Victoria University Australia

Танилцуулга

Викториа их сургууль (VU эсвэл Вик Юни) нь Австралийн Виктория мужын, Мельбурн хотод байрладаг улсын, судалгааны их сургууль юм. Викториа их сургууль нь Дээд боловсрол, Техникийн болон Нэмэлт Боловсрол (TAFE) -ын аль алинд нь сургалт явуулдаг хоёр салбарын дээд сургууль юм.

Тус их сургууль нь 1991 онд их сургуулийн статустайгаар магадлан итгэмжлэгдсэн бөгөөд кампус дээрээ олон төрлийн дээд боловсрол, техник, мэргэжлийн сургалт явуулдаг. Хоёр салбарын их сургууль тул мэргэжлийн боловсролоос дээд боловсрол, гэрчилгээ, диплом, бакалавр, төгсөлтийн дараахь мэргэжил дээшлүүлэх зэрэгт суралцахаар төлөвлөж буй оюутнуудад хялбар замыг санал болгодог. Викториа Их Сургууль нь The Young University 2017 чансааны жагсаалтад дэлхийн 50-аас доош настай дэлхийн шилдэг их дээд сургуулиуд дундаас 56-р байранд оржээ.

Тус их сургууль нь 6 салбар сургууль, 7 эрдэм шинжилгээний төв, 6 эрдэм шинжилгээний хүрээлэн, Викториа Политехникийн сургуультай. Түүнчлэн их сургууль нь Сингапур, Энэтхэг, Хятад, Малайз, Шри Ланка, Вьетнам зэрэг Ази дахь түнш байгууллагуудад сургалт явуулдаг. Хятад дахь Ляонингийн их сургууль, Малайзын Санвэйн их сургуулийн коллеж нь Австралийн Викториа их сургуулийн хамгийн том түншүүдийн нэг юм.

Их сургуулийн бүрэлдэхүүн:

Урлаг, Боловсролын сургууль

Бизнесийн сургууль

Инженерчлэл, Шинжлэх ухааны сургууль

Эрүүл мэнд, Био-анагаах ухааны сургууль

Хууль зүйн сургууль

Спорт, Дасгал хөдөлгөөний шинжлэх ухааны сургууль

Товч мэдээлэл:

40,000+ оюутан

2,300+ багш, ажилчид

100+ орны оюутнууд

Олон улсын оюутны хувь 28%

Багш, оюутны харьцаа 1:44

Эрэгтэй, Эмэгтэй оюутны харьцаа 48:52

Кампус:

City Flinders

Сити Флиндерс хотхон нь Мельбурн хотын хөл хөдөлгөөн ихтэй төв бизнесийн дүүргийн (CBD) төвд байрлах орчин үеийн барилга юм. Тус кампус дээр оюутнууд остеопати, бизнес зэрэг олон төрлийн сургалтанд хамрагдах боломжтой. Тээврийн хэрэгсэл, дэлгүүр, зоогийн газар, кафе зэрэг бүхий л зүйлтэй ойр энэхүү кампус нь Мельбурн хотын томоохон Флиндерс гудамжны зогсоол, Ярра гол ба Саутбанк хэсгийн эсрэг талд байрладаг байна.

City King

Сити Кинг кампус нь Мельбурн хотын төмөр замын томоохон зогсоол, тээврийн зангилаа болох хотын өмнөд өртөөний ойролцоо байрладаг. Энэхүү кампус дээр ихэвчлэн Викториа Их Сургуулийн Политехникээр дамжуулан TAFE сургалтыг явуулдаг бөгөөд үүнд массаж, гоо сайхан, арьсны эмчилгээ, үс засах зэрэг сургалтууд ордог. Түүнчлэн кампус нь массаж, гоо сайхан, арьсны эмнэлэг олон нийтэд нээлттэй, үсчин гоо сайхны салонтой.

City Queen Campus

Сити Күйн кампус нь Мельбурн хотод байрлах өв уламжлалт үндсэн хоёр барилга, жижиг хоёр барилгаас бүрддэг. Кампус нь Викториа хуулийн сургууль, Хууль зүйн номын сан, шүүх танхимыг агуулна.

Footscray Nicholson Campus

Footscray Nicholson Campus нь Footscray галт тэрэгний буудлаас хэдхэн минутын зайд байдаг. Энэхүү тайван, найрсаг кампус нь VU Polytechnic-ээр дамжин явагддаг TAFE сургалтыг явуулдаг байна. Кампус дээр цоо шинэ номын сан, сургалтын танхимууд байрладаг бөгөөд хүүхэд харах үйлчилгээ, амралтын төвүүд мөн байдаг.

Footscray Park Campus

Footscray Park Campus нь Maribyrnong голын дагуух цэцэрлэгт хүрээлэнгийн хажууд, Footscray Station-аас холгүй байрладаг.

Кампус нь ресторан, кафе, нийтийн хоолны газар, дэлхийн стандартад нийцсэн спортын шинжлэх ухааны байгууламж, номын дэлгүүр, бассейн, спорт заалтай.

Кампус дээр бизнес, спорт, шинжлэх ухаан, инженерчлэл, боловсрол зэрэг их сургуулийн ихэнх хөтөлбөр явагддаг байна.

St Albans Campus

Сент Албанс кампус нь эрүүл мэнд, хоол тэжээлийн судалгааны төвийг агуулдаг бөгөөд кампус дээр мөн урлаг, шинжлэх ухааны хөтөлбөрүүд явагддаг байна.

Кампус дээр сувилахуйн болон биоанагаахын шинжлэх ухааны чиглэлээр суралцаж буй оюутнууд анагаах ухааны мэргэжилтнүүдтэй зэрэгцэн Саншайн эмнэлэг дэх сургалтын болон судалгааны шинэ төвд суралцах боломжтой.

Sunshine Campus

Sunshine кампус нь VU Политехникийн барилгыг агуулдаг бөгөөөд сургуулийн инженерчлэл, барилгын инженерчлэлийн дамжаа, Баруун Мельбурн дахь Англи хэлний хөтөлбөр (WMEP) зэрэг хөтөлбөрүүд тус кампус дээр явагддаг байна.

Werribee Campus

Мельбурн хотын хамгийн хурдацтай хөгжиж буй бүсэд байрладаг Верриби кампус нь орчин үеийн технологийн хорооллын нэг хэсэг юм.

Верриби кампус нь ус цэвэршүүлэх, хүнсний шинжлэх ухаан, биоанагаахын шинжлэх ухаан, галын аюулгүй байдлын чиглэлээр үйл ажиллагаа явуулдаг томоохон судалгааны төвүүдийг багтаасан сургалтын болон судалгааны мэргэшсэн байгууламжуудтай.

Кампусын оюутан, судлаачид орон нутгийн болон олон улсын шинжлэх ухааны нийгэмлэгт томоохон хувь нэмэр оруулдаг байна.

VU Sydney

VU Сидней кампус нь их сургуулийн олон улсын кампус юм. Дэлхийн хамгийн амьдрахад таатай хотуудын нэг болох Сидней хотын төвд байрлдах орчин үеийн тус кампус-д дэлхийн 45+ орны оюутнууд сурдаг байна.

Номын сан:

Викториа их сургууль нь Мельбурн дахь кампуусууддаа байрлах долоон номын сан, VU Сидней кампус дах номын сан, нийт 8 номын сантай. Викториа их сургуулийн номын сан нь сард 30,000 гаруй оюутанд үйлчилдэг бөгөөд нийт 1,300,000 гаруй ном, цахим ном, сэтгүүл, аудио-визуал материалуудыг агуулдаг. Номын сангууд нь янз бүрийн байгууламж, үйлчилгээг санал болгодог. Үүнд: