус их сургууль нь докторын зэрэг олгох олон хөтөлбөрүүдийг санал болгодог. Эдийн засаг, Эсийн биологи, Компьютерийн шинжлэх ухаан зэрэг нь их сургуулийн санал болгодог томоохон хөтөлбөрүүдийн нэг юм.

Их сургууль нь семестрт суурилсан хичээлийн жилтэй. Их сургууль дээр Математикийн Шинжлэх Ухааны Судалгааны Хүрээлэн ба Сансрын Шинжлэх Ухааны лаборатори зэрэг салбартаа хамгийн алдартай хоёр судалгааны хүрээлэн байрладаг. Тус сургуулийн эрдэмтэд химийн үелэх системийн 16 элементийг илрүүлсэн бөгөөд төгсөгчид, багш ажилчид, судлаачид нараас 107 Нобелийн шагналтан, 25 Тюрингийн шагналт, 14 Филдсийн медальтан төрөн гарсан бол одоогийн их сургуулийн багш, эрдэмтэд дунд 4 Пулитцерийн шагналтан, 8 Нобелийн шагналтан багтдаг байна.

Их сургуулийн бүрдэлдэхүүн:

Химийн сургууль

Боловсролын сургууль

Инженерчлэлийн сургууль

Хүрээлэн буй орчны дизайны сургууль

Бизнесийн сургууль

Мэдээллийн системийн сургууль

Сэтгүүл зүйн сургууль

Хууль зүйн сургууль

Хүмүүнлэг, Шинжлэх ухааны сургууль

Байгалийн ухааны сургууль

Нийтийн эрүүл мэндийн сургууль

Олон нийтийн бодлогын сургууль

Товч мэдээлэл:

40,000+ оюутан

5000+ багш, ажилтан

74+ орны оюутнууд

Олон улсын оюутны хувь 24%

Багш, оюутны харьцаа 1:18

Эрэгтэй, эмэгтэй оюутны харьцаа 48:52

Кампус:

Берклигийн кампус нь ойролцоогоор 1,232 акр газрыг (499 га) хамардаг боловч “төв кампус” нь энэ талбайн зөвхөн нам дор баруун хэсгийн 178 акр газрыг (72 га) эзэлдэг. Үлдсэн талбайн ойролцоогоор 200 акр газрыг (81 га) Лоуренс Берклигийн үндэсний лаборатори эзэлдэг. Үндсэн кампусын дээр байрлах бусад байгууламжуудад Лоуренсын Шинжлэх Ухааны танхим болон хэд хэдэн судалгааны нэгжүүд, ялангуяа Сансрын шинжлэх ухааны лаборатори, Математикийн шинжлэх ухааны судалгааны хүрээлэн, 800 акр газар (320 га) экологийн дархан цаазат газар, Калифорнийн Их Сургуулийн Ботаникийн цэцэрлэг, амралт чөлөөт цагийн төв зэрэг орно. Оюутны хотхонд улс төрийн бүлгүүдээс эхлээд хөнгөн атлетикийн багууд, спорт, соёл, урлагийн 1000 гаруй оюутны байгууллагууд байдаг. Оюутны хотхонд Калифорнийн Их сургуулийн Палеонтологийн музей, Берклигийн урлагийн музей, Номхон далайн кино архив, Лоуренсын шинжлэх ухааны танхим зэрэг хэд хэдэн музей байрладаг. Оюутны хотхонд мөн АНУ-ын хамгийн олон янзын ургамлын цуглуулгын нэг буюу 12000 гаруй төрөл зүйлтэй, ховор, ховордсон ургамлын тоогоороо алдартай Калифорнийн Их Сургуулийн Ботаникийн цэцэрлэг байрладаг.

Номын сан:

АНУ-ын бүх мужын дээд боловсролын титэм эрдэнэс гэж тооцогддог UC Беркли нь өдөр бүр номын сангаараа дамжуулан дэлхийн жишигт нийцсэн сургалт, дэвшилтэт судалгааг дэмжиж, сурч буй олон мянган оюутны туршлагыг баяжуулдаг. Түүхэн баримт бичиг, шинэлэг орон зай, өргөн уудам, хосгүй цуглуулгуудыг агуулах 24 номын сангаас бүрдсэн UC Berkeley Library нь бүх хүмүүст зориулагдсан юм.

Номын сангийн дэлхийд алдартай цуглуулгуудад 13 сая гаруй боть багтдаг. Материалын дотор уран зураг, литографи, папирус, аудио, видео бичлэг, үгээ хэлэх хөдөлгөөнөөс гаргасан ухуулах хуудас, Хелен Келлерийн Марк Твенд 70 насныхаа ойд зориулсан тэмдэглэл зэрэг багтдаг байна.