University of Wollongong

Танилцуулга

Воллонгонгын их сургууль (UOW) нь Сиднейгээс өмнө зүгт 80 км-ийн зайд орших Шинэ Өмнөд Уэльсийн далайн эргийн Воллонгонг хотод байрладаг Австралийн улсын, судалгааны их сургууль юм.

1951 онд Воллонгонг хотод Шинэ Өмнөд Уэльсийн Технологийн Их Сургуулийн хэлтсийг (1958 оноос Шинэ Өмнөд Уэльсийн Их Сургууль гэж нэрлэдэг) байгуулжээ. 1961 онд Шинэ Өмнөд Уэльсийн Их сургуулийн Воллонгонг их сургуулийн коллежийг байгуулж 1962 онд коллежийг албан ёсоор нээсэн байна. 1975 онд Воллонгонгын Их Сургуулийг бие даасан байгууллага болгон байгуулав. Тус сургууль нь байгуулагдсан цагаасаа хойш 120,000 гаруй зэрэг, диплом, гэрчилгээ олгосон байна.

2019 оны сургалтын талаарх оюутны судалгаагаар Воллонгонгын Их Сургууль Австралийн бүх их дээд сургуулиудаас аравдугаарт, оюутны сэтгэл ханамжийн судалгаагаар Шинэ Өмнөд Уэльсийн бүх улсын их дээд сургуулиудаас хоёрдугаарт жагссан байна.

Воллонгонгын их сургууль нь Австралийн шинэ үеийн их дээд сургуулийн жишиг болсон дэлхийн хамгийн шилдэг орчин үеийн их сургуулиудын нэг бөгөөд судалгаа шинжилгээний олон салбар, оюутанд чиглэсэн сургалтын арга барилаараа нэр хүндтэй их сургууль юм.

Их сургуулийн бүрэлдэхүүн:

Урлаг, Хүмүүнлэг, Нийгмийн ухааны сургууль

Бизнес, Хууль зүйн сургууль

Инженерчлэл, Мэдээллийн технологийн шинжлэх ухааны сургууль

Шинжлэх ухаан, Эрүүл мэнд, Анагаах ухааны сургууль

Товч мэдээлэл:

35,000+ оюутан

2,400+ багш, ажилчид

130+ орны оюутнууд

Олон улсын оюутны хувь 27%

Багш, оюутны харьцаа 1:29

Эрэгтэй, эмэгтэй оюутны харьцаа 46:54

Кампус:

Wollongong campus

UOW-ийн Wollongong кампус нь их сургуулийн гол кампус бөгөөд Австралийн уугуул газарт байрладаг, Австралийн хамгийн үзэсгэлэнтэй их сургуулийн кампусуудын нэг юм. Тус кампусыг 25000 гаруй оюутан, 2000 гаруй ажилчид ашигладаг байна.

Воллонгонг кампус нь сургалтын болон судалгааны өргөн байгууламжаас гадна дараах байгууламжуудыг багтаана.

Оюутны байр
Номын сан
Хурлын танхим
Хоолны танхим, кафе, ресторан, баар
Жижиглэн худалдааны дэлгүүр
Спорт заал, дотор спортын төвүүд, Олимпийн стандартад нийцсэн усан бассейн, спортын талбай.

South Western Sydney campus

Воллонгонгын Их Сургуулийн (UOW) South Western Sydney кампус нь Австралын Ливерпүл хотын төвд байрладаг бөгөөд Австралийн хамгийн хурдацтай хөгжиж буй хот суурин газарт дэлхийн түвшний боловсролыг олгодог юм.

Кампус дээр дараах чиглэлээр бакалаврын болон бакалаврын дараах түвшний оюутанд чиглэсэн хөтөлбөрүүдийг санал болгодог:

Бизнес
Компьютерийн шинжлэх ухаан ба мэдээллийн технологи
Харилцаа холбоо, хэвлэл мэдээлэл
Олон улсын судлал
Хууль
Сувилахуй
Нийгмийн ажил
Математик ба Статистик
Олон нийтийн эрүүл мэнд
Нийгмийн шинжлэх ухаан

Sydney campus

Wollongong их сургуулийн (UOW) Сиднейн кампус нь Circular Quay-ийн Macquarie Place-д байрладаг. Сидней боомт дахь тус кампус нь Сиднейн дуурийн театр, Сиднейн боомтын гүүрийг хоёуланг харсан Сиднейн төвд оршдог аж. Кампус-руу галт тэрэг, автобус зэргээр зорчих боломжтой бөгөөд кампус дээр бизнес бол хууль зүйн чиглэлийн боловсрол олгодог байна.

Shoalhaven campus

Шоалхавен хотхон нь оюутнуудад оюутны хотхоны олон төрлийн үйлчилгээ, байгууламжийг бий болгох замаар таатай орчныг бий болгодог бөгөөд кампус дээр Воллонгонгын Их Сургууль нь сургалтын талбай, номын сан, кафе, оюутны байр зэрэг байгууламжийг бүрдүүлсэн байна.

Шоалхавен хотхонд суралцаж буй оюутнууд Воллонгонгын Их Сургуулиас санал болгож буй бүх төрлийн үйлчилгээг авах боломжтой.

Southern Highlands campus

UOW Southern Highlands нь Воллонгонгын их сургуулийн бүс нутгийн сүлжээний нэг хэсэг бөгөөд дэлхийн түвшний их сургуулийн боловсролыг орон нутгийн иргэдэд хүргэх боломжийг олгодог.

UOW Southern Highlands кампус нь сургалтын танхим, семинарын өрөө, компьютерийн лаборатори, видео хурлын байгууламж зэрэг тусгай зориулалтын байгууламжтай.

Batemans Bay campus

UOW Batemans Bay нь Воллонгонгын Их сургуулийн алсын кампусуудын нэг юм. Эдгээр кампус нь их дээд сургуулийн боловсролыг орон нутагтаа авчирдаг. Batemans Bay кампус дээр оюутнууд олон улсын хэмжээнд хүлээн зөвшөөрөгдсөн байгууллагад орон нутгаасаа гаралгүйгээр суралцах боломжтой юм.

Номын сан:

UOW номын сан нь:

Үйлчлүүлэгчдийн онцгой үйлчилгээ

UOW номын сангийн бусдаас ялгарах онцлог бол өндөр түвшинд бэлтгэгдсэн номын сангийн баг танд биечлэн болон онлайнаар маш сайн үйлчилгээ үзүүлдэг явдал юм.

Өргөн хүрээний нөөц

Номын санд 450,000 гаруй цахим ном, 260 мэдээллийн сан, 90,000 гаруй цахим сэтгүүл зэрэг олон сая нөөц бий. Та мөн манай баримт бичиг хүргэх үйлчилгээг ашиглан бусад номын сангаас ном авч, дэлхийн бусад сая сая хэвлэлд нэвтрэх боломжтой.

Судалгааг дэмжих

Байгууллагын репозитор болох Research Online нь Их сургуулийн өвөрмөц судалгааг танилцуулж, Archives Online нь судалгааны өвөрмөц цуглуулгуудыг хялбархан олж авах боломжийг олгодог.

Технологитой тэргүүлэгч

UOW Student Makerspace-д 3D хэвлэл, VR, олон төрлийн техник хангамж, програм хангамж ашиглан STEM болон урлагын ур чадвараа өргөжүүлээх боломжтой.