University of Exeter

Танилцуулга

University of Exeter нь Их Британи улсын хамгийн алдартай сургуулиудын нэг Баруун өмнөд Английн, Эксэтэр хотод байрлах улсын, судалгааны их сургууль юм. University of Exeter нь шинжлэх ухаан, нийгмийн ухаан, хүмүүнлэгийн ухааны өргөн хүрээний бакалаврын болон бакалаврын дараах түвшний хөтөлбөрүүдийг санал болгодог ба Бизнес, IT, Эдийн засгийн чиглэлийн хөтөлбөрүүдээрээ нэр хүндтэй.

Эксетер их сургууль нь Их Британийн эрдэм шинжилгээ, судалгааны ажлын тэргүүлэг Расселл групп, Их Британийн их сургуулиудын холбоо, Европын их сургуулиудын холбоо, Хамтын нөхөрлөлийн их сургуулиудын холбоо, Магадлан итгэмжлэгдсэн дэлхийн бизнесийн сургуулиудын холбоо зэрэг холбоонуудын гишүүн юм.

Их сургуулийн түүх:

Уг сургууль анх 1851 онд Шинжлэх ухаан Урлагийн сургууль нэртэйгээр Эксэтэр хотод байгуулагдаж байсан. 1900 он гэхэд сургуулийн нийт суралцагчдын тоо 900 хүрсэн  бөгөөд үүнд 13-30 насныхан байв. 1955 онд тус коллеж нь Урлаг, Шинжлэх ухаан, Нийгэм судлал, Хууль гэсэн 4 салбар бүхий албан ёсны их сургууль болсон байна. 1996 онд их сургуулийн Анагаахын салбар сургуулийн  тэнхимийн эрхлэгч профессор John Tooke  чихрийн шижин өвчинд хийсэн судалгаагаараа Хатан Хааны Ойн Шагнал хүртсэн. Exeter их сургууль үүнээс хойш энэхүү шагналыг 1998 онд “Хүүхдийн эрүүл мэнд, дасгал хөдөлгөөн” гэсэн судалгаагаар, 2007 онд чихрийн шижин өвчтэй хүмүүст зориулсан эмчилгээд хийсэн судалгаагаараа 2 удаа хүртжээ.   Тус сургууль Их британи улсын дээд боловсролын холбоонд 2015 нэгдэж, тус холбооны гишүүн их сургуулиудын шилдэг 10-т багтсан байдаг.

Товч мэдээлэл:
22000+ оюутан
150+ орны оюутан
4900+ ажилтан
Эрэгтэй, эмэгтэй оюутны харьцаа 47:53
Багш, оюутны харьцаа 1:16
Олон улсын оюутны хувь 29%
Кампус

Streatham кампус

Их сургуулийн Exeter хот дахь хамгийн том кампус болох Streatham кампус нь хотын төвөөс таван минутын зайд байрлах бөгөөд улсын хамгийн үзэгсэлэнтэй кампусуудын нэг юм. Кампусын цэцэрлэгт хүрээлэн, ногоон байгууламж, нуур зэрэг нь сурч боловсроход таатай орчинг үүсгэдэг. Тус кампус дээр ойрын жилүүдэд маш олон шинэчлэлт хийсэн бөгөөд цоо шинэ сургалтын орчин, орчин үеийн техник, технологи бүхий анги танхим, 400 хүний суудалтай лекцийн заал зэргийг бүрдүүлж өгсөн. Кампусын бүх сургалтын танхим, цэцэрлэгт хүрээлэн, номын сан, дэлгүүр, зоогийн газар, кафе зэрэг нь хоорондоо алхаад хүрэх ойр, тохиромжтой байршилтай.

St Luke’s кампус

Их сургуулийн Exeter хот дахь  хоёр дахь кампус болох St Luke’s кампус их сургуулийн бакалаврын дараах түвшний боловсролын сургууль, спорт, эрүүл мэндийн шинжлэх ухааны сургууль, анагаах ухааны сургууль байрладаг. Уг кампус нь олон жилийн туршид ихээхэн өөрчлөгдсөөр ирсэн 160 жилийн түүхтэй кампус юм.

Penryn кампус

Penryn кампус нь хамгийн сүүлийн үеийн сургалтын болоод судалгааны тоног төхөөрөмжтэй бөгөөд оюутны байрыг орчин үеийн шийдлээр тохижуулсан. Ойролцоогоор 4000 орчим оюутан байрладаг уг кампус нь таньд нөхөрсөг, таатай уур амьсгалыг бүрдүүлж өгдөг.

Номын сан

Exeter-н их сургууль нь кампус бүр дээр байрласан номын сангуудтай бөгөөд Их сургуулийн номын сан тус бүрт их сургуулийн сургалт, судалгаатай холбоотой ном, сурах бичиг, сэтгүүл, судалгааны ажилууд агуулагддаг. Их сургуулийн номын сан нь нийт 1,000,000 гаруй материалтай.

Яагаад Exeter-г сонгох ёстой вэ?

ДЭЛХИЙН ШИЛДЭГ ИХ СУРГУУЛИУДЫН НЭГ

University of Exeter нь дэлхийн 200 шилдэг их сургуулиудын тоонд тогтмол багтдаг бөгөөд Их Британийн их сургуулиуд дундаа шилдэг 15-т тогтмол ордог.

БОЛОМЖ

Бид таньд  хүссэн амжилтандаа хүрэх чадврыг олгож, дэлхий ертөнцийг өөрчлөх итгэл найдварыг бий болгон  өөрийн хүсэж мөрөөдөж буй ирээдүйгээ  бүтээхэд тань туслах болно.

ТУРШЛАГА

Бид оюутан залуусынхаа сэтгэл ханамжаар Russel group–т шилдгийн шилдэгт тооцогддог.

ҮЗЭСГЭЛЭНТЭЙ КАМПУС

Сургуулийн кампус нь Их Британи улсын хамгийн үзэсгэлэнтэй кампусуудын нэгээр шалгардаг. Хотын төвтэй ойр байршил нь сурч боловсрох, амьдрахад маш таатай газар юм.

АЛДАРТАЙ ТӨГСӨГЧИД

University of Exeter нь маш чадварлаг, авьяастай хүмүүсийг бий болгосон бөгөөд үүнд Харри Поттерын зохиолч Ж.К.Роулинг, Оскар ба BAFTA-ийн шагналт Роберт Болт, Doctor Who киноны зохиолч Роберт Шерман нар орно.

АЮУЛГҮЙ, АЗ ЖАРГАЛТАЙ АМЬДРАЛ

Их Британи улсын хамгийн их хүн амтай хотуудын нэг болох Exeter хот нь маш өндөр амьдралын чанарын үзүүлэлттэй бөгөөд харьцангуй бага гэмт хэргийн хувьтай.

Bachelor subjects

Master subjects

School location