UNIVERSITY OF UTAH

Ютагын их сургууль (U of U, The U ) нь АНУ-ын Юта мужийн Солт Лейк-Сити-д байрлах судалгааны улсын их сургууль юм. Юта мужийн тэргүүлэх их сургуулийн хувьд Ютагын их сургууль нь бакалаврын түвшний 100 гаруй, бакалаврын дараах түвшний 92 хөтөлбөртэй. Тус сургуулийн Докторын хөтөлбөрүүд нь АНУ-ын дээд боловсролын байгууллагуудыг үнэлдэг The Carnegie Classification® хүрээлэнгээс  Их сургуулиуд дундаа “Судалгааны ажил маш сайн” гэх үнэлгээг өгсөн. 2019 оны байдлаар Юта их сургууль нь бакалаврын 28,686 оюутан, бакалаврын дараах түвшний 4,114 оюутан нийт 32,800 оюутантай байна.

Түүхийн хувьд 1849 онд Дезерет нэртэйгээр 2 жилийн хугацаанд түр байгуулагдаж байсан Дезерет мужийн Ерөнхий Ассемблей-ээс тус их сургуулийг анх 1850 онд Дезеретийн их сургууль нэртэйгээр байгуулсан байна. Тус сургууль нь Юта мужийн хамгийн эртний их сургууль ба 1892 онд одоогийн нэрээр Юта их сургууль нэртэй болж, 1900 онд Сол Лейк-Ситид үйл ажиллагаагаа явуулж эхэлсэн . Түүнчлэн тус их сургуулийн Коллежийг АНУ-ын үндэсний тэргүүлэх 100 коллежийн нэгээр шалгаруулсан байна.

Их сургуулийн кампус нь Солт Лейк нуурын зүүн хэсэгт Солт Лейк хотоос зүүн тийш 2 мл (3.2 км)-ийн зайд сургуулийн эрүүл мэндийн шинжлэх ухааны цогцолбор, Судалгааны парк, АНУ-ын иргэний дайны үед бэхлэлтийн цэг байсан Форт Дугласын байгууламж зэргээс бүрдсэн нийт 1534 акр (6.21 км2) газрыг хамран байрладаг аж. Сургуулийн үндсэн номын сан болох J. Willard Marriott нэрэмжит номын сан, S.J. Quinney-ийн хуулийн номын сан, ихэнх хичээлийн танхимууд нь Кампусын баруун хэсэгт байрших Lower кампусд байдаг. Түүнчлэн Lower кампусд сургуулийн Оюутны холбоо, Эрүүл мэнд, Биеийн тамир, Амралтын цогцолбор зэрэг байрлахаас гадна Райс-Экклсын цэнгэлдэх хүрээлэн, Жон М. Хантсманы төв цэнгэлдэх хүрээлэн, Юта мужийн Дүрслэх урлагийн музей, Америк, Европ, Африк, Азийн соёлыг харуулсан урлагийн Галерей зэрэг олон нийтэд газрууд байршина.

• Архитектур, төлөвлөлтийн коллеж
• Дэвид Экксийн Бизнесийн сургууль
• Соёл, нийгмийн өөрчлөлтийн сургууль
• Нүүр ам судлалын сургууль
• Боловсролын коллеж
• Инженерчлэлийн коллеж
• Дүрслэх урлагийн коллеж
• Эрүүл мэндийн коллеж
• Хүндэт коллеж
• Хүмүүнлэгийн ухааны коллеж
• С.Ж. Квинни Хууль зүйн коллеж
• Уул уурхай, дэлхий судлалын коллеж
• Сувилахуйн ухааны коллеж
• Эм зүйн ухааны коллеж
• Шинжлэх ухааны коллеж
• Нийгмийн болон зан үйлийн шинжлэх ухааны коллеж

• Компьютер, мэдээлэл технологи шинжлэх ухаан
• Анагаах ухаан
• Нүүр ам судлал
• Биологи
• Улс төрийн шинжлэх ухаан
• Хууль, эрх зүй
• Балет

Дэлхийн хамгийн том зочид буудлын сүлжээ (Marriott Bonvoy)-г үүсгэн байгуулагч, тэрбумтан Ж.Уиллард Марриот нь Юта Их Сургуулийн төгсөгч бөгөөд түүний нэрэмжит Ж.Уиллард Марриотын номын сан нь Юта их сургуулийн эрдэм шинжилгээний гол номын сан юм. Юта их сургуулийн номын сан нь анх 1850 онд байгуулагдсан ба одоогийн барилга нь 1968 онд нээгдэж 1969 онд Марриотт Интернэшнл компанийг үүсгэн байгуулагч Ж.Виллард Марриотт-ийн нэрэмжит номын сан болсон байна. Тус барилга нь 46,000 м2 хэмжээтэй, 4.5 сая гаруй ном зохиолыг агуулна. Түүнчлэн тус номын сангийн цуглуулгад Юта их сургуулийн түүхийг харуулсан бичиг баримт, зураг, бичлэг байрлахаас гадна түүхэн ач холбогдолтой тусгай цуглуулгууд байдаг.

АМЕРИКИЙН НЭГДСЭН УЛСАД:

• Academic Ranking of World Universities (ARWU) үзүүлэлт -46-58
• Forbes сэтгүүлийн жагсаалтаар – 187
• Times Higher Education жагсаалтаар – 126
• U.S. News & World Report сэтгүүлийн жагсаалтаар – 104
• Washington Monthly жагсаалтаар – 63

ДЭЛХИЙД:

• Academic Ranking of World Universities (ARWU) үзүүлэлт -101-150
• QS дэлхийн их сургуулиудын жагсаалтаар – 353
• Times Higher Education жагсаалт-201-250
• U.S. News & World Report сэтгүүлийн жагсаалтаар – 139

ИХ СУРГУУЛИАС ТӨРӨН ГАРСАН ЭРДЭМТЭДИЙН ТОО (заримаас дор дурдав)

• Родосын эрдэмтэд–22 
• Нобелийн шагналтан–4 
• МакАртур Феллоуз, Пулитцерын шагналын эзэд- 8
• Сансрын нисгэгч – 2
• Гейтс Кэмбриджийн эрдэмтэд зэрэг олон нэр хүндтэй хүмүүс тус сургуулиас төрөн гарсан байна.