University of Newcastle, Australia

Ньюкаслийн их сургууль (UON) нь 1965 онд байгуулагдсан Австралийн улсын их сургууль юм. Их сургуулийн үндсэн кампус нь Шинэ Өмнөд Уэлс мужийн Ньюкасл хотын захын Каллагхан хотод байрладаг. Мөн тус их сургууль нь Оуримба, Порт Маккуори, Сингапур, Ньюкасл CBD, Сиднейн CBD зэрэг газруудад кампустай.

Түүхэндээ Ньюкасл Их Сургуулийн Анагаах Ухааны Сургууль нь Анагаах ухааны бакалаврын хөтөлбөртөө хамгийн анх асуудалд суурилсан сургалтын системийг хэрэгжүүлсэн бөгөөд энэ систем нь дараа нь Австрали Улсын Эрүүл Мэндийн Зөвлөлөөс Австрали улс даяар заавал хэрэгжүүлэх систем болсон байна. Түүнчлэн тус сургууль нь 1990-ээд оны эхээр бакалаврын түвшинд шаардах анагаах ухаан, эрүүл мэндийн шинжлэх ухааны элсэлтийн шалгалтыг (UMAT) хэрэгжүүлсэн анхдагч сургууль болсон.

Ньюкаслийн их сургууль нь Австралийн их сургуулиудын холбоо болон Бизнесийн сургуулиудын олон улсын холбоо зэрэг холбоонуудын гишүүн сургууль юм.

Бизнес, Хууль зүйн сургууль

Боловсрол, Урлагийн сургууль

Инженерчлэл, Барилгын инженерчлэлийн сургууль

Эрүүл мэнд, Анагаах ухааны сургууль

Шинжлэх ухааны сургууль

2017 Global Geographic Traveler сэтгүүлээс дэлхийн хамгийн ухаалаг хотуудын нэгээр шалгаруулсан Ньюкасл хотоос ердөө 12 км-ийн зайд Ньюкаслийн их сургуулийн Каллагаган дахь үндсэн кампус байрладаг.

Тус кампус нь 140 га талбай бүхий үзэсгэлэнт газарт байрлах дэлхийн түвшний, архитекторын шилдэг шийдэл бүхий шагнал хүртсэн барилгуудаас бүрдэх бөгөөд кампусыг Австрали улсын байгалаасаа хамгийн үзэсгэлэнтэй кампусуудын нэгээр нэрлэдэг байна.

Кампус дээр бүтэн жилийн турш нийгэм, соёлын арга маш олон арга хэмжээ болдог ба иж бүрэн тоноглогдсон биеийн тамирын заал, усан сан, гадна талбай зэрэг спортын байгууламжууд мөн олон төрлийн сонголттой хоолны газар, дэлгүүр зэрэг байрлана.

Каллагхан нь сурч боловсрох, ажиллаж амьдрах маш таатай газар юм.

Ньюкаслийн их сургуулийн Сиднейн кампус нь Елизабет гудамжинд байрлах тусгай зориулалтын  байранд байрладаг. Сидней хотын төв хэсэгт байрлах энэхүү кампус нь оюутан, багш нарыг дэлхийн түвшний сургалтын байгууламжууд болон үйлчилгээгээр хангадаг.

Ньюкасл CBD кампус нь их сургуулийн урлагийн чиглэл төвлөрсөн кампус юм. 2017 онд 95 сая долларын өртгөөр шинэчэлсэн тус кампус дээр хамгийн орчин үеийн техник технологийг агуулна. Их сургуулийн Хөгжмийн Консерватория, Урлагийн галлерэй, Ньюкасл хууль зүйн төв, Ньюкасл Бизнесийн их сургууль нар нь тус кампус дээр байрладаг.

Ньюкаслийн их сургуулийн номын сан нь их сургуулийн кампус тус бүрт байрлах олон тооны номын сангаас бүрддэг. Эдгээр номын сангууд нь Auchmuty, Huxley, Ourimbah, Newcastle City зэрэг номын сангууд юм. Их сургуулийн хамгийн том номын сан нь Каллагхан кампус дээрх Auchmuty номын сан юм. Тус номын сан нь 1,500,000 гаруй материал агуулдаг бөгөөд уламжлалт, ховор ном, архив, түүхэн цуглуулгуудыг хадгалдаг. Их сургуулийн номын сангийн бүх каталогийг их сургуулийн аль ч номын сангаас авах боломжтой. Тус номын сан нь Австралийн их сургуулийн номын санчдын зөвлөлийн гишүүн юм. Түүнчлэн 1975 оноос хойш их сургууль нь Шинэ Өмнөд Уэльс-ийн улсын архивийг хадгалж байгаа билээ.

2023 оны байдлаар дэлхийд:

• QS дэлхийн их сургуулиудын жагсаалтаар– #316
• Times Higher Education сэтгүүлийн жагсаалтаар– #201-250
• ARWU жагсаалтаар– #301-400
• USNWR жагсаалтаар– #313
• CWTS Leiden жагсаалтаар–#173

2023 оны байдлаар Австрали улсдаа:

• QS дэлхийн их сургуулиудын жагсаалтаар– #10
• Times Higher Education сэтгүүлийн жагсаалтаар– #9
• ARWU жагсаалтаар– #18
• USNWR жагсаалтаар–#14
• CWTS Leiden жагсаалтаар– #13

QS дэлхийн их сургуулиудын жагсаалтаар 2019 онд дэлхийн шилдэг 50-д орсон их сургуулийн мэргэжлийн хөтөлбөрүүд:

• Ашигт малтмал, уул уурхайн инженерчлэл
• Сувилахуйн ухаан

QS дэлхийн их сургуулиудын жагсаалтаар 2019 онд дэлхийн шилдэг 100-д орсон их сургуулийн мэргэжлийн хөтөлбөрүүд:

• Архитектор
• Болосврол

QS дэлхийн их сургуулиудын жагсаалтаар 2019 онд дэлхийн шилдэг 150-д орсон их сургуулийн мэргэжлийн хөтөлбөрүүд:

• Барилгын инженерчлэл
• Анагаах ухаан
• Социологи

QS дэлхийн их сургуулиудын жагсаалтаар 2019 онд дэлхийн шилдэг 200-д орсон их сургуулийн мэргэжлийн хөтөлбөрүүд:

• Цахилгааны инженерчлэл
• Газар зүй
• Сэтгэл судлал

Ажлын зах зээл дээр эрэлттэй төгсөгчид – Их сургуулийн бакалаврын болон бакалаврын дараах түвшний аль ч хөтөлбөр нь ажил олгогч нарын шаарддаг практик болон онолын мэдлэгийг үйлдвэрлэлийн дадлагатай хослуулан заадаг учир сургуулийн төгсөгчид нь улсдаа төдийгүй олон улсад эрэлттэй байдаг. Их сургуулийн анагаах ухаан, цахилгааны инженерчлэл зэрэг салбаруудын бакалаврын зэрэгтэй төгсөгчид 100% ажил эрхлэлттэй байдаг ба аль ч чиглэлээр төгссөн зах зээлийн дундаж болон дунджаас 5% дээгүүр цалинтай ажилд орж чаддаг байна.

Тэргүүлэгч багш, судлааачид – Та салбартаа тэргүүлэгч, нэр хүндтэй шилдгийн шилдэг багш нараас суралцах болно. Их сургуулийн багш нар нь бүгд салбартаа нэр хүндтэй өргөн хүрээний холбоотой тул оюутнуудад олон төрлийн боломж олгодог.

Чанартай сургалтын хөтөлбөр, чанартай сургалтын байгууламж – Их сургууль нь дэлхийн түвшинд хүлээн зөвшөөрөгддөг хөтөлбөрүүдийг заадгаас гадна Австрали улсын цорын ганц туяаны эмчилгээний симуляци лаборатори, бүрэн тохижуулагдсан 500 хүний суудалтай тоглолтийн танхим зэрэг таны аль ч мэргэжлээр суралцсан хамгийн орчин үеийн техник технологиор бүрэн тохижуулагдсан сургалтын байгууламжаар хангадаг.

Олон улсад ажиллах – Олон улсад хүлээн зөвшөөрөгдөх эрдмийн зэргээс гадна тус сургууль нь хичээлийн хөтөлбөрийн хүрээнд оюутан солилцоо, сайн дурын ажил, дадлагын ажил, сургалтын аялал зэргийг 25 орны 100 их сургуультай хамтран явуулдаг учир олон улсад холбоо тогтоох, туршлага хуримтлуулах боломжийг бий болгоно.