University of Canberra

Канберра Их Сургууль (UC) нь Австралийн нийслэл нутаг дэвсгэрт байрлах Канберра хотын Брюс дүүрэгт байрладаг улсын их сургууль юм. Их сургуулийн кампус нь Уэстфилд Белконнен худалдааны төвөөс алхах зайд байрладаг ба Канберра хотын төвөөс 8.7км зайтай. UC нь Эрүүл мэнд, Урлаг ба Дизайн, Бизнес, Засаглал ба Хууль, Боловсрол, Шинжлэх ухаан, Технологи гэсэн таван чиглэлээр бакалавр болон бакалаврын дараах түвшний сургалтуудыг явуулдаг.

Эрүүл мэндийн сургууль

Боловсролын сургууль

Урлаг, Дизайны сургууль

Бизнес, Хууль зүйн сургууль

Шинжлэх ухаан, Технологийн сургууль

Их сургууль нь Брюс дүүргийн захад байрлах нэг кампустай бөгөөд кампус нь сургуулийн барилга, байгууламжаас бүрдэх 120га талбайтай. Кампус нь нийт 28 барилгаас бүрддэг ба барилга тус бүр 1-28 хүртэлх тоогоор дугаарлагддаг байна. Кампус дээр оюутны дотуур байр, эрүүл мэндийн зөвлөгөө өгөх төв зэрэг байрлах ба кампус нь Австралийн Спортын хүрээлэн, Калвари улсын эмнэлэг, Белконнен худалдааны төв, төрөл бүрийн хоолны газартай алхах зайд байрладаг.

Канберра Их Сургуулийн Номын Сан нь кампусын 8-р байранд байдаг. Номын сан нь Их сургуулийн хамт олонд өндөр чанартай эрдэм шинжилгээний мэдээллийн нөөц, үйлчилгээ үзүүлэх зорилготой. Тус номын сан дөрвөн давхар ба  Канберра Их Сургуулийнн сургалын  бүхий л салбарыг хамарсан өргөн хүрээтэй хэвлэмэл болон цахим цуглуулгуудтай.

2023 оны байдлаар дэлхийд:

• QS дэлхийн их сургуулиудын жагсаалтаар– #511-520
• Times Higher Education сэтгүүлийн жагсаалтаар– #251-300
• ARWU жагсаалтаар– #601-700
• USNWRжагсаалтаар– #645

2023 оны байдлаар Австрали улсдаа:

• QS дэлхийн их сургуулиудын жагсаалтаар– #28
• Times Higher Education сэтгүүлийн жагсаалтаар– 15
• ARWU жагсаалтаар– #26-27
• USNWRжагсаалтаар– #29