University of the Pacific

Номхон далайн их сургууль (Номхон далайн буюу UOP) нь АНУ-ын Калифорниа мужийн Сакраменто, Сан Франциско (Алдарт цахиурын хөндий байдаг), Стоктон хотод байрлах гурван кампустай хувийн их сургууль юм. Тус сургууль нь Калифорниа дахь хамгийн эртний их сургууль бөгөөд Калифорниа муждаа хосолсон хөтөлбөрийг бие даан явуулсан анхны сургууль, АНУ-ын баруун эргийн анхны Хөгжмийн консерватор сургууль, Анхны анагаах ухааны сургууль юм.

Тус их сургууль нь анх 1851 оны 7-р сарын 10-нд Калифорнийн Санта Клара хотод Калифорнийн Уэслиан коллеж нэртэй байгуулагдаж байсан ба дараагаар нь 1871 онд Сан Хосе руу нүүж, 1923 онд Баруун эргийн Стоктон руу байрлан үйл ажиллагаагаа явуулж эхэлсэн байна. Номхон далайн их сургууль нь Либерал урлагийн коллеж, бакалаврын дараах түвшний сургуулиас гадна Бакалврын түвшний Бизнес, боловсрол, инженерчлэл, олон улс судлал, хууль эрх зүй, хөгжим, эм зүй, нүүр ам судлал, эрүүл мэндийн шинжлэх ухааны салбар сургуулиудтай.

• 6,277 оюутантай
• Нэг ангийн дундаж оюутны тоо 20
• Багш, оюутны харьцаа 1:14
• Forbes сэтгүүлийн жагсаалтаар АНУ-ны хэмжээнд А зэрэглэлийн сургууль
• Төгсөгчдийн хөдөлмөрийн зах зээл дээрх цалингийн үнэлгээгээр (2019 оны College Scorecard – U.S. Department of Education буюу АНУ-ын Засгийн газраас гаргадаг дээд боловсролын байгууллагуудын үзүүлэлт) Калфорниа мужын 119 сургуулиас – #13
• Төгсөгчдийн хөдөлмөрийн зах зээл дээрх цалингийн үнэлгээгээр (2019 оны College Scorecard – U.S. Department of Education буюу АНУ-ын Засгийн газраас гаргадаг дээд боловсролын байгууллагуудын үзүүлэлт) АНУ-ын их сургуулиуд дундаас – #32
• Инженерчлэлийн хөтөлбөрөөр Америкийн нэгдсэн улсдаа (U.S. News & World Report сэтгүүлийн 2020 оны жагсаалтаар)- #52
• U.S. News & World Report сэтгүүлийн 2019 оны жагсаалтаар Америкийн нэгдсэн улсдаа – #142
• 80+ мэргэжлийн хөтөлбөрүүдтэй

Стоктон Кампус

Үзэсгэлэнт цамхаг, архитектурын уран хийц бүхий багана, эртний тоосгон хэлбэртэй барилга, сарнайн цэцэрлэгүүд, ногоон байгууламж бүхий Стоктон кампуст Холливудын алдарт High Time, Raiders of the Lost Ark, Kingdom of the Crystal Skull, The Sure Thing, Dead Man on Campus, Dreamscape зэрэг олон кинонуудын зураг авалт хийгдэж байсан. Стоктон кампус нь үндсэн гурван оюутны байртай.

2008 онд Их сургуулиас тус оюутны хотхонд оюутнуудын үндсэн үйл ажиллагааг төвлөрүүлэх зорилгоор 38 сая долларын өртөгтэй Дон Карен ДеРоза (DUC) их сургуулийн төвийг нээсэн байна. DUC-д оюутны нийтийн хоолны газар, оюутны кафе, паб, номын дэлгүүр, хурал уулзалтын танхимууд байрладаг. Тус их сургууль нь 2008 онд Стоктон кампуст байгалийн ухаан болон эрүүл мэндийн шинжлэх ухааны чиглэлээр суралцаж буй оюутнуудад зориулан судалгаа шинжилгээ, лабораторийн дэвшилтэт тоног төхөөрөмж бүхий 20 сая долларын үнэтэй биологийн шинжлэх ухааны төвийг байгуулсан.

Сакраменто кампус

UOP-ийн Сакраменто хотод байрлах 0.5км2 талбайтай Сакраменто кампуст бакалаврын дараах түвшний сургалтууд болон зэрэг олгох сургалтууд явагддаг. Сакраменто оюутны хотхон нь эрдэм шинжэлгээний байгууламжууд, оюутны байр, эрүүл мэндийн төв зэргээс бүрдэх 24 барилгатай.

Сан-Франциско кампус

UOP-ийн Сан-Франциско дахь кампус нь Сан Франциско хотын өмнө хэсэгт байрладаг бөгөөд тус кампуст салбар чиглэлийн хичээлийн танхимууд, UOP-ийн захиргаа, туршилт судалгааны лабораторууд, Дугонийн нэрэмжит нүүр ам судлалын сургууль зэрэг байрлана. Сан Франциско кампус-д UOP нь сургалтын үндсэн хөтөлбөрүүдээс гадна аналитик, аудиологи, хоол судлал, хөгжмийн эмчилгээ зэрэг онцлох хөтөлбөрүүдийг явуулдаг байна.

Стоктон кампусын номын сан нь Уильям Нокс Холтын нэрэмжит номын сан болон сургалтын төвөөр дамжуулан номын сангийнхаа үйлчилгээ үзүүлдэг. Номын сан нь дүрслэх урлаг, нийгмийн ухаан, хүмүүнлэг, бизнес, боловсрол, хөгжим, байгалийн болон физикийн шинжлэх ухаан, инженерчлэл, анагаах ухааны гэх мэт бүх чиглэлийн ном, сонин, сэтгүүл, баримт материал зэрэг хэвлэмэл сантай . Түүнчлэн номын сан нь ганцаарчилсан болон багаар ажиллах боломжтой анги танхим зэрэг суралцах бүхий л таатай орчинг бүрдүүлсэн байна.

2024 оны байдлаар Америкийн нэгдсэн улсдаа:

• The Wall Street Journal/Times Higher Education жагсаалтаар – 96
• The Wall Street Journal/Times Higher Education жагсаалтаар Баруун эргийн сургуулиуд дундаа – 21
• U.S. News & World Report сэтгүүлийн жагсаалтаар – 142
• Washington Monthly жагсаалтаар – 131
• Forbes сэтгүүлийн жагсаалтаар – 116

2024 оны байдлаар Дэлхийд:

• QS дэлхийн их сургуулиудын жагсаалтаар – 1001-1200